العرض الترويجي الرابع للبلايستيشن 3 من CastlevaniaX - سوني شافت العرض -

21 / 7 / 2007

واثناء بطولة اسيا وبعد معرض E3 .. بدأت رواية هذا العرض ....

صممت هذا العرض في 5 ايام فقط ...

25 / 7 / 2007

قررت رفع العرض على موقع يوتيوب ... في الساعة العاشرة صباحاً .. قمت بتجهيزه .. في الساعة 10 والنصف .. تغير كل شيء ..

تصميم العرض اتي بعد جهد كبير في التفكير والتخيل اذا صح التعبير .. حرصت على ان تكون جميع المقاطع عالية التعريف .. اتى احد اخوتي والذي لا يفرق بين البلايستيشن 3 وجهاز سوبر نينتندو .. اتي الي في غرفتي والتي لا ينقصها اي تقنية متواجدة في العالم .. قمت بتشغيل العرض على شاشة سامسونج ذو ال32 بوصة .. اثناء العرض .. نطق اخي وقال : اقول... غير هالقناة انت وخشك .. اخر عمري تناديني علشان اشوف دعايات ام بي سي 2 !!!!

ام بي سي 2!!! .. صحيح ان ام بي سي 2 لكم عليها .. لكن بمجرد انه قال ام بي سي 2 ... لووول جعلني اعيد التفكير في العرض ... ايقنت بأن العرض يستحق اكثر من مجرد عرضه على شبكة الانترنت .. العرض يستحق ان يكون على ام بي سي 2 !!!

بعدها بنص ساعة اتصلت على مجموعة الفيصلية ... وبعد عدة تحويلات ومطبات ... وصلت الى سكيرتير المدير العام .. عرضت عليه الفكرة .. عرض ترويجي للبلايستيشن 3 تستخدمه سوني بالطريقة التي تراها .. السكيرتير اعطاني موعد اتصال بالمدير العام في نفس اليوم الساعة الثالثة عصراً ... اتصلت وتكلمت مع المدير العام ...

هاردميتل مع المدير العام .. شرحت له الموضوع .. شرحت له عرضي .. توقعت بيقول لي: يابوي روح اقرا لك شي يفيدك والا اقول لك روح العب لك وينينج اليفين يمكن تجيب جول ... هذا اللي كان يدور في بالي ..

اللي صار شي مختلف .. الرجال رحب بالفكرة واعجب فيها .. حدد لي موعد مع المسؤول التسويقي للبلايستيشن 3 في السعودية ... الاجتماع تم في نهاية الاسبوع الثالث لشهر اغسطس ( بعضكم يتذكر ردودي بخصوص ذهابي الى الرياض ) ...

تم الاجتماع .. المدير العام لم يحضر بسبب ارتباطات عائلية .. المسؤول شافه .. بعد مانتهى العرض ( وعلى فكرة العرض كان في مرحلة مبكرة وغير صالح للعرض الا انه يفي بالغرض وينقل الرسالة تقدرون تقولون Pre Pre Alpha لووول) .. كانت ردة فعله ايجابية .. سألني من وين جبت العروض .. مين يمتلكها .. سألني ما اذا كنت اشتغل لصالح شركة دعاية واعلان .. تفاجأ بأني مجرد هاوي اسوي عروض وقت الفراغ بعد مارجع من الدوام .. قال لي: المفاجأة ان عرض محترف زي كذا يجي من شاب سعودي ...

قال المسؤول التسويقي : جميع صلاحيات الاعلان تنطلق من سوني اوروبا .. نحن لا نملك حق الموافقة على اي مادة اعلانية .. لكني اقدر اخدمك ... شرايك تعطيني العرض وراح اعرضه على مدير المبيعات والتسويق في منطقة الشرق الاوسط والهند .. السيد تيم ستوكس .. لي معه اجتماع الاسبوع الجاي .. راح اقابله وباسلمه العرض ..

قلت له: لنفترض ان تيم ستوكس وافق على العرض او انه اعجب فيه وحب انه ينقله الى مستوى اعلى .. رد علي وقال : راح يعرضه على نائب رئيس سوني اوروبا للترفيه والتسلية ...

في البداية ماوافقت .. كبر راسي وقلت لنفسي : يمكن ياخذونه ويستفيدون منه وتروح علي .. في الحقيقة انا ماكلمت نفسي .. انا قلتها له مباشرة .. رد علي وقال : انت تتعامل مع سوني .. سوني مو اي شركة .. سوني تفتخر بأن هناك من يهتم لمنتجاتها ...

وافقت .. اخذ العرض .. اعطاه لتيم ستوكس ... تيم ستوكس كان مشغول باجتماعات واخذ له اجازة ... بعد شهر تقريباً وصل لي الرد ...

تيم ستوكس قال : العرض رائع .. لكن المشكلة اننا مانقدر نستخدمه لاي غرض اعلاني .. هناك مسائل قانونية في العرض ماتقدر سوني تتخطاها ....

بصراحة .. من اليوم اللي فكرت فيه اني اعرضه على سوني وانا عارف الجواب .. لكني قلت لنفسي .. حاول .. جرب .. ايش راح تخسر ... بدال مايشوف عروضك كريس فان دام او سفاح اللي ماعندهم عند جدتي .. على الاقل اعرضه على ناس عندها فلوس يمكن يجي منهم شي ...

انتهى الموضوع ... وتبخرت احلام هاردميتل ... لكن .. فترة الثلاث شهور الماضية قمت بتطوير العرض .. المشكلة كل شوي ينزل عرض جديد .. استخدمه واغير من المقاطع .. اشيل العاب واحط العاب جدبدة ...

على العموم, اكتسبت اشياء كثيرة من خلال مامريت فيه .. علاقات ومعارف ..

قبل رمضان رحت مع واحد من الشباب الى مجمع اكسترا ... كنت افكر اشتري لابتوي رخيص لكن سماعاته قوية .. جبت معي العرض وقاعد اشغله على كل لابتوب قدامي ... الناس هناك قاموا يشوفون العرض متحمسين ..

هذا هو العرض .. العرض النهائي .. العرض الترويجي الرابع للبلايستيشن 3 .. يمكن بعضكم يشوف بأنه عادي .. البعض الاخر يشوف انه رهيب .. المسألة اذواق .. لكن في كلتا الحالتين .. وللمعلومية .. عندي افكار ماحطيتها بالعرض .. افكار كان ممكن استغلها .. لكن عارف بأن هذا العرض ماهو الا بداية لامر افضل بكثير .. انا متأكد ... باذن الله ..






في الاخير , احب اشكر المدير العام لشركة الفيصلية ... اشكر المسؤول التسويقي .. اشكر تيم ستوكس .. اشكر كريس فان دام اللي كان متحمس للعرض وكان حاب يكون معي بالصورة في بداية الامر ..

اراءكم شباب .. وياليت لو تكتبون اراءكم في صفحة يوتيوب بعد ...

سلام...

مو مصدق ان هذا شغل هاوِِ @@ !!!! العرض احترافي ، حركة البداية هبال والافضل عالاطلاق ! الموسيقى مجنونة ، العرض وقف الان بسبب بطئ الاتصال ، صراحة ابدعت واصفق لك يابطل

اقتباس:

---

بدال مايشوف عروضك كريس فان دام او سفاح اللي ماعندهم عند جدتي

---

اتمنى اشوف رأئي Last snake الان ...

اقتباس:

---

هناك مسائل قانونية في العرض ماتقدر سوني تتخطاها ....

---

اوففففففف ماقالوا لك ايش هي هذي المشاكل ؟

EDIT :
عندي اشياء بسيطة جدا جدا

- مو كانك اكثرت مقاطع انشارتد !؟ احس 60% من الفديوو عن هاللعبة
- ياليتك اكثرت مقاطع ميتل جير ، وحتى يوم وضعتها كان الكواليتي يقل ، غير مهم
- لازلت مو مصدق حركة البداية الروعة o_O !
-حتى الان مو مصدقها ! ياخي ابداع
-لو انك واضع " كريديت " بسيط في النهاية

ما أقول إلا الله يوفقك بس .. أهم شي الطموح . وانت عندك طموح .. زين سوييت بسالفة الشركة .. الحين روح جرب حظك مع شركة إعلانات مع إشادة من إلي قابلتهم من سوني ... يمكن يصكونك بوظيفة وانت بالبيت .

إلي أطلبته منك هو .. عطني رابط ثاني لأنه اليوتيوب عندي مشكله فيه ^^"
يبدأ أول ثانية ويخلص.

والله مادري وش اقوللك بس يومجيت اشوف العرض كنت متردد (تعرب العرب وخرابيطهم)
لاكن يوم شفت الرض ما دري وش صار ....كل اللي اتذكرة ان يوم خلصت مناظره كان وجهي كذا *o*:wow:

والله ان كلمة مبدع قليلة عليك
:biggthump:biggthump:biggthump:biggthump:biggthump:biggthump

والله روعة من جد روعة أبدعت بصراحة

بالعادة ما أكون من النوع ألي يحب يرد على المواضيع بس صراحة العرض أجبرني أرد وأشكرك على العرض الروعة

وبصراحة تحطيم بالأخير لما ما قدروا يعروضونه كنت متوقع هذا الشي حسيت السالفة فيها أشياء قانونية وش زي كذا

يعطيك العافية وانصحك تستفيد من مواهبك وتطورها وما تظل هاوي نبيك محترف

وشكرا

2thumps up

uncharted يبيييله
mgs4 يبيله
FFXII يبييله
white knight يبيله
ratchet and clank يبيييله
littlebigplanet يبيييله
GT5 يبيييله
haze يبيييله ( مع اغنية حصرية للعبة من KORn ياااساااتر بسسسس)
folklore يبيييله
blu-ray يبيييله
يبييييله play station 3

السلام عليكم ورحمة الله وبركاته

فعلا ابداع العرض انا شاهدته كما شاهدت العروض الاخرى التي بواستطك واكيد كانت تجربة جميلة منك ان تعرض على سوني وفعلا عروضك تستحق كذلك وليس هذا مجاملة او شيء مثل هذا لكن تقدير فعلا للمجهود والذي اكيد اجانب قالوا لك انك تعرضه بشكل ممتاز ...

مسألة استخدام سوني العرض كاعلان لها قد يكون لا يستطيعون فعلا ذلكوالذي دار في بالي انه هناك انفراد من عندهم لوكالة الدعاية للPS3 والعابها لها تختص بها (مجرد ظن) ...

على اي حال عمل ممتاز فعلا اخ هاردمتال و اجدت فيه

العرض رائع جداً !!

بداية ولا اروع

ما شاء الله عندك موهبه في الابداع والتخيل

بس لسى الفيديو يبغاله شغل

الموسيقى اشوفها غير متناسبه .. خاصة انك تبغاها تكون دعايه لـ سوني

اشوف فقط لو تستمر اكثر وتختار موسيقى افضل من هذي ومتناسبه يكون احسن ومع تنقيه افضل للـ لقطات

واكثر من اللقطات الي تحتوي رسم قوي جداً لـ تعطي نبذه عن الجهاز " نتكلم الآن انك تبغاه يكون دعايه "

^^^^^^

كل هذا يعبر عن رأيي شخصي

واتوقع المسائل القانونيه ان العرض فيه لقطات من العاب ليست من سوني .. زي ديفل ماي كراي وياكوزا 3

لو كانت اللقطات تقتصر فقط على العاب سوني ( first party) اتوقع كان بيوافق

أبــداع يا هاردميتل
نصيحه من اخو لاتوقف حاول انك تعرضه بكل مكان

اقتباس:

---

واتوقع المسائل القانونيه ان العرض فيه لقطات من العاب ليست من سوني .. زي ديفل ماي كراي وياكوزا 3

لو كانت اللقطات تقتصر فقط على العاب سوني ( first party) اتوقع كان بيوافق

---

حتى الاغنيه مالت فلم بريف هارت

ارسلت اللينك حق الفيديو في لصاحب احد المواقع اخبار الالعاب التي اشاهدها وعرضوه في موقعهم فورا !

http://www.maxconsole.net/

رائع
ماشالله عليك..

اقتباس:

---

العرض رائع .. لكن المشكلة اننا مانقدر نستخدمه لاي غرض اعلاني .. هناك مسائل قانونية في العرض ماتقدر سوني تتخطاها ....

---

اتوقع كان يقصد الاغنيه الي في العرض لازم الشركه تاخذ تصريح في استخدامها.
المهم ان شالله رده ما يكون خيب املك.
استمر

مشكورين شباب على الردود .. بصراحة ردودكم تثلج الصدر وتعطيني دافع للافضل...

مشكور ايفيل هنتر على نشر العرض .. اتمنى من كل واحد ان ينشر العرض وفي كل موقع يشارك فيه علشان يستمتع فيه الكثير من اللاعبين.. ومين يدري .. يمكن سوني اوروبا او امريكا يشوفون العرض ويصير للموضوع تطورات...

هذي وصلة لنفس الموضوع في منتدى البلايستيشن- موقع جيم سبوت... اقروا ردود الاعضاء .. رائعة مثل ردودكم..

http://www.gamespot.com/pages/forums/show_msgs.php?topic_id=26006044

^
شوفلي لينك يوتيوب خربان عندي أبي اشوفه -_-"

العرض جميل جدا .. صحيح ان uncharted كثرت منها في العرض لكن ماتنلام .. اللعبة تقدم افضل رسوم للبلاي ستيشن اكثر من اي لعبة حتى الان ..

اقتباس:

---

المفاجأة ان عرض محترف زي كذا يجي من شاب سعودي ...

---

؟؟؟؟؟؟؟؟؟؟؟؟؟ مفاجاة ؟؟؟؟ .... فيه كثييير لكن انتم ماتعطونهم وجه ياملا ..