السلام عليكم
حاسس نفسي كالضفدع في الصحراء بس يله شوي شوي اتطور واصير سحلية
المهم
طبعاً سبب انضمامي للمجموعة هو فكرة صرلي فترة بفكر فيها وهي كوميكس خاص فينا، اعضاء منتدى الرسم
صراحة الى الآن ما عنا شي دوري غير المجلة ومش عطول بتجي بوقتها
لهيك فكرت بشي لطيف يميزنا عن غير اقسام
فكرة كتير قديمة بس الجديد فيها هو صناعتها
طيب نوضح اكتر ...
مجمل الفكرة هو التضخيم ... يعني بالعربي ننقل الشات الكتابي ونعملو فيجول
من المعروف ومن الواضح جدا لاي انسان يدخل شاتنا هو تميز هيدا الشات بالسمخرة
يعني هيدا يتمسخر على هيداك وهيداك يتمسخر على هيدا وحدث ولا حرج وصراحة هيدا الشي يلي مخلاه لطيف ومميز تحسهم عيلة
بدخل الشات صرت اكتر من المنتدى
لهيك قلت لنفسي ليه ما مننقل صورة طبق الاصل عن مسخرة الشات ومنعطي لاعضاء هيدا المنتدى طابع كوميدي ساخر وقصة طريفة بتعود بالتميز على هيدا القسم
الفكرة على الشكل الآتي :
اختيار اعضاء صارو "بارت اف ذا شيب" متل ما قال تيرنر بفيلم بايرت يعني صارو قطعة من المنتدى
والقيام بتصويرهم على اساس مهنهم او الاشيا المعروفة عنهم والذهاب بها الى اقصى حد ممكن مثلا :
ناخد كيلوا او لا سانو او صقر مثلا ...
(صقر ما تزعل انا اخترتك لانو عارف انك مش رح تزعل غيرك يمكن يزعل )
شو المعروف عنو ؟؟؟
مراقب بلا قلب :D
وشعراتو سود، بيحط عوينات سود، مشكلجي... طيب بيكفي
لهيك منرسمو بجاكيت سودا بدون اكمام مثلا وعلى كتفو لازم يكون فيه وشوم "جماجم وتنين وهيك" و وشو لازم يكون فيه مثلا خبطة شفرة وبمعصمو لازم يبلس هي يلي الها حديد متل الدبابيس من شان الخبيط يعني بالعربي نمسك عضو مقرب الى قلوبنا و نسوي فيه العجايب بس بستايل نيو ريترو متل يلي بكرتون ناتورك
وبس لمن نخلص من اختاير الاعضار نبدا بالستريب
هون لازملنا كاتب مسخرجي على الاخر انا ضامنو ... كيلوا لها
و طبعا قصة تكون قصيرة لان كلنا عنا اشغال يا دوب نفضالها ساعة ما بين وبين
واكيد القصة رحت تكون مهزلة بمهزلة تترك بسمة على وجوه الزوار
عن نفسي انا رح اتولى عملية رسمها بالكامل
لكن محتاج متطويعن يقبلو انونن يكوناو ابطال الكوميكس عدد 3-4 اقل شي 5-6 اكتر شي
صراحة الاشخاص يلي كنت مفكر فيهم هن
الدكتورة سانو
كيلوا
صقلا
Sam
والبقية لازم يكونوا من لقات المنتدى مش معقول يكون بطل كوميكس كل سنة يدخل مرة
طبعا لو الفكرة لقيتوها مناسبة ببدا انا اول شي برسم الشخصيات
وبعرضها عليكم هون بهيدا الموضوع
اذا كان حدن عندو تعديلات واو اقتراحات منسويها ومننتقل الى فكرة الصفحة لهذا الشهر
لو لا يكون الموضوع ما الو لازمة فيفضل حذفو
آه وشوووه لازم آخد نفس
طيب نشوف آرائكم حول الفكرة
