ماعندي دي اس ال وابي اشبك على اللايف, طلبتكم الفزعه
سلام عليكم
ياجماعه انا اذكر ان هذا السؤال كان موجود قبل كذا في هالمنتدى بس يمين بلله فحطت ودورت في كل الصفحات ومالقيته :(
انا فالرياض وفي حي النخيل الله لايعيده من حي والله يااني منحوس مع هالنترنت نحس خرافي.
من قبل حوالي ثلاث سنسن ونا مقدم على دي اس ال عند الاتصالات والى يومك انتظر, ويوم سمعت عن كونيكت اللي عند موبايلي بسرعة 3,6 ميجا وعندك جيجا فري فاليوم رحتلهم طيران واشتركت ويوم رجعت للبيت... مافي تغطية شبكة جيل ثالث في البيت :12:
المهم كلمت الاتصالات وتلاقطت انا وياهم وقلتلهم حرام عليكم كل هذا انتظر دي اس ال وخربطت عليهم شوي وقالو بنركبلك وايرلس بالميكروويف.
ياجماعه الزبده وشلون اشبك الانترنت على الاكس بوكس 360 من دون خط الدي اس ال العادي تكفون علموني لانه يوم جبت اشتراك موبايلي كان عندي اتصال بالانترنت لكنه ضعيف 236,
شبكته على الكمبيوتر وجبت سلك شبكه وشبكته الجهاز مع الاكسبوكس وماقدرت ادخل على اللايف... قالي الجهاز "سوي تيست كونيكشن يابو الشباب" قلتله سوي... اول وحده طلعتلي wired والثانيه اللي هي الاي اب ادريس اذا مانيب غلطان طلعلي failed وعجزت اشبك.
بلييييييييييس علموني وش الطريقه (بالتفصيل)
رد: ماعندي دي اس ال وابي اشبك على اللايف, طلبتكم الفزعه
أخوي خلك من الاتصالات المخيسة انا مثلك انتظرت اكثر من 8 شهور وبالأخير اشتركت بالـWiMAX صراحة روووووعة وأحسن من موبايلي كونكت
وشكراً...
رد: ماعندي دي اس ال وابي اشبك على اللايف, طلبتكم الفزعه
im afraid to tell you :blackeye:
No Dsl means no online gaming..on consols
اقتباس:
قبل حوالي ثلاث سنسن ونا مقدم على دي اس ال عند الاتصالات والى يومك انتظر
الله يعينكم ><"
احنا بالكثير أسبوع فقط ويكون واصل يركبلك الdsl ...
الحمدلله خدمات شركة فاستتلكو ممتازه :) ولو انه الأسعار غاليه مقارنه بالشركات الثانيه xD
رد: ماعندي دي اس ال وابي اشبك على اللايف, طلبتكم الفزعه
أخوي تأكد إذا كان جهازك كوبي وتبغى تدخل فيه باللايف فأكيد بيقول لك failed ( اتوقع انهم عطوك باند )
وبالنسبه لشبك موبايلي كونكت باللايف فيمديك تشبكه وشفت اكثر من موضوع بهالخصوص
بس على ما اظن يمديك تنزل وتحمل من الماركت بليس لكن ما يمديك تلعب لايف من موبايلي
كونكت ..
رد: ماعندي دي اس ال وابي اشبك على اللايف, طلبتكم الفزعه
اشترك بالـWiMax, افضل من ناحية البنق واسرع من الديزل ويتركب عندك في اقل من اسبوع.
اذا ماقدرت ففي قطعة تحويل سلك التلفزيون الى سلك للـBroadband ويمديك تشبكه على الـ360 لتحميل الابديتات المهمة And that's it.
رد: ماعندي دي اس ال وابي اشبك على اللايف, طلبتكم الفزعه
اخوي انا مشكلتي نفس مشكلتك ولا قد شبكته لايف وعطاني هالمشكله وللمعلوميه انا عندي WiMax
رد: ماعندي دي اس ال وابي اشبك على اللايف, طلبتكم الفزعه
اقتباس:
المشاركة الأصلية كتبت بواسطة Winter_wolf
اشترك بالـWiMax, افضل من ناحية البنق واسرع من الديزل ويتركب عندك في اقل من اسبوع.
اذا ماقدرت ففي قطعة تحويل سلك التلفزيون الى سلك للـBroadband ويمديك تشبكه على الـ360 لتحميل الابديتات المهمة And that's it.
هلا وغلا بسمييييييييييييير
وينك يالغلا ؟؟
من طول الغيبات جاب الغنايم ....... اقول ترا هيلو 3 قرب موعد صدورها نبي مراجعة ملعونة جد :32:
ونورت القسم يا عسل :kiss:
رد: ماعندي دي اس ال وابي اشبك على اللايف, طلبتكم الفزعه
ياشباب اولا مانعدي كوبي من يوم ماشريت الجهاز ونا اكع الدراهم فالاصلي لاني كنت مأمل ادخل اللايف وخيف يلقطوني
الوايماكس اللي هو يعطونك اياه الاتصالات اذا ماعندك دي اس ال صح؟
اللي يوقولونلك الاتصالات اذا تاخر عليك الدي اس ال اكثر من ثلاثل شهور نركبلك اياه؟
طيب اذا كان هو وشلون اشبك اللايف عليه؟
ياملك الانيمي شكلك شبكت اللايف عليه, بلله عليك علمني بالتفصيل كيف... اذا فيه برنامج معين او جهاز تكفى spill it out
ملاحظه: تراني عليمي في هالامور ياشباب يعني ابي تفصيل ممل ويا عزيزي Winter_wolf ترى مدري والله وشهو البرودباند فسر بلله
ناسف للازعاج ياجماعه
رد: ماعندي دي اس ال وابي اشبك على اللايف, طلبتكم الفزعه
اقتباس:
المشاركة الأصلية كتبت بواسطة manc4ever
ياشباب اولا مانعدي كوبي من يوم ماشريت الجهاز ونا اكع الدراهم فالاصلي لاني كنت مأمل ادخل اللايف وخيف يلقطوني
الوايماكس اللي هو يعطونك اياه الاتصالات اذا ماعندك دي اس ال صح؟
اللي يوقولونلك الاتصالات اذا تاخر عليك الدي اس ال اكثر من ثلاثل شهور نركبلك اياه؟
طيب اذا كان هو وشلون اشبك اللايف عليه؟
ياملك الانيمي شكلك شبكت اللايف عليه, بلله عليك علمني بالتفصيل كيف... اذا فيه برنامج معين او جهاز تكفى spill it out
ملاحظه: تراني عليمي في هالامور ياشباب يعني ابي تفصيل ممل ويا عزيزي Winter_wolf ترى مدري والله وشهو البرودباند فسر بلله
ناسف للازعاج ياجماعه
السلام عليكم
أخوي أنا سمعت ان الاتصالات السعودية عندها رخصة للـWiMAX لكن إلى الان ما شغلت الخدمة
الشركة الوحيدة الي تقدم الـWiMAX حالياً هي الاتصالات المتكاملة
هذا موقع الاتصالات المتكاملة: http://www.zooom.net.sa/home_a.htm
وانا شبكت اللايف عليه وعلى فكرة الـWiMAX أفضل من ناحية اللايف
اخوي السالفة بسيطة جداً تروح للشركة تشترك بعد يومين يجونك يركبون جهاز في السطح ويوصلون أسلاك للكمبيوترات باختصار نفس الـDSL بس الفرق انهم راح يركبون لك جهاز في السطح وما يحتاج اي برامج
وشكراً...
رد: ماعندي دي اس ال وابي اشبك على اللايف, طلبتكم الفزعه
مين يقولك اخوي !!! انا من الرياض وبالتحديد السويدي طلبته وخلال 48 ساعه اشتغل -الكلام الي انت تقوله هذا كان من سنه تقريبا -يمكن طلبك ضاع انا انصحك تجدد الطلب يعني تتصل كنك ماقد طلبت وتشوف ممكن يساعدونك بعدين حي النخيل جديد المفرض المقسمات مايكون عليها ذاك الضغط!!
رد: ماعندي دي اس ال وابي اشبك على اللايف, طلبتكم الفزعه
اذا ماعندك دي اس ال وسرعه قويه
او ماعندك واي ماكسس
فلاتحلم بالاييف حتى
اتصال الدايل اب ماينفع ابدااا
رد: ماعندي دي اس ال وابي اشبك على اللايف, طلبتكم الفزعه
ياملك الانيمي والله انك ذيب, ماقصرت دخلت موقع الشركه واسعارهم مناسبه 1150 لـ3 شهور 512 جيده
بس والله ودي بـ1 ميجا لكنه اغلى شوي 1890 (شوي كثير)
يااااالله ياكريم القى تغطيه عندنا والا شكلي بسوي عمل ارهابي
دقيت عليهم ورد علي واحد ووصفتله البيت وقال (((عندك تغطيه))) لكن للأسف هذا نفس الكلام اللي قاله لي حقين موبايلي الله لايعيدهم.
اخوي ماكس لاتخليني اطلع عليك من الشاشه...
ياعزيزي الا قبل امس ونا افحط معهم وعجزت, الكبينه اللي عندنا يبغالها تجهيز علشان تصير تستقبل خطوط الدي اس ال وجبت واحد من الربع عنده شركة تركيبات هاتف قاللي مالك امل يابو حميد يركب دي اس ال الا اذا جانا امر من الهاتف بتصليح الكبينه, مالك الا انك تصدمها ولا تشب فيها ونجي حنا نصلحها على طول ونركب خطوط دي اس ال فيها وتسوي معروف لنفسك ولحارتكم (شكلي بسويها اذا ماركب الواي ماكس ذا)
عرفت ياعزيزي الحين, احمد ربك بس انك ما عانيت مثلي
مشكور والله ياملك الانيمي مرتننن اخرى ولو انك قدامي حبيت راسك.
رد: ماعندي دي اس ال وابي اشبك على اللايف, طلبتكم الفزعه
:sad2: :yell: :cussing: :banghead:
اّاّاّيالغبنه حتى الوايماكس ماركب عندي... السيجنال ضعيفه مع اني قريب من الـpad-station وش ذالحظ الزفت ياربي
الفني قال بيتك يبعد 1,6 عن كيلو عن الموجه واحنا مركبين لواحد يبعد 3 كيلو عن الموجه ومشى زي العسل لكن انت ماندري وش قصتك؟ قصتي الحظ الزفت
مو معقول والله تكفون ياجماعه طريقه ثانيه :(
