ماحد يتكلم عنه

ويش رايكم ياشباب في لعبة soul reaver2 الجديدة على ps2 ما حد يعني يتكلم عنه .ليش لأنه مانزل في
المملكة.لو لأنه غير جيد . لكن ترى هو موجود ويباع عن طريق الإنترنت. ترى هو موعندي بس إذا زين يمكن
اشتريه.
تحياتي هيتومي.

هلا بهيتومي

بالنسبه لسول ريفر 2

في أغلب المواقع يقولون أنها لعبه ممتازه

أنا صدقتهم بس ماشريتها شريت الجزء الأول لأن الثاني غالي شوي

ويمكن أشتريها ماتعجبني

يوم شريت الجزء الجزء الأول(راعي طويله صح)

كنت متحمس يوم لعبتها اللعبه ماعجبتني ليش ؟

أن طريقة الكاميرا غلط

واللعبه تدوخ شوي أذا تعمقت فيها

اللعبه أقدر أقول أنها مقبوله


تحياتي
ماجد سنيك

(واحد يقلد)

بس اللعبة حلوة لو تعمقت فيها ... الصارحة في البداية بتقول أنها بلات فورم حالها حال غيرها من الالعاب من هذا النوع .. بس تتعمق فيها بتلاحظ التغير المذهل .. القصة حلوة و تشوف فيها كيف تمت الخيانة ضد رازيل و شو كان دور أخوانه في هذي الخيانة وقصتهم في الولاء لـ كاين ... سلاااااااااااااااااام :D :) ;)

ترى صحيح بامجدسنيك لعبة اسول ريفر الجزء الأول حلوة أنا لعبتها وخلصتها بس زي ماقلت اللعبة تدوخ شوي
بس ماعليه تحمل .:) :)

اقتباس:

---

كتب العضو (hitomi)
ويش رايكم ياشباب في لعبة soul reaver2 الجديدة على ps2 ما حد يعني يتكلم عنه .ليش لأنه مانزل في
المملكة.

---

من قالك انه مب موجود؟!

هو موجود ومتوفر....لكن اللعبه غير ناجحه....لهذا السبب ما في احد يتكلم عنها....

متأكد يا أخ link.p إنه غير ناجح يعني ما أشتريه . وإنت جربته لو أحد قالك عنه؟
تحياتي هيتومي. :)

اقتباس:

---

كتب العضو (hitomi)
متأكد يا أخ link.p إنه غير ناجح يعني ما أشتريه . وإنت جربته لو أحد قالك عنه؟
تحياتي هيتومي. :)

---

ايه متأكد....اللعبه اسلوبها غير مميز...واحداثها متكررة...ولعبة تدوخ...مثل الجزء الاول...

انصحك تشترين العاب ثانية غيرها...

مشكور جداً يا أخ link.p على النصيحة الغالية.
تحيات الأخت هيتومي.

العفو اخت هيتومي.....وهذا واجبي.....

اهلا هيتومي
والله انا شريت اللعبة من ثلاث اسابيع اصلية
وانا شخصيا عجبتني مثل ماعجبني الجزء الاول
البيئة رائعة والرسوم روعة وألغاز وكل ماتتمنينه
بس ما أدري ليش الجزء الثاني ما أخذ حقه إعلاميا مثل الجزء الاول
وانا كتبت موضوع بعنوان(سول ريفر2 والتجاهل المستمر)
ولو انك مو متاكدة من ان اللعبة بتعجبك اشتريها كوبي وما اظن انها نزلت كوبي
بس المواقع المشهورة مثل ign وجيمس بوت عطوها تقديرات عالية

وانا للآن ماختمت اللعبة
وأي مساعدة او سؤال او استفستار انا حاضر
:)

مشكور جداً يا أخ DEADMAN2 على هذه المعلومات يس أنا ما أحب اشتري
أشرطة الكبي أبداً لأني اتعقدت منها كل ماأشتري واحد كبي يطلع لازم
فيه خراب . وقلت خلاص مني شارية إلا أصلي حتى لو غالي. مشكور مرة
ثانية وما قصرت .بس حبيت أسأل الجزء الأول كانت رسوماته تعبانه شوي
وألوانه معتمة هل الجزء الثاني نفس الشيء وإلا تحسن من هذه الناحية.
مع تحيات الأخت هيتومي.

ما شألله hitomi موجودة .... شوفي بخصوص الكوبي هو خراب× خراب و الاصلي غالي شو نسوي :":
خلينا في سالفتنا ... شوفي هذي الوصلة .. فيها التقدير النهائي لـ سول ريفير 2 ... :
http://gamespot.com/gamespot/filters...913911,00.html

العفو اخت هيتومي وانا قمت بالواجب:)
ورسومات اللعبة تحسنت عن الجزء الأول والأغلاز ايضار رائعة
والاخDARK HDUKEN ماقصر وحط صفحة التقدير النهائي للعبة شوفيها واحكمي بنفسك
:)
واي خدمه انا حاضر

صحيح يا شباب ماقصرتوا والنعم فيكم . أرجو أن تقبلوا خالص شكري
على هذا المجهود الرائع.
تحياتي هيتومي.

اسمحول لي
لعبة سول ريفير قمة في الروعه وهي لعبة جديره بشراء حتى ولو كانت اصليه يكفي انك اذا غرزت الرمح
في اعدائك ستلاحض الدماء المتناثره فعلا تستحق الالعجاب

اقتباس:

---

الصارحة في البداية بتقول أنها بلات فورم حالها

---

بلات فورم ؟؟؟؟؟؟؟؟؟؟؟؟؟ انت متأكد انها بلات فور امممممممم:أفكر:
اتوقع انها ادفاينشر وليست بلات فورم
Adventure