ஜஇ»¯−ـ‗_ عــنــد ( الإشــــاره ) _‗ـ−¯«இஜ
عــنــد ( الإشــــاره )
تمشي والتعب باين عليها
عبايه باهته .. طايحه على أكتافها
وفي نظرتها إنكسار
وطفل بيديها حاملته ....يصيح وتهديه
تبغى تستغل وقت الإشـــاره
قبل تكون ( خضراء )...ويروح كلا في مساره
/
/
/
وبيد ترتعش .... تمدها لكل سياره
ذاك فتح القزاز.....عطاها ريال
وذاك ناظرها بحقاره
واشر بيده من خلف القزاز
كنه يقول روحي ... روحي يا زباله
وذاك رافع المسجل لأعلى صوت
خاش جو مع الفنانه اصاله
/
/
/
وهي كل ( همها )... أجار البيت المنتهي
واليوم أصدرت الفاتوره
إشعار بفصل التيار
وأطفالها الأربعه ...والبنت الكبيره نوره
خلاص بتخش ( الابتدائيه )
تبي أقلام ودفاتر ... وشنطه بنيه
/
/
/
وتسألها دايم نوره
ماما أنا اشتقت لبابا
ووش معنى مات ؟!
يعني خلاص مايجي
وما غير تقول أمها
اسكتي يانوره
إلي فيني ( يكفيني )
نامي بكره بأخذك معي للإشاره
وتجاوبها ما أحب الإشاره ...
شمس ..وحر ..وتعب ..
وأصحابي يقولون لي إني ( طراره )
/
/
/
وتدمع أم نوره وتضمها
وتقول بكره تعوضيني
وتكوني أستاذه .. أو دكتوره
وادعي يماما ...
تصدر أوراقنا من ( الوزاره )
وصير عندنا كرت عايله أو بطاقه
ونودع حياة البدون
بعدها نعيش براحه
وننسى الإشاره
خلاص نوره نامي ...نامي ..بكره ورانا ( إشاره )
اتمنى تنال اعجابكم :)
وفي انتظار رئيكم :)
تحياااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
رووووعة .... ماعرف ليه ذكرتني بــ طلال الرشيد الله يرحمه...
يقول عن الأغاني... كيف تطرب وانت تدري إنها صوت الجروح....
نفس الحالة...
يمكن لأنه أحيان تكون الخاطرة أو القصيدة أياً كان فعلاً تعبر عن معاناة...
ما يحسها إلا اللي عايشها ...أما غيره يستمتع بالقراءة ... والموسيقى اللي فيها....!!
مؤلمة جداً....و صراحة أخجل إني أقول إنها كلمات جميلة...
لكن اللي بقوله أنه أسلوبك وتعبيرك عن الموقف هو الجميل...
شكراً ...
(( تو الناس؟! هاه... من جد آسفة...!! ظروف))
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
رووووعة .... ماعرف ليه ذكرتني بــ طلال الرشيد الله يرحمه...
يقول عن الأغاني... كيف تطرب وانت تدري إنها صوت الجروح....
اولا : الروعه تواجدك شجون :)
ثانيا : كلامك صحيح ميه بالميه
وصدق هذا هو إلي يصير ...
واول امره ادري انها لطلال الرشيد الله يرحمه
اقتباس:
نفس الحالة...
يمكن لأنه أحيان تكون الخاطرة أو القصيدة أياً كان فعلاً تعبر عن معاناة...
ما يحسها إلا اللي عايشها ...أما غيره يستمتع بالقراءة ... والموسيقى اللي فيها....!!
مع ان كلامك صحيح
بس حبيت اعلق على نقطه صغيره :)
اقتباس:
مايحسها إلا اللي عايشها
احيان كثيره مو لازم الشاعر يعبر عن شيء عاشه في حياته او مر فيه ... لانك صعبه تلقين شخص او مستحيل عاش الحب بانواعه لان الحب انواع والخيانه بانواعها لان الخيانه كمان انواع والهجر بانواعه واليتم والفقر والضياع ووو ..وشياء كثير بس الشاعر ممكن يسمع عنها
او او يشوفها او يتخيل انها تصير فيترجمها
في قصائده باحساسه
اقتباس:
مؤلمة جداً....و صراحة أخجل إني أقول إنها كلمات جميلة...
لكن اللي بقوله أنه أسلوبك وتعبيرك عن الموقف هو الجميل...
احيان استغرب لما اسمع قصيده حزينه
في نهايتهايصفق الجمهور
واتسأل ؟
التصفيق هذا لانها لشاعر الفلاني
اذا يحقلهم يصفقون
او لان القائه للقصديه
وحتى هنا يحقلهم يصفقون
ام للقصيده
والمفروض يحترمونها ولا احد يصفق
لانها قصيده مؤلمه حزينه
حياك شجون :)
اقتباس:
(( تو الناس؟! هاه... من جد آسفة...!! ظروف))
لا تأسف على جرحك.... ترا الوضع عادي
يعني بتفرق !! لو زاد على المليون ... واحد
صدقني ما تفرق
ولا تأسف ترا عادي
تعودت البعد والالم والجرح من ناسي
ذاك نسى وعده ...وابتعد
وانا مشتاق في بُعده
وذاك جرح بلا سبب
وذاك طبعه كذا قاسي
بختصار هذولي هم ناسي
تعودت أشفي ألامي بروحي
وما ابالغ لو اقول
صرت ما اهتم بجروحي
ولا ابكي مثل اول عليها
ولا اسأل انا اش سويت فيكم تجرحوني
هذاك اول انا اهتم فيها
اما الحين عادي
لا تعتذر
ترا الوضع عااااادي
( ترا ما اقصد بهذي الكلمات اي شيء
مو بكره تجيني رساله من المشرف
لاني راح اتضايق من هذا الشيء:(
بس هي مجرد خاطره جات في بالي الحين
وكان قدامي المنتدى فكتبتها
واردد عشان محد يفهم خطاء ترا مو قصدي بها شيء )
شكرا للمرور شجون
تحياااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
المشاركة الأصلية كتبت بواسطة أنــفــاسـ
احيان كثيره مو لازم الشاعر يعبر عن شيء عاشه في حياته او مر فيه ... لانك صعبه تلقين شخص او مستحيل عاش الحب بانواعه لان الحب انواع والخيانه بانواعها لان الخيانه كمان انواع والهجر بانواعه واليتم والفقر والضياع ووو ..وشياء كثير بس الشاعر ممكن يسمع عنها
او او يشوفها او يتخيل انها تصير فيترجمها
في قصائده باحساسه
ايه في ناس كثيرة تؤمن بهذا الكلام وتقوله...
لكن أنا ما أؤمن فيه لأني أؤمن إنه ( لا يؤلم الجرح إلا من به ألم ... ) و( ما تحرق النار إلا رجل واطيها )... حتى و لو قلنا الشاعر يحاول أن يشارك سين من الناس مشاعره أو تجربته... يشارك مجتمعه قضاياهم... أو يشارك أمته همومها...
أو قلنا يكتبها لأنه تخيل إنها تصير له... وإنه عاشها...
لكن إذا ما كان هو اللي متلوع من هالألم... ما راح يكون مستوى القصيدة بنفس مستواها إذا عاش التجربة فعلاً...
اختلاف دقيق جداً... بالنسبة لي أشوفها تفرق... وبالنهاية هي مجرد آراء...!!
وبعدين تعال... ليكون سببنا لك أزمة وحنا ما ندري...http://forum.ma3ali.net/images/smilies/as1.gif
طيب اختلق لنا أعذار ... حتى لو مالنا عذر...
أحيان ظروف وأحيان نصير محنا قد الثقة...
و أنا أعتذر بالنيابة عني وعنه بعد... والجايات أحسن من الرايحات...
والخيرة فيما اختاره الله...الدنيا ما تسوى
<<<جابت كل اللي عندها :biggthump
انته روق بس :D
اقتباس:
ترا ما اقصد بهذي الكلمات اي شيء
احلف ... لأ وجيب المصحف بعد تحلف مرة ثانية...
ولا ...على قولة ولد أخوي... افتح على صفحة آية الكرسي :D
والله جا فخاطري أرد على هالكلام...
بس تدري أخاف أقول كلمة كذا بالغلط و تنفهم بكذا طريقة و يجيني واحد من المراقبين شاخط عالميتين ويخمّس فيني ...
( و خمّس تعني فحّط...لغير المتحدثين باللهجة المحلية )<<<خافت:D
أقول بسكت أحسن...http://forum.ma3ali.net/images/smilies/seko.gif
ولا يهمك بس... معلش السموحة منك...
روق و اشرب كوب عصير...
ريلااااكس ...http://forum.ma3ali.net/images/smilies/smilie.gif
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
رووووووووعه والله هالخااطره
:( والله هالموقف يوميا اشوفه وقلبي يتقطع عليهم :(
اول ما قريت الخااطره والله حسيت بألم وحسرة على اي شخص يعرض نفسه لهذا الموقف وقلبه يعورة على حاله وينجرح من اي نظره وكلمه :(
واحتقر كل من ينظر لهم يحقاارة ويتلفظ بكلام سيء لان لو ماكان مضطر بحيااته ما يعرض نفسه لهذا الشي ..
اسلوبك وكلمااتك والله تأثر عالقارئ حيل
وما توقعت احد يكتب عن هالموضوع باسلوب خااطرة
فعلا مبدع
في انتظاار جديد ابدااعك
موفق ان شاء الله
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
ايه في ناس كثيرة تؤمن بهذا الكلام وتقوله...
وانا منهم :)
اقتباس:
لكن أنا ما أؤمن فيه لأني أؤمن إنه ( لا يؤلم الجرح إلا من به ألم ... ) و( ما تحرق النار إلا رجل واطيها )...
كذا كانك تقولي كل انسان يحس بألمه بس
يعني ما نحس بألم ومشاعر غيرنا
وطبعا هذا شيء مو صحيح بالنسبه لي
اقتباس:
حتى و لو قلنا الشاعر يحاول أن يشارك سين من الناس مشاعره أو تجربته... يشارك مجتمعه قضاياهم... أو يشارك أمته همومها...
أو قلنا يكتبها لأنه تخيل إنها تصير له... وإنه عاشها...
لكن إذا ما كان هو اللي متلوع من هالألم... ما راح يكون مستوى القصيدة بنفس مستواها إذا عاش التجربة فعلاً...
اتفق معك هنا واختلف معك في الاولى
لكن الشاعر هو شخص يقدر يوصف ويترجم احساسه
وهذا شيء مو اي شخص يقدر عليه
وانا راح اتكلم على انك شاعره
والدليل احيان تكتبين شيء وتلقين اشخاص يقولو انك قدرتي تعبرين عن شيء فيهم ... او عن احساسهم ..بس هم ما قدرو لانهم يحسونه بداخل قلوبهم بس ما يقدرون يترجمونه
مدري اذا مريتيبها بس انا مريت بها
وفيه مثل ثاني يمكن ادق
اكيد قد اشتكت لك صديق من زوجها مثلا او همها
او مثلا لانها تطلقت اولا مات اخوها لا سمح الله
وانت تشوفين الحزن فيها اكيد راح تحسين في احساسها
او تحاولين تجسدين احساسها على اوراقك وتحطين نفسك مكانها
عشان تكتبين عن المعانها الي مرت فيها
والمقصد ترا مو دايم نكتب شيء مرينا فيه
وعندك هذي الشعر الحر الي كاتبه وخلينا نسميها الخاطره
اتكلم عن وحده من نسج الخيال هي واطفالها
بس الي اوحالي بالفكره شفت وحده عند الاشاره تشحت
وبعدها بكم يوم شفت برنامج اظن على قناه الكويت
كان واحد جاب سيره البدون
فحسيت انهم يتبهذلون في حياتهم ويتعبون
رغم انها نادره عندنا بالسعوديه
فربط الي تشحت عن الاشاره بحياه البدون
عشان اصور معاناتهم وكيف يتعبون ومحد يدري عنهم
وكل ذنبهم انه بدون
واتمنى قدرت اوصف لو جزاء من احساسهم
اقتباس:
اختلاف دقيق جداً... بالنسبة لي أشوفها تفرق... وبالنهاية هي مجرد آراء...!!
حتى انا بالنسبه لي تفرق
وزي ما قلتي هي مجرد اراء :)
ازمه ..! اف :Dلا مو لهدرجه :D
اقتباس:
طيب اختلق لنا أعذار ... حتى لو مالنا عذر...
أحيان ظروف وأحيان نصير محنا قد الثقة...
منكثر ما ادور لهم اعذار ما بقى عندي
وصراحه انا ما اعترف بعذر الظروف
لانه عذر انتشر وكل الناس تصدقه
وصدقي اي شخص يبغى يوصل شخص
ما تقدر تفرق بينهم لا بحور ولا صحاري ولا جبال
وش دعوه انتم قدها وزياده :)
اقتباس:
و أنا أعتذر بالنيابة عني وعنه بعد... والجايات أحسن من الرايحات...
والخيرة فيما اختاره الله...الدنيا ما تسوى
<<<جابت كل اللي عندها :biggthump
انته روق بس :D
لا تعتذرين لان عذرك مش مقبول
لانك ما سويتي شيء عشان تعتذرين
.. والموضع ما يستاهل :) صدقيني
الموضوع عاااادي :)
اقتباس:
احلف ... لأ وجيب المصحف بعد تحلف مرة ثانية...
ولا ...على قولة ولد أخوي... افتح على صفحة آية الكرسي :D
هههههههههههههه
وربي ضحكتيني وانا مالي نفس اضحك
اقتباس:
والله جا فخاطري أرد على هالكلام...
بس تدري أخاف أقول كلمة كذا بالغلط و تنفهم بكذا طريقة و يجيني واحد من المراقبين شاخط عالميتين ويخمّس فيني ...
انا وش خلاني اكتب إلي بالاحمر ومكبر الخط كمان
عشان محد يفهمني خطاء ..
لانها قد صارت لي مره وكتب في خاطره في موضوع وحده رغم اني كتبت انه مجرد كلام .. وربي ماكان قصدي اي شيء
بس انفهم كلامي خطاء
وتظايقت لما المشرف ارسلي رساله
وما اني مسعد ان نفس الشيء يتكرر مره ثانيه
احسن عشان ما ندخل في السياسه :09:
ولا يهمك ما صار شيء
وانا جدا رلاكس :)
شكرا على العوده :)
تحيااااااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
من بيننا ..
من مجتمعنا ..
من حياتنا اليومية ..
هكذا حللت بهذه الكلمات ..
لطالما أقول لنفسي ..
ما أقوى الأحداث التي أنثرها خاطرة ..
الحروب المتكررة والإرهاب .. لا
الحب والكره والأنانية .. لا
أمثال هذه المرأة .. أمثال الفقير بجانب سلة الـ " زبالة " .. أمثال الطفلة على باب المسجد
هؤلاء .. جزءٌ من مجتمعنا .. مجتمعنا هو ما يجب
أن نتكلم فيه .. ونكتب و نسطر الخواطر عنه
فكرتك .. وطريقة سردك .. وتعبيرك بمشاكل الـ " بدون "
هو الإبداع المتمثل في هذه الكلمات
فلنستيقظ .. من غفوتنا على هؤلاء .. المساكين
شكراً أخي .. نعم .. شكراً
شويعر
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
رووووووووعه والله هالخااطره
:( والله هالموقف يوميا اشوفه وقلبي يتقطع عليهم :(
اقتباس:
اول ما قريت الخااطره والله حسيت بألم وحسرة على اي شخص يعرض نفسه لهذا الموقف وقلبه يعورة على حاله وينجرح من اي نظره وكلمه :(
اتمنى هذا الشيء ينتهي وتنحل كل الاسباب الي تخلي هذا الشيء يتكاثر
واتمنى تجي ايام وما يكون لهذا الشيء وجود
اقتباس:
واحتقر كل من ينظر لهم يحقاارة ويتلفظ بكلام سيء لان لو ماكان مضطر بحيااته ما يعرض نفسه لهذا الشي ..
اكيد لاننا ما ندري عن ظروف الناس الباقين
اقتباس:
اسلوبك وكلمااتك والله تأثر عالقارئ حيل
وما توقعت احد يكتب عن هالموضوع باسلوب خااطرة
فعلا مبدع
ستلمين سويت على الاطراء :) ويسعدني كلامك :)
اقتباس:
في انتظاار جديد ابدااعك
موفق ان شاء الله
ان شاء الله
والله يوفقك
تحياااااااااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اهلا بك اخي شويعر
لا يستحظرني تعقيب على ماقلت :)
غير ان اقول ..لو كتبنا المجلدات في امتنا ومجتمعنا عن ما يدور فيها من مشاكل وغيرها
فعندها صدقني لا نستحق الشكر الانه شيء يجب ان نفعله لكنا تكاسلنا عنه
وشكرا عزيزي على الاطراء
لا تحرمني تواجد :)
بالتوفيق
تحياااااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
رووووووووووووووووعه
صراحه خاطره من قلب المجتمع العربي
وكل يوم نشوف هذا المشهد .. للاسف
لكن في سؤال من صنع هؤلاء هل نحن من صنعهم ام المجتمع ام ..........
واعتقد ان لنا يد كبيييييييييييييييييييييييره في صنعهم
كيف لا
اذا كان احد جيراننا في حاله فقيره ونحن لا نهتم
بل بعض الناس .. للاسف ما يعرف اسم جاره الذي بابه امام بابه
لا اجد ما اكتب عنه صراحه لان المشكله اكبر من هذا
اهنيك على السلوبك الرائع وطرحك لهذه الخاطره
تقبل مروري
سلام
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اعجبتني قبل وضعك للخاطرة هنا
ويكفي أنها عبرت عن شيء يحصل في حياتنا أو في مجتمعنا أن صح التعبير ..
وهذا مايعجبني في الخواطر عندما تكون أنسانيه أكثر من أنها كتابه على الورق فقط .
اقتباس:
المشاركة الأصلية كتبت بواسطة shjoonal3in
والله جا فخاطري أرد على هالكلام...
بس تدري أخاف أقول كلمة كذا بالغلط و تنفهم بكذا طريقة و يجيني واحد من المراقبين شاخط عالميتين ويخمّس فيني ...
( و خمّس تعني فحّط...لغير المتحدثين باللهجة المحلية )<<<خافت:D
أقول بسكت أحسن...http://forum.ma3ali.net/images/smilies/seko.gif
لماذا تجعلوني أحس بأن المراقب شرير :09:>>> على قولت فؤاد في طاش ماطاش شرير!
طبعاً نحن لا نمنع الكاتب من أبداء رأيه ولكن نمنع الحديث الذي لايفهم لأن ربما يفهمه
البعض بطريقة أخرى ..
شجون العين أشو أنك فسرتي كلمة ( خمس ) بعد على بالي بتقلبون الموضوع تفحيط :D
------
سلمت يمناك أخي أنفاس على الخاطرة الرائعة
ومن أبداع الى أبداع أن شاء الله :)
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
الظاهره منتشره واسبابها كثير
بس انا ركزت هنا على شيء معين وهي جزء من بعض حياه البدون و الصعوبه في العيش التي يعانون منها ... وتنتشرون في مجتمعاتنا الخليجيه .. واتمنى ان يجد لها المسؤلون حلول لهذه الظاهره
شكرا لمرورك اخي Xkenshin
تحيااااااااااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
اعجبتني قبل وضعك للخاطرة هنا
ويكفي أنها عبرت عن شيء يحصل في حياتنا أو في مجتمعنا أن صح التعبير ..
وهذا مايعجبني في الخواطر عندما تكون أنسانيه أكثر من أنها كتابه على الورق فقط .
تسلم غالي
اتمنى اني استطعت ان اوصل ما اريد :)
اقتباس:
لماذا تجعلوني أحس بأن المراقب شرير :09:>>> على قولت فؤاد في طاش ماطاش شرير!
طبعاً نحن لا نمنع الكاتب من أبداء رأيه ولكن نمنع الحديث الذي لايفهم لأن ربما يفهمه
البعض بطريقة أخرى ..
:sgrin:ومن يقول انكم منتم شريرين :ponder:
امزززح:09:
انتم الخير والبركه <<< يخاف يكرشونه من المنتدى :09:
شكرا لمرورك غالي
تحياااااااااااااااااااااااتي
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
رووووووووووووعة الكلمات ومعبرة جداااااااااااااا ...
ومؤثرة للغاية T_T ....
اسلوب كتابتك بسيط ورقيق وخالي من التعقيد ...
واسم الخاطرة عند الاشارة رائع ويحمل الكثير من التشويق ....
الصراحة كتابتك عجبتني رغم بساطتها ...
رووووووووعة انفاس مشاعر جميلة .. وخاطرة أجمل ...
رد: ஜஇ»¯−ـ‗_ عــنــد ( الإشــــاره ) _‗ـ−¯«இஜ
اقتباس:
رووووووووووووعة الكلمات ومعبرة جداااااااااااااا ...
ومؤثرة للغاية T_T ....
اتمنى اني قدرت اوصل لاحاسيسكم :)
اقتباس:
اسلوب كتابتك بسيط ورقيق وخالي من التعقيد ...
واسم الخاطرة عند الاشارة رائع ويحمل الكثير من التشويق ....
تسلمن اختي palma
وهذا الي اتمنى يكون في كتاباتي
واحاول انه يكون دايم فيها :)
اقتباس:
الصراحة كتابتك عجبتني رغم بساطتها ...
رووووووووعة انفاس مشاعر جميلة .. وخاطرة أجمل
تسلمين اختي والروعه تواجدك وتشريفك للخاطره :)
بالتوفيق
تحيااااااااااااتي
