عايز باذن الله افتح سايبر ومحتاج رائيكم ؟

السلام عليكم
انا نويت ياجماعه باذن الله ان افتح مشروع صغير كده وكان فى كذا مشروع فى دماغى منهم سنترال او سايبر نت او محل لعب بلاى استيشن وكده بس المشكله زى ما انتوا عارفين الاكس بوكس مش شغال فى مصر والبلاى 2 بيحتضر والبلاى 3 اسطواناته اصليه ومحدش هيعبره عندنا فى مصر الا لما ينزل الكوبى .
فانا بصراحه لسه ماقررتش فحبيت الاول اسال عن المشروع اللى انا اصلا نفسى فى من زمان وهو سايبر طبعا فقولت اسال الاول اخوانى فى المنتدى واشوف هينصحونى بايه ؟
انا من مصر والحمد لله المحل موجود وفى منطقه كويسه مفيهاش محلات نت قدامى ولا حاجه
وانا ناوى باذن الله ابتدى المشروع باربع اجهزه غير الجهاز الرئيسى بس ناوى باذن الله الاجهزه يكون امكانياتهم حلوة على اساس يشغلوا الالعاب المطلوبه والالعاب الجديده الحلوة بس يكون سعرهم معقول طبعا
فياريت ياجماعه تقولولى على امكانيات الجهاز المعقوله علشان يشغل الالعاب دى يعنى اهم حاجه تقولولى على الفيجا و البروسيسور والحاجات اللى تخلى اللعبه شغاله حلو من غير تهنيج ؟
و حاجه تانيه ياريت تنصحوا اخوكم هل المشروع ده باذن الله هيكون كويس ولا متطلباته كتير ولا افكر فى مشروع تانى يعنى عايزكم ياجماعه اللى عنده معلومه او اقتراح يقولى عليها فضلا وليس امرا
واسف للاطاله واسف اذا كان الموضوع مخالف وشكرا ليكم جدا :) :) :)

السلام عليكم
طبعا مشروع كويس جدا و مربح ان شاء الله
السايبر منتشر في مصر و سوقه حلو
للاسف الاجهزة مقدرش افيدك فيها لكن ممكن تسال اي واحد صاحب سايبر بس تكون تعرفه عشان ميلفش بيك
و انا فعلا كنت بفكر اعمل نفس المشروع ده و لو عايز ممكن ادخل شريك معاك..انت هتعمله فين ؟

السلام عليكم انا اسماعيل من مصر بصراحة اخى لا انصحك بافتتاح سيبر بجد فهذه المهنة تحتضر هى الاخرى فقداصبح فى كل بيت جهاز كمبيوتر وانتشر النت المركزى فى البيوت بالاضافة الى المشاكل المتعددة للسيبر من رخصة والنت بطى ومشاكل احيانا مع الامن والمصنفات نصيحة انا فتحت سيبر وقفلت وكنت شغال فى سيبر تانى ودلوقتى بيقفل راخر بجد هذه مهنة فاشلة بالاضافة انك لو حطيت دماغك فى الالعاب هتخرب بيتك لانها اكتر حاجة بتخليك ترفع مواصفات الجهاز ودائما فى حاجة للتطوير لكى تواكب الالعاب الحديثة بالاضافة الى ان الالعاب اكتر حاجة بتهلك اجهزة الكمبيوتر وعموما هناك ةشبهة فى اموال النت فاغلب مرتاديه الان لايفكرون الا فى المواقع الاباحية بجد مشاكل وتعب وفلوسه مفهاش بركة ولكن ان كنت مصر انصحك ببعض الاشياء اولا يجب الا يقل اهارد عن 160 جيجا واشترى شاشات استعمال سمرا فلات ديل 17 بوصه دلوقتى الاشاة عامله 250 جنيه واشترى كيس جامبو او تايجر كيس شعبى ورخيصة وشغاله وطبعا انت محتاج دى فى دى رايت واحد بس هتحطه فى الجهاز الماستر بس ىواشتر كيبورادات اوفر تك البيضا مش السمر بتعمل 40 جنيه واى ماوسات عادية نيجى بقى للمفيد بروسيسورات ديول كور بانتيم دى 3 على 4 ميجا كاش بيعمل 510 جنيه او اشتى بانتيم فور 3 على 2 ميجا بيعمل 400 ولكنى ارجح طبعا بانتيم دى والماذر هتبقى اسوس 945 او جيجا بايت 945 الاوسو عامله 420 باس 1066 والجيجا بايت باس 1066 عامله 500 او 490ورامات واحد جيجا كينجستون باس 667 بتعمل 245 جنيه وهتشترى فيجا جيجا بايت 1650اى تى اى بتعمل 570 جنيه او اشترى جى فورى 7300 جى اس 256 وبتعلى الى 512 بالتربو كاش طبعا هنا فى المنتدى هيقولولك عليهاضعيفة لكن انت ماتنساش انت بتفتح سيبر ولو هتصرف هتفتح معاك وصدقنى الفيجا هتشغل اللعب وبجد انا شايفها محترمة وخصوصا لسيبر ودى بتعمل حولى 410 او 425 جنيه عموما اتمنى اكون فيدتك وربنا يكرمك ولو تعرف تطلع برة مصر وماترجعهاش تانى يبقى عملت خير ولو فى اى استفسار ابتعلى

وعليكم السلام اخى agogdata انا باذن الله هعمل المشروع ده فى بورسعيد لانى من بورسعيد واحنا اصلا عندنا شقه فى القاهره وبننزل علطول هناك .
وكنت بفكر اعمل المشروع فى القاهره لكن انا قولت المحل عندنا فى بورسعيد بتاعنا يعنى ليه اكلف نفسى واشترى محل فى القاهره وزى ما انتاا عارف المحلات دلوقتى اسعارها نار خصوصا فى القاهره . هو انتاا منين من مصر ؟؟؟؟

وعليكم السلام اخى اسماعيل 99 بصراحه كلامك ده حيرنى اكتر واكتر بس انا مقدر مساعدتك وعارف انك عايز تنصحنى للاحسن
بس على كلامك كده الاجهزه هتتكلف كتير اوى وفعلا النقطه اللى كانت قلقانى اوى انى لازم كل شويه ازود امكانيات الاجهزه علشان اشغل احدث الالعاب .
وزى ما انتاا عارف طبعا ان اكتر شغل السايبر مش شات وكده زى الاول اللى ماشى دلوقتى الالعاب ومعنى كده ان الفلوس اللى جايه هتتصرف على تحديث الاجهزة ده غير طبعا الضرائب وحق اشتراك النت والخ .
بجد والله ياجماعه محتار جدا يعنى رايكم افكر فى مشروع تانى ولا اشوف وادرس المشروع ده كويس وبعدين اقرر .
بس النقطه اللى مفهمتهاش يعنى ايه اطلع بره مصر وما ارجعاش تانى قصدك اشوف مصلحه خارج مصر يعنى ؟
وشكرا ليكم جدا جدا ياجماعه بارك الله فيكم وجعله فى ميزان حسناتكم الصالحه