ضحكي عن دمعي توارى

السلام عليكم و رحمة الله و بركاته

كيف الحال ؟؟؟ :D
اترككم مع هذي الابيات و ان شاء الله تعجبكم

اصبر و روحي ماتت من عذابي
اصبر على جرحي اللي ما يدارى
صبري يضيع اليوم او ما يراعي
قلبٍ غدا لي همٍ ما يجارى
ليل السهر ليلي اللي ما هويته
عايشت نجمٍ ضاوٍ للعبارى
اسهر و عقلي عن قلبي تغافل
و اضحك و ضحكي عن دمعي توارى
ما لي دروبٍ تقرب من منامي
ابعد و عيني ملكٍ للسهارى
اصبح و بالي ناسيني و يومه
ضايع و عقلي من عقل السكارى
كلي جروحٍ ما لي من يداوي
و اشكي و ما يسمعني الا عيارى
اعشق و عشقي زودٍ في العيارة
حبي تركني منسي في الصحارى

و سلامتكم


ان شاء الله ان الابيات اعجبتكم
و مثل دايم لا تخلون و لا كلمة الا و تقولونها
و بالتوفيق لكم يا رب


تحياتي

هلا
شاعر الأحاسيس
قصيدة والله حلوة
فيها من الإحساس ما يداعب أحاسيسنا
أتعجب قلة الردود فيها رغم جمالها
اتمنى لك التألق

وعليكم السلام ورحمة الله وبركاته

صح لسانك ولا هنت أخوي UDK ^_^

لاحظت في هذي القصيدة واللي قبلها إنك تبدأ في معنى وبعدها تتجه باتجاه معاني ثانيه ويختفي مضمون القصيدة ..
وأيضاً اهتميت بالقافية والوزن أكثر من المعنى وهذا يخل بالقصيدة وإن كان عندي ملاحظات أيضاً على الوزن في القصيدة ..
أعذرني على النقد ولكن لعلمي إنك تتقبل النقد وإنك قادر ترجع لمستوى قصائدك المعهودة ^_~

تقبل مروري وبانتظار جديدك ^_^

أطيب تحية

اخوي Andalus

اقتباس:

---

هلا
شاعر الأحاسيس
قصيدة والله حلوة
فيها من الإحساس ما يداعب أحاسيسنا
أتعجب قلة الردود فيها رغم جمالها
اتمنى لك التألق

---

مشكور على ردك و كلماتك الحلوة اللي فرحتني
و اتمنى اني اشوفك مرة ثانية


اخوي Exodia

اقتباس:

---

لاحظت في هذي القصيدة واللي قبلها إنك تبدأ في معنى وبعدها تتجه باتجاه معاني ثانيه ويختفي مضمون القصيدة ..
وأيضاً اهتميت بالقافية والوزن أكثر من المعنى وهذا يخل بالقصيدة وإن كان عندي ملاحظات أيضاً على الوزن في القصيدة ..
أعذرني على النقد ولكن لعلمي إنك تتقبل النقد وإنك قادر ترجع لمستوى قصائدك المعهودة ^_~

---

كلامك صحيح في هذي القصيدة ركزت انا على القافية بشكل كبير و هذا اثر على المعنى للأسف
لكن بالنسبة للوزن انا متأكد من صحته
مشكور على ملاحظاتك الله لا يحرمني منها يا رب



بالتوفيق لكم يا رب


تحياتي

اقتباس:

---

المشاركة الأصلية كتبت بواسطة UDK

ليل السهر ليلي اللي ما هويته
عايشت نجمٍ ضاوٍ للعبارى
اسهر و عقلي عن قلبي تغافل
و اضحك و ضحكي عن دمعي توارى

---

كلمات روعه يعطيك العافيه ننتظر جديدك

السلام عليكم ورحمة الله وبركاته
أهلا وسهلا بشاعر الاحاسيس :)

تصدق :D لو أخذت 99 قصيدة و دمجت أي من قصايدك بينهم وصارت 100
وحطيتهم بخلاط مولونيكس أو الي يكون وخلطهم / \ /\ / \ /
بإمكاني إني أطلعها :o
من ريحتها ;)
أنت عندك حس خاص في الكلمات وهذا مايميزك عن غيرك :)
ماشاء الله عليك
فاتني الشي الكثير من ابداعاتك مع الاسف في حال غيبتي
عموما أنتظر منك القادم و أتمنى لك التوفيق :)

يسعد مسائك
:)

اخوي lOst EmotioN
مشكور على تواجدك معي و ردك
و شاكر لك تواصلك معي
و ان شاء الله نشوف لك ابداعات معنا


اخوي الغالي إنـسـان ثـانـي
و عليكم السلام و رحمة الله و بركاته
كثر ما حسيت اني رهيب في كلامك كثر ما ضحكت

اقتباس:

---

فاتني الشي الكثير من ابداعاتك مع الاسف في حال غيبتي

---

لا ما فاتك شيء كلها موجودة في الصفحة الأولى و الصفحة الثانية أما الصفحة الثالثة انت كنت موجود فيها على ما اظن
مشكور على ردك


و بالتوفيق لكم يا رب


تحياتي