عـرض جديد ورائع للأسطورة Heavenly Sword !

.
.
.
.
.

السلام عليكم



http://media.ign.com/games/image/obj...oxart_160w.jpg

عرض جديد يحتوي لقطات من اللعب.

بدأت البطلة في المشي.. حتى وجدت البازوكا
واستخدمتها عن بُعد في قتل بعض الجنود.
وفي النهاية استخدمت القتال العادي بالسيوف للتخلص من بقية الجنود.
منتدى المنتدى


طبعاً لاحظت شيء مهم في اللعبة حول الأعداء
بعد ان وصف البعض الأعداء بـ "الغباء الإصطناعي"

أن لكل جندي شخصية وشجاعة مختلفة عن الآخر
وقدرات قتالية مختلفة لكل جندي.

منهم من يهاجم بلا تردد..
ومنهم من يقف ولا يفعل شيئاً..
( ربما خائف.. أو معجب بالبطلة! )
ومنهم صاحب قدرات ممتازة في المراوغه والدفاع!

وفي النهاية قواهم لا توازي قوى Nariko بالتأكيد كجميع الألعاب.

شاهدوا العرض جيداً
ولاحظوا آخر الأعداء في العرض وطريقة تصرفه.



رابط العرض



وشكراً

العرض رهيب انصح اللي يمديه ينزله ينزله .

الرسوم تحسنت خصوصا الخلفيات .

مشكوررر son of cid

مشكور اخوي على العرض

وجاري التحميل

أنا برأيي اللي يوصف الاعداء في اللعبة بالغباء الاصطناعي هذا متعصب مع مرتبة الشرف ..
العرض رائع ببساطة.. وفيه تحسن واضح .. البازوكا شكلها كوول ^^"...

مشكور سن

الي يوصف اللعبة بالغباء الاصطناعي ماعنده سالفة لانه اكيد ما جرب قاد اوف وار

قاد اوف وار في تايتن مود لما يطب عليك عشرين واحد تجلس تبكي لين تقدر تعدي المرحلة

لحد الان موصل فيها لنص اللعبة واستخفيت الا شوي وكسرت في يدي 2 كنترول

وش عاد لو يخلونها في هافلني سورد الف واحد وكلهم يضربونك في نفس الوقت

وانا اعتقد انهم راح يخلونها نفس قاد اوف وار في الايزي مود كلهم يتفرجون وثنين ولا ثلاثه يضربون

في نورمل مود ربعهم يضربونك والباقي يتفرجون في القاد مود نصهم يضربونك والباقي يتفرجون

تايتن مود كلهم يلعنون خيرك ويتولونك عدل

اللعبه حدها داشه مزاجى ابى اشترى البلاى عشان هالعبه :D مشكور حميد على العرض جارى التحميل ...

حجمه 101 ميغا و مدته دقيقتين وشوي
لكن صراحه يستاهل
الرسوم ممتازه جدا و البيئات رائعه و الموسيقى مناسبه جدا

عرض عجيييييييييييييب ..

:biggthump

على العموم اخوي أنا رغم اني اكره لعبه dog of war

وبشده لكثير من الاشياء الدينيه والاباحيه البحته الي فيها .. :(

و الكثير يقارنونها بها لانها تشبها نوعا ما .. وانا اايد كذلك ...

اتمنى ان اللعبه تكون 360 درجه مختلفه عنها وبالنسبه للعبه هذي أكثر شي

عجبني فيها موسيقتها حلووه كثيير :D ..

الاشياء السلبيه الي فيها عموما بالنسبه لي :

لبسها العاري بصراحه .

طريقه الدم مب لين هناك ..مادري شلون يطلع .

الانفجار مايأثر على الجدران مب شي .

وان شاء الله يطورون فيها لين ماتستخدم قوه البلاي 3 الكامله 100% مب 50 ولا 40 ...

مشكووور اخوي على العرض الرائع والممتع بصراحه ..

سلااام

:biggthump

عرض رائع

للاعضاء الي مب قادرين ينزلون الفيديو هذي وصله لمتابعة للعرض نفسه من دون تنزيل .... العرض

اللـــعبه أسطوووووووووره وهذي أول لعبة قوية على الوحش

شلون اللي جاي خاصه MGS4

أشكــرك أخوي على العرض

اللعبة حلوه بس مو أسطوره لوول :09: ..بس فيه شي مو عاجبني بالشخصيه!! اهو سبب سخيف بعد
الفلبينيه شعرها الأحمر.. احس معكرونه مجففه ...لازم يعدلون الشعر

:33: احد موافقي ولا عاجبكم شعرها؟
اممم متى تنزل اللعبة .....

بعد ما جربت الديمو إلي نزل بالستور, ما شفت أنها نفس اللعبة إلي يتكلم عنها الكل ويلقبها بـ ( الأسطورة )ما حسيت في الثلاث الدقائق بالمتعة. فعلاً الديمو كان قصير جداً ما يعطي الشخص فرصة للحكم علي اللعبة لكن أعرف أن اللعبة مستحيل توصل لمستوى جاد اوف وار, كجرافيكس كأصوات اللعبة طاغية لكن كجيم بلاي وبالأخص اسلوب قتال جاد اوف وار تبقي المقدمة.

اقتباس:

---

مشكور حميد على العرض جارى التحميل ...

---

lol .. موب انا اللي كاتب الموضوع.. الشكر للأخ son of sid ^^"

اقتباس:

---

المشاركة الأصلية كتبت بواسطة HUMAED

[/color][/size][/font]
lol .. موب انا اللي كاتب الموضوع.. الشكر للأخ son of sid ^^"

---

اوووه حدى دايخ انا وايد اشوف عبالى موضوع الاصوات :D مشكور سن او سيد على الخبر ولاتزعل:D

مشكورين على المرور

بصراحة عاجبتني اللعبة.. عندي اسطورة..
بس عند غيري مدري.. اعرف كثير ناس عاجبتهم بقوة.

الأصوات والموسيقى رائعة جداً.
طريقة القتال خطيرة.. يعني في كثير حركات تقدر تسويها في الأعداء..
العرض ما استخدمها.. ولا لو تشوفوا كل العروض اللي صدرت
راح تعرفون قوة الـ gameplay كيف.

وحركة الكاميرا ممتازة جداً..
عكس بعض الألعاب اللي كرهتها بسبب الكاميرا.

على فكرة الديمو اللي جربه بعض الأعضاء.. قديم جداً.
حسب اللي عرفته ان فيها تتغيرات وتطويرات جرت للعبة بعد الديمو.

اقتباس:

---

احد موافقي ولا عاجبكم شعرها؟

---

شعرها خطير.. من جد حتى ان بعض المواقع كتبت مواضيع عنه.
ممكن مطورين اللعبة يعتبرونه ميزة للشخصية.. حتى شوف شعرها على الغلاف كيف.
شخصياً ما اعتبره عيب.. لأن هذا اسلوب اللعبة وخيالها.

اللعبة راح تصدر في September 10.. بداية شهر رمضان بالضبط.