مشكلة غربيبه في جهازي PS3

السلام عليكم ورحمة الله وبركاته

إسمحولي إذا الموضوع مش في مكانه . لاني حاولت احطه في منتدى أجهزه البلاي ستيشن بس ماقدرت

المهم حبيت أخبركم شوصار معاي

من حوالي اسبوعين اشتريت PS3 ياباني طبعا بدون ضمان ,,, بس كل شي كان اوكي والحمد لله..

المهم امس كنت العب Rainbow Six اون لاين , وفجأه الجهاز علق ... وهذي مش اول مره احيانا كان يعلق في لعبة NFS Carbon وانا كنت اعيد الجهاز والعب مره ثانية ,, وهاي المشكلة تصير احيانا لما العب اون لاين بس.

بس اللي صار معاي امس انه يوم علقت لعبة Rainbow Six ضغطت على زر PS وسويت quit game

بعيد رحت للقائمة الرئيسية وشغلت اللعبة مره ثانية وثالثة ورابعة بس ما اشتغلت!!!

قمت طلعت السي دي ودخلتة مره ثانية واللي صار ان اللعبة حتى ماطلت بالقائمة وبالزاوية اليمين من الشاشه اشوف الدائرة اللي تبين ان الجهاز في وضع التحميل loading لكنه يستمر على طول وما يقدر يقرأ السي دي ..

دخلت العابي الثانية بالجهاز بس نفس المشكلة ,, وبعدين طفيت الجهاز وشغلتة مره ثانية لكن نفس المشكلة قلت يمكن الجهاز ساخن رغم اني ما لعبت فيه كثير , وخليته للصبح وشغلته لكن نفس المشكله وسويت فورمات للجهاز بلافايده

كل شي يشتغل من ناحية الالعاب المخزنه في الجهاز لكن أشرطة السيدي ما تشتغل ابدا... شو اللي صار والله ما ادري


تخيلو ياجماعه الجهاز ما كمل عندي اكثر من اسبوعين والاشرطة جديده ومش مخدشة ابدا .. تخيلو من ثلاث شهور تقريبا اشتريت xbox 360 وكنت خايف انه يخرب لانه معروف عنه دايما يخرب.. لكن سبحان الله الاكس بوكس شغال والحمد لله والبلاي ستيشن اخترب :(


الحين قررت ان ارجع الجهاز للمحل اللي اشتريته منه , وبروح اخذلي نظام اوروبي من وكالة سوني مع الظمان صح انه اغلى لكن الواحد يلعب وهو مطمن.. رغم انه في ناس خوفوني من الاوروبي وقالو انه مايشغل الا اشرطة اوروبيه وقالو ان الاون لاين تعبان في الجهاز الاوروبي...والله اعلم

والجهاز الخربان بطلب من صاحب المحل يصلحه وبعدين ببيعه مستعمل..



هذا اللي صار معاي وحبيت ان اخبركم واشاركم في هذه المشكله الغريبه

في انتظار ردودكم الطيبة

بو مهند

تستاهل اسمحلى تقول ما كمل اسبوعين
حرام عليك عندكم الاوربى من زمان نازل

أي جهاز.. يشغل كل أنواع الألعاب ..
نظام الـ ps3 مفتوح.

احسن شيء الأوروبي مع الضمان

همممـ.. جرب تسأل عن صيانة والتصليح حق سوني وينه عندكم وروح له
يمكن يصلحونه.. يمكن يطلع فيه خرب بسيط ويصلحون بفلوس.. هذا إذا قبلوه لأنه ياباني
لكن السالفة تستحق التجربة.. روح وشوف يمكن يصلحونه بفلوس وترتاح.
وتذكر حط الجهاز في مكان مفتوح.

ياخي والله المشكلة كانت الفرق بالسعر

الاوروبي 2500 درهم

والياباني 1800 درهم

والاثنين 60 جيجا

وربعي اللي اشترو من قبلي ياباني شغال عندهم 100 % , وانا قلت فرق السعر بشتري فيه اشرطة

لكن اللحين بشتري اوروبي وامري لله

ياخوي اذا عندك اوروبي انصحني شو رايك فيه من ناحية الاون لاين وهل فعلا الاشرطة اليابانية والامريكية ماتشتغل عليه

لان عندي ثلاث اشرطه يابانية وخايف اشتري جهاز اوروبي وما اقدر اشغلهم عليه!

وشكرا

افاا.؟ خوفتني توني شاري الجهاز ماتهنيت فيه.

السالفه حظوظ ياخوي.الاجهزه تجي منها دفعات كبيره اكيد بيكون في بعضها مشاكل.


انا للحين منصدم من جهاز ولد خالتي الXBOX360 شاريه من اول 3اسابيع من صدور الجهاز 2005 بسعر خرافي قرابه ال4000ريال..


وللحين شغال معه زي الحلاوه مشاء الله تبارك الله ماجاه لا ريد لايت ولا بطيخ..


اما انا جهازي شاريه في شهر عشره 2006 وجاه ريد لايت مرتين بس يمدحون ضمان بيت الكمبيوتر..:biggthump


وحسب معلوماتي انه اللعاب PS3 فري ريجن كيف تقول الجهاز الاوربي يشغل بس اللعاب اوربيه.؟؟

اخوي مثل ما خبروك الاخوة هي مسألة حظوظ فقط ..وانا صاحبي اشترى البلاي3 من أول ما نزل تقريبا ..وصدقني قال اتمنى اشوف مشكلة واحدة بالبلاي 3 لانه مقتنع انه مافي جهاز كامل ! ..
وهو اشترى الياباني للعلم ..:) و الجهاز ما شا الله شغال زي الحلاوة و ازيد لك من الشعر بيت انه نااادرا بيطفي الجهاز ..24 ساعة شغال و ينزل من البلاي ستيشن ستور ومع ذلك الجهاز ما بيسخن ولا فيه مشاكل ..

اخوي لو بدك تعمم على الجميع كان كل البشر اللي اشتروا الاجهزة اليابانية عندهم مثل مشكلتك ..بالنهاية هي مسألة حظ و نصيب كتبه لك ربك و الله يعينك ..:)

اقتباس:

---

المشاركة الأصلية كتبت بواسطة مورفيس

افاا.؟ خوفتني توني شاري الجهاز ماتهنيت فيه.

السالفه حظوظ ياخوي.الاجهزه تجي منها دفعات كبيره اكيد بيكون في بعضها مشاكل.


انا للحين منصدم من جهاز ولد خالتي الXBOX360 شاريه من اول 3اسابيع من صدور الجهاز 2005 بسعر خرافي قرابه ال4000ريال..


وللحين شغال معه زي الحلاوه مشاء الله تبارك الله ماجاه لا ريد لايت ولا بطيخ..


اما انا جهازي شاريه في شهر عشره 2006 وجاه ريد لايت مرتين بس يمدحون ضمان بيت الكمبيوتر..:biggthump


وحسب معلوماتي انه اللعاب PS3 فري ريجن كيف تقول الجهاز الاوربي يشغل بس اللعاب اوربيه.؟؟

---

صحيح بس في ناس شككوني بالاوروبي انه مايشغل كل الالعاب اليابانية والامريكية

وشكرا على الرد

اقتباس:

---

المشاركة الأصلية كتبت بواسطة Mind Freak

اخوي مثل ما خبروك الاخوة هي مسألة حظوظ فقط ..وانا صاحبي اشترى البلاي3 من أول ما نزل تقريبا ..وصدقني قال اتمنى اشوف مشكلة واحدة بالبلاي 3 لانه مقتنع انه مافي جهاز كامل ! ..
وهو اشترى الياباني للعلم ..:) و الجهاز ما شا الله شغال زي الحلاوة و ازيد لك من الشعر بيت انه نااادرا بيطفي الجهاز ..24 ساعة شغال و ينزل من البلاي ستيشن ستور ومع ذلك الجهاز ما بيسخن ولا فيه مشاكل ..

اخوي لو بدك تعمم على الجميع كان كل البشر اللي اشتروا الاجهزة اليابانية عندهم مثل مشكلتك ..بالنهاية هي مسألة حظ و نصيب كتبه لك ربك و الله يعينك ..:)

---

صح كلامك والدليل اثنين من اصدقائي اشترو جهاز ياباني وواحد منهم اشتى جهازه معاي بنفس اليوم ومن نفس المحل

لكن سبحان الله هذا النصيب .

ياجماعة رحت اليوم واخذت جهاز اوروبي من وكالة جمبو في الشارقه

أخذته ب 2499 درهم مع شريط مجانا motor storm وضمان سنة + تأمين سنة (ضد الكسر والسرقة)

وجربت عليه العاب سوني 1 الاصلية نظام PAL واشتغلت.

والحمد لله على كل حال وان شاء الله ما يخترب نفس اللي قبله .

وشكرا لتفاعلكم مع الموضوع.

اقتباس:

---

الاوروبي 2500 درهم

والياباني 1800 درهم

والاثنين 60 جيجا

---

النظام الياباني 60 غيغا بـ 1800 درهم ؟

اقتباس:

---

المشاركة الأصلية كتبت بواسطة MSF

النظام الياباني 60 غيغا بـ 1800 درهم ؟

---

نعم اخوي انا اشتريته ب 1800 درهم من عجمان

ومساحته 60 غيغا