{{الثالثه ثابته>ان شاء الله تعجبكم

السلام عليكم ... هذا قصيده كتبتها حديثا بعنون ( من تغلى تخلى )

ابيك تصدقي مهما طالت ايامك ودامت... اسنينك ان الغلا ما هو لعبه بديكي

لا تجافي وتزيد الضنى وتقول بواسي ولا... تنكر العشره وتقول خلي وافي

يمكن كانت طيبتي نقطة ضعفي بالحيل ...والابتسامه اكيد كانت اقوى سلاحي

لكن اوعدك وعد ما تلامس حده عظيم... الجبالي لايتمك بذكرى ما لها مداوي

لاجعل من قصتك سمفونيتا يتغنى بها... كل من عرف مثلك قاصي وداني

راسي للابد يبقى مرفوع ومستحيل اثنيه...لانساني ما غير للي وحده سواني

راح انساك وان ما كذبت اخفيك...راح امحيك والنسيان للانسان شئ عادي

صحيح كنت مطلع افكاري وامآلي... وكانت لمحة جمال بسمتك تثير جناني

وكنت افرح لاسمعت بقرب صوتك... واذا طليت تجعل مني شخص ثاني

لكن شئ ولى وفي الاول والنهايه ... يقول مثل العرب لاتتغلي فتتخلي


ارجوكم رجاء خاص على ان تعلقوا على القصيده والف شكر على مروركم

اخوكم المخلص/أحـــــمـــــد

.. بتنفع كلمة مشكور ؟؟
بصراحة لا احب العامية أبدا ..
عموما المعاني الموجودة جميلة
دمتْ

مشكوره على مرورك
اما عن العاميه فانا اشوفها اكثر وحده سوقها ماشي هالايام :D بس اوعدك راح اكتب وحده باللغه العربيه ان شاء الله

بغض النظر عن عاميّة أم فصحى

المهم أجادت الشخص أو الشاعر على مايتقنه

هناك شعراء كبار ولهم سوق بين الناس ولكن لا يهتم للفصحى لأنه بالعربي مايفهم فيها

وهناك العكس المهم ماهو ميولك وماهي أبداعاتك وفي أي مجال .

--

القصيدة جملية أخوي ولها معنى والكلمات اخترتها صح يمكن فيها شوي اختلاف بالوزن
لكن لك درب تقدر تمشي فيه وتواصل عطاءك انتظر منك الرابعة والى الأفضل :)

مشكور على مرورك ويعطيك العافيه
.... بس ما قلت لي ايش رايك فيها :)

السلام عليكم ورحمة الله وبركاته
أخوي أحمد مشكور على القصيدة وانا ودي أنك أتابع على العامية لأنها هي المنتشرة (المفهومة ) في هذي اليومين والقصيدة معانيها جميلة جدا
وأتمنى لك التوفيق :D من أعماق قلبي

و عليكم السلام

عندي بعض الملاحظات :
1- الوزن مثلم ا هو واضح مكسور و بالنسبة للوزن مع الوقت تتقنه لا تهتم به كثير لأنك مع الوقت ان شاء الله بتتقنه

2- القافية عندك خطأ لأن القافية ما تصير حرف علة او بمعنى آخر حرف مد ( ا , و , ي )

3- بعلق على كل بيت تعليق لحاله

اقتباس:

---

ابيك تصدقي مهما طالت ايامك ودامت... اسنينك ان الغلا ما هو لعبه بديكي

---

البيت هذا حلو و كلامك فيه قوي و له معنى كبير

اقتباس:

---

لا تجافي وتزيد الضنى وتقول بواسي ولا... تنكر العشره وتقول خلي وافي

---

هذا البيت أحلى من اللي قبله و معناه كبييير و واضح

اقتباس:

---

يمكن كانت طيبتي نقطة ضعفي بالحيل ...والابتسامه اكيد كانت اقوى سلاحي

---

البيت هذا معناه حلو و كبير مثل اللي قبله بس انا من ناحيتي ما احب كلمة ( بالحيل ) و احس انها ميب مناسبة هنا

اقتباس:

---

لكن اوعدك وعد ما تلامس حده عظيم... الجبالي لايتمك بذكرى ما لها مداوي

---

حلو الشطر هذا بس موب واضح انت توعد ما يلامس وش ؟؟؟ حتى ما قلت ( يلامسه )خليت البيت ما له معنى

اقتباس:

---

لاجعل من قصتك سمفونيتا يتغنى بها... كل من عرف مثلك قاصي وداني

---

حلو هذا البيت و حلو التصوير عندك بس بالنسبة لي انا ما احب كلمة ( سيمفونية )

اقتباس:

---

راسي للابد يبقى مرفوع ومستحيل اثنيه...لانساني ما غير للي وحده سواني

---

البيت هذا معناه حلو و احلى ان الواحد يذكر الله في ابياته و قصايده

اقتباس:

---

صحيح كنت مطلع افكاري وامآلي... وكانت لمحة جمال بسمتك تثير جناني

---

الشطر الأول حلو لكن الشطر الثاني احس انك تفلسفت و زودت كلام لين حسيت ان الشطرين تناسب بعض

اقتباس:

---

وكنت افرح لاسمعت بقرب صوتك... واذا طليت تجعل مني شخص ثاني

---

حلو هذا البيت في معنى حلو مرة

اقتباس:

---

لكن شئ ولى وفي الاول والنهايه ... يقول مثل العرب لاتتغلي فتتخلي

---

الشطر الثاني حلو لكن الأول ما اعجبني ابد


حلو انت ابدعت واصل ابداعاتك و لا تحرمنا من ابداعك
و بالتوفيق لك يا رب


تحياتي

الوافي بطبعه ... الف شكر على المرور وعلى تعليقك اللي اكثر من حلو

شاعر الاحاسيس ... اشكرك على مجهودك وعلى ملاحظاتك وانا
صراحه احي فيك روح التعاون يعطيك الف عافيه على تعليقك

ما اقول غير فديتكم