أبي محترف PSP يدخل وكيف اشغل ألعاب وانا توني جديد وشو Firmware ولا كاستم وعندي V2.81

سلام عليكم
شحالكم

شباب انا شاري PSP مكتوب عليه Version2.81
المهم
حطيت فيه صور وموسيقى اشتغلوا

بس الفيديو ما اشتغل ما اعرف ليش

أهم الشيء الألعاب أبي منزل ألعاب من النت بصيغة ISO و CSO بس ما أعرف كيف اشغله

وشو يطلع firmware وكاستم

أنا نزلت Firmware update v2.81 شفتها من النت ونزلتها بس ما اعرف شو فايدتها

وهل تقدر تحول الفيرجين إلي عندي إلى 1.50 لأني اسمع أنه هو الوحيد يشغل ألعاب
تكفون أبي شرح كامل كيف أحول الفيرجين

السلام عليكم

بالنسبة للي معاك 2.81 لازم ترجعه ل 1.50 اذا تبي تشغل العاب
من الميموري تقدر تسوي اب ديت لل 3.30وبعدين تسوي داون جريد بس لازم يكون عندك
شريط gta الاصدار القديم بس مابتلاقيه في السوق الحين
او تسوي اب ديت لل3.50 وتسوي داون جريد ولازم يكون عندك شريط لومينز
بس كمان صعب انك تلاقيه
احسن حل توديه لاي محل العاب ويسوي لك داون جريد بيأخذ منك 50 او 80 ريال

بالنسبة للفيديو ال psp يشغل صيغة mp4
وبتحط الفيديو في الملف H:\MP_ROOT\100MNV01
بدال ال H الحرف الي طالع لك في My Computer
غالبا يكون H او I
ممكن تقول لي من وين انت عشان احاول ادلك على مكان

مشكور اخوي على الرد السريع

أنا بودي لمحل أحسن لي عشان ما أخربه
شو أقول حق صاحب المحل بالضبط ( لأني ما اعرف شو داون جريد ولا آبد ديت )
وبعده راح يشتغل اي لعبه انزل من النت......؟



أنا سويت الفيديو بهاي الحركه

J/MP_ROOT\100ANV01

واسم الفيديو MAQ10086 واحد MP4 والثاني THM جايبنهم من النت

بس في الـPSP يطلع
This Video cannot be played.
The data is corrupted

جربت فيديو ثاني انا محولنها من برنامج PSP Movie Creator يطلع لي نفس الجمله

شو السبب........؟؟

تقول لصاحب المحل داون جريد الى 1.5
وبعدين بيركب لك كاستم مثلا oe-a 3.40
والكاستم هو عبارة عن اصدار فيه مميزات 1.5 في تشغيل الالعاب
ومميزات 3.40 في تصفح الانترنت والاشياء الاخرى

بالنسبة للفيديو
جرب حط الفيديو
J/MP_ROOT\100MNV01
مب هنا
J/MP_ROOT\100ANV01
الفرق M و A

بعدين اخوي انت من وين بالضبط
عشان ادلك على مكان

قم بمراجعه هالموضووووع
http://montada.com/showthread.php?t=543722

مشكور اخوي mohammed951
وأنا من الإمارات

أنا بدلت حرف A بداله M بس إذا حطيت حرف الـM ما يطلع الفيديو يقول ما في فيديو أما حرف الـA يقول في فيديو بس يطلع هالجمله
This Video cannot be played.
The data is corrupted

جربت أحطي 4 فيديوات طبعا خليته A مش M الفيديو وحدة من النت وواحد انا حولت مثل طريقت الأخ القرص الذهبي والإثنين جربته من عندي

الفيديو إلي من النت وإلي محولنها مثل طريقه القرص الذهبي يطلع هالجمله
This Video cannot be played.
The data is corrupted

والإثنين الباقيين ما تشتغل ما اقدر اضغط عليه يعني ما في فيديو

بعدها جربت امسح حرف الـA وأحطي حرف الـM ادخل من البي إس بي على فيديو يطلع فاضي ما في شيء

والله احترت

سوري تعبتك وايد


ومشكور أخوي المبدع القرص الذهبي والله ودي أقعد معك على الماسنجر

اخوي والله ماادري ايش مشكلة الفيديو عندك بالضبط
بس بالنسبة للداون جريد انا كمان من الامارات
اذا انت في الشارقة روح السوق المركزي
تلاقي هناك محلات يسوو داون جريد

اشكرك بقوه mohammed951

إذا أنا بسوي بنفسي داون جريد الى 1.5
وبعدين بيركب لي كاستم مثلا oe-a 3.40 (( كيــــــف))

في شرح بالصور طريقة التحويل

البي اي بي مالتي V2.81 ومنزل من النت الآب حق 2.81 بملف رار افتحه يطلع هذا EBOOT.PBP وحجمه 20ميجابايت

في موقع يعلمك كيف تسوي


ومشكور مرة ثانيه وثالثه ورابعه............................ إلخ

اخوي سمبتيكه
بالنسبة ل اذا انت بتسوي داون جريد الى 1.50
للاصدار حقك مافي
لكن الي بتسويه انك بتسوي تطوير لجهازك الى 3.30 او 3.50
هذي هي الي لها داون جريد بالنسبة للتطوير ملف بتنزله من النت
لكن بعدين المشكلة اذا بتسوي داون جريد من 3.30 او 3.50 لازم يكون عندك
شريط gta بالنسبة ل 3.30
وشريط لومينز بالنسبة ل 3.50
وهذي الاشرطة صعب انك تلاقيها بنفس المواصفات
الي تنفع انها تسوي الداون جريد لان شركة سوني سحبت الاشرطه
الي فيها الثغرة من السوق
وانصحك انك لاتسوي اب ديت الى 3.51 مهما صار
لانه للحين مانزل له داون جريد

وبخصوص الاب ديت الي انت نزلته من النت
هذا للي عندهم اصدار قبل 2.81
ويبغون جهازهم يصير 2.81
يعني بالنسبة لك انت ماله فايدة

اخوي انت من وين في الامارات

أنا عندي شريط gta
إلي فهمته إني أول شيء أحوله لــv3.30 لأني عندي شريط gta

شو اسم الداون جريد بالإنجليزي ( كيف اكتبها بالضبط ) لأني أبا أدور بالنت أكتب بالإنجليزي داون جريد 3.30 ولا داون جريد 2.81

وإذا ارتكبت أي غلطه تخترب البي اس بي


الآب ديت فهمته 100%

وسوق المركزي في محل اسمه أماريو وجدامه محلين أو 3 حق الألعاب
أي واحد احسن اروح له



وأنا من الشـــ(( وشكـرا ))ـــــارقة

اخوي
بالنسبة لشريط gta
في منه انواع النوع الي تسوي فيه الداون جريد
لازم يكون مكتوب على العلبة زي الكلام الي موجود في الصورة
وعليه السهم

http://img178.imageshack.us/img178/7...es00151aa2.jpg

وانه يخرب الجهاز ممكن اذا سويت شي غلط بس اذا سويت كل شي اوكي
ان شاء الله مايصير له شي
وبالنسبة للمحلات مااقدر احدد لك المحل بالضبط لاني مااعرف اسمه
بس كلها هي اوكي

واذا بتفتش ع الطريقة اكتب كذا في الجوجل downgrade 3.30

وانا كمان من الشارقة