مــ قــ تــ طــ ، فــــــات
السلام عليكم ورحمة الله
مقتطفات..
الكرة في ملعبك وحددي اللاعبين .. والحكم مقدور أمره دامك أنتي الحكم
اقرأي قصة عذابي وياعساكي تنصفين .. بنت غرّتني بأنوثة وحكيها مافيه ذم
هذي أنتي ياشقاتي وما أظن بتنكرين .. والله إنك في عذابي محتوي كل الذمم
ارحميني من عذابك أدري إنك تضحكين .. جعله المولى يجازي من يسبب لي الألم
احسني الذبحة ياغادة واقفي عني لاتجين .. حطي نقطة ع الحروف ويمكن إني أفتهم
اعذريني لنّك أكبر من تفاهة المديــن .. وإن مثلي بجور حكمك مايساوي ولا عدم!
-------------------------------------------------------------
عرفت الهم من صغري وبيحت الدموع أنواع
شقيت بوحدتي بدري كأني بالهوى ملتاع
-------------------------------------------------------------
لجل عينك ما أباتي أساهر العيـن الشقية
لك ولا غيرك أحاتي ممتلك زادي وميه
كل مانامت قواتي جن قواتك عليــــــه
وابتدت حرب المماتي والبقا صوب القوية
مانعرف المخسراتي ولا نحينا صوب دية
حب متساوي القواتي لاعليه ولا عليه
ايه أحبك يافتاتي والله لأحفظك "بعينيه"
-------------------------------------------------------------
مدري جفا ولا غلا يومك أقفيت
وتركت كل الذوق ذوقك وذوقي
صديت عن دنياي واعمل مانويت
وقعدت أفكر وش حصل ياخفوقي
حرقت بأعصابي وأنا اسأل..توليت؟
وطيرت نومي يابعد سود موقي
-------------------------------------------------------------
""""""""""""""""
ياحبيبة اعذريني بالبداية والنهاية
دامك أنتي مارحمتي من يحبك ياحبيبة
"""""""""""""""
لاترقى لأذواقكم ولكن أحببت نشرها
فتقبلوها :)
رد: مــ قــ تــ طــ ، فــــــات
والله موضوع مميز اخيو ومقتطفات جميله واخر
مقتطف عجبني
ياحبيبة اعذريني بالبداية والنهاية
دامك أنتي مارحمتي من يحبك ياحبيبة
تقبل مروري
رد: مــ قــ تــ طــ ، فــــــات
اخوي A + S
اذا كانت هذي مجرد مقتطفات اتوقع لك مستقبل كبير في مجال الشعر
اقتباس:
اقرأي قصة عذابي وياعساكي تنصفين .. بنت غرّتني بأنوثة وحكيها مافيه ذم
هذي أنتي ياشقاتي وما أظن بتنكرين .. والله إنك في عذابي محتوي كل الذمم
حلوة البيتين هذي و حلوة الكلمات و المعاني فيها
اقتباس:
عرفت الهم من صغري وبيحت الدموع أنواع
شقيت بوحدتي بدري كأني بالهوى ملتاع
حلو الوصف و التشبيه في البيتين هذي
اقتباس:
ياحبيبة اعذريني بالبداية والنهاية
دامك أنتي مارحمتي من يحبك ياحبيبة
مثل ما قال اخوي Dr.999 البيت هذا حلو مرة
انا لاحظت ملاحظتين من مقتطفاتك :
1-انك تعتمد قافيتين في القصيدة يعني قافية للأشطر الأولى من كل بيت و قافية للأشطر الثانية من كل بيت و هذا يدل على ان عندك مقدرة شعرية كبيرة لكن هذا موب ضروري صحيح انه يعطي للقصيدة شكل حلو لكن في بعض الأحيان يضعف القصيدة
2-كل الأبيات اللي كتبتها هنا غير موزونة و ما اتوقع الوزن بيصعب عليك و انت عندك المقدرية الشعرية هذي
ما شاء الله عليك مبدع في شعرك و مشكور على كتابة هذا الابداع في المنتدى هذا
و بالتوفيق لك يا رب
تحياتي
