«®°·.¸.•°°·.¸¸.•°°·.¸.•°®» دليل أفضل المطاعم بالرياض «®°·.¸.•°°·.¸¸.•°°·.¸.•°®»

بسم الله الرحمن الرحيم

السلام عليكم ورحمة الله وبركاته...

أولاً كل عام وأنتم بخير ( تاوي أتذكر ):33:



هذا الموضوع أحببت طرحه هذه الايام خاصة لان الشباب والعوائل أيضاً يفضلون الاكل في المطاعم ( خاصة العشاء ) ومن هنا جاءت فكرة هذا الموضوع وأبغى الكل يشاركنا ولايبخل علينا...

بس بشرط أذكر التالي في ردك :

1 - اسم المطعم

2 - أهم مايتميز به ( شاورما _ مشويات _ مثلوثة _ مندي ومظبي _ الخ . . . )

3 - الموقع ( العنوان ) وممكن تحدد موقعه عن طريق الانترنت بزيارة هذا الموقع ( http://www.wikimapia.org ) أو زر هذا الموضوع لمزيد من الايضاح ( : : بديل جوجل ايرث : : )
http://www.montada.com/showthread.php?t=547350

4 - تجربتك الشخصية مع المطعم ( مزايا وعيوب المطعم )

5 - الاسعار ( غالية - رخيصة )

6 - صور للاكلات ( بالجوال ) ان أمكن .



أنا بابدأ أولاً :
مطعم قريتي
مندي ومظبي
عنوانه في فرع في البطحاء أمام مقبرة العود وله فرع أيضاً ثاني على طريق الخرج وهذا رابط صورته في البطحاء بالاقمار الصناعية
http://www.wikimapia.org/#lat=24.619...18&l=0&m=a&v=2 )
المطعم حقيقة ممتاز وأسعاره مناسبة


فوال الطائف
فول
له فرع على الدائري الجنوبي وله فرع في ام الحمام وهذا رابط صورته بالاقمار الصناعية ( فرع أم الحمام )
http://www.wikimapia.org/#lat=24.683...18&l=0&m=a&v=2
المطعم لايعلى عليه في الفول والافطار خاصة اللي في ام الحمام أحسن من الفرع الثاني

يالا شباب الباقي عليكم ( لاحد يبخل علينا ترانا جوعانين ) ...



وأرجو من اخواننا المشرفين تثبيت الموضوع ليكون دليل شامل لمطاعم الرياض....


ودمتم بسعادة ...

ما شاء الله عليك ... موضوع جميل ;)
وبالنسبة للإضافات ... فأنا لا اسكن بالرياض

بارك الله فيك اخي ... وتستحق الترشيح :o

ننتظر منك كل جديد

رهيب والله الموضع واهنيك عليه <<<<< عشانه عن مطاعم الرياض P:

لانها ذبلت كبدي من المطاع اللي عندنا .... والله صرت ما اكل زين واحس نفسي من سده حتى من اكل البيت ):

من ناحية قريتي جربته وصراحه ما احس انه مميز ... يعني عاادي ... يمكن عشانه ما عجبني

اما فوال الطايف .. جنان @@ خصوصا الملوح D: .... فيه فرع قريب من المعهد اللي ادرس فيه ... وكل صبح مسنتر عندهم D:
بس شيء والله

ما اذكر مطاعم بالتحديد ... امممممممم

إلا فيه مطع رهيب

اسمه بيت الشوايه .... في الشفا قريب مننا ... كنا دايم مسنترين عنده خخخخ
بس الحين لا .... ماعاد ناكل منه عشان انفلونزا الطيور خخخ

تجربتي الشخصه : جنان @@

اللي يتميز فيه : اممممم مدري بس اذكر ناخذ منه دجاج على الشوايه مع رز نسيت اسمه .. اسمه مدري وش يبي

اما السعر معقول

ومعليش حست في الروابط اللي عطيتني عشان كذا ما اقدر اعطيك الوصف زين ^^"

معليش هذرتي واجده وتوصيفي مدري وش يبي خخخ بس تحمست مع الموضوع ...يمكن عشاني جايه P:

راح اتابع الموضوع عشان اشوف وش افضل مطاعم الرياض

تم ترشح الموضوع

<<<<<خخخ وده يرشحك عشانك من الرياض <<<< ابو العنصريه ياشيخ خخ

تحياااااااااااااااااتي