تبي تعرف وش هي الأسباب اللي تحجر القلب

السلام عليكم ورحمة الله وبركاته

بسم الله والصلاة والسلام على سيد الأنبياء والمرسلين سيدنا محمد وعلى آله وصحبه أجمعين ومن اتبع هداهم بإحسان إلى يوم الدين
وبعد:
طبعا الكل فينا يكره الحقود واللعان والمغتاب,
السؤال هو: ماهي الأسباب اللتي تؤدي الى سواد القلب؟

أحاول أجاوبه بذكر قصتي مع خالي :
خالي هذا شخص غير متعلم ( سادس إبتدائي) اسلوب في الكلام ماعنده اسلوب في المعاملة مايعرف تحسه طفل في السادسة من العمر
لاأخلاق ولانظافة ولامعرفة للحدود , ولا نخوة ولا شهامة , مرة من المرات تهاوشت معاه, وقلتله بكل إستصغار :
وش مستواك التعليمي لجل تناقشني .
هو كتم والله بيني وبينك والله اني حزنت عليه , وبكل حقد رد علي وقال يارب تصير مثلي << حقوودي
عدت الأيام والسنين أول ثلاث سنين نص اللي تعلمته راح من راسي وصابني تشتت وماقدر اركز
تركت الكللية , انطويت على نفسي ( وياليتني مافعلت ) وبديت الذكريات تعود , وبديت الذكريات الشينة
تجي في بالي وقسم بالله ياتشوفون انواع النرفزة ماصرت اتذكر الا الشين الطبايع الزينة ماقدر اميزها ماقدر اشوفها
انعميت عنها
والله ان الحال وصل فيني اني قطعت عن أخوي سنتين مانتكلم واحنا في بيت واحد
كله بسبب الذكريات اللعينة ( ابليس ينتهز الفرصة يشوفك لحالك والله يايوسوس وسوسة )
مافي احد سلم من لساني
كله بسبب التمسك بالطبايع الشينة اللي نشوفها من الناس , والله ما اعتقد اني فكرت بشي زين
كل اللي اقوله : لا أكيد انت رحت اغتبتني ( لعن ****, لعن ***** يابن ال******)
قسم بالله الصغار ماسلمو من ايدي

طبعا هذي فترة وعدت
وحبيت اني احذركم واذكركم بالنظر إلى ماحسن ظاهره بترتاحون
واعتقد شبه جازم بأني خربت النظرة فيني بس مايهم دامكم إستفدتو

لا أدري ما هي الأسباب تماماً كلها , ولكن أعتقد أن التربية سبب رئيسي , يعني المفروض الوالدين يتعلموا طرق التعامل مع الناس ويعلموها لأولادهم ...

اقتباس:

---

واعتقد شبه جازم بأني خربت النظرة فيني بس مايهم دامكم إستفدتو

---

كنت أريد أن أكتب موضوع عن هذا , بالعكس رجوع الإنسان عن الخطأ أجمل من عدم وقوعه فيه

الجهل الحسد البغضاء عدم النهي عن المنكر...

يعطيك العافيه
والتجربه والا الماصي مو عيب ولا حرام
كل انسان ومر بظروف ومواقف الله يعينه عليها

ثانكيووووووووو على الموضوع
(*,*)

السلام عليكم ورحمة الله وبركاته
أسف على التأخير في الرد

ديك المجد

اقتباس:

---

لا أدري ما هي الأسباب تماماً كلها , ولكن أعتقد أن التربية سبب رئيسي , يعني المفروض الوالدين يتعلموا طرق التعامل مع الناس ويعلموها لأولادهم ...

---

أكيد التربية لها دور كبير في تحديد نفسية الأبن
وطباعه ( شينة , زينة )

اقتباس:

---

كنت أريد أن أكتب موضوع عن هذا , بالعكس رجوع الإنسان عن الخطأ أجمل من عدم وقوعه فيه

---

ياليت يكون فيه مواضيع تتمحور فكرتها
حول رجوع الإنسان عن الخطأ , وإعترافه به

سعيد بمشاركتك

nabilbenka

اقتباس:

---

الجهل الحسد البغضاء عدم النهي عن المنكر...

---

فعلا الجهل له دور في تحجر القلب , والبغضاء هي اساس الحقد

والنهي عن المنكر هو سبب في تكاتل المعاصي على اكتافنا

سعيد بوجودك معنا

اقتباس:

---

المشاركة الأصلية كتبت بواسطة lOst EmotioN

يعطيك العافيه
والتجربه والا الماصي مو عيب ولا حرام
كل انسان ومر بظروف ومواقف الله يعينه عليها

ثانكيووووووووو على الموضوع

(*,*)

---

الله يعافيكي اختي
التجربة مهي بعيب ولا حرام
بس المعصية حرام ,
انا فهمت قصدتك تقصدين أنه مو عيب لو الواحد أخطأ العيب لو إستمر على خطئه , ونفس الشي مع المعصية لو تاب منها الشخص افضل من انه يستمر عليها.

نورتي الموضوع بردك

السلام عليكم

انا حبيت اوضح ان:
اللي يعترف ولا يقول عن المواقف والمعاصي اللي مر فيها
مو عيب ولا حرام
بالعكس يحاول ان غيره من الناس يستفيدون
ويتعظون من اللي يشوفونه ويسمعونه

وانت تقول:
واعتقد شبه جازم بأني خربت النظرة فيني بس مايهم دامكم إستفدتو

بالعكس هاذا شي حلو وزين تسويه
ويعطيك العافيه
(*,*)

الحمدلله انك عديت هالمرحله ولو كملت دراستك زين وفوق الزين

واذا ماكملتها كملها نصيحه اخويه

وان شاء الله بسيطه خير الخطائون التوابون خل علاقتك زينه مع خالك

انت خطأت بحقه والله جازاك بالدنيا توب وانت ان شاء الله تكون تبت