انطباعي بعد لعبي لـCOD 4

السلام عليكم ،،،


شريت اللعبة اليوم على البي اس 3 ،،،


اللعبة الصرااحة غييييير عن الثالث ولكل من يشك انها بتكون نفس الثالث او اقل بعد ، خل ياخذها احسن .


:: الجرافيكس ::

ممتااز وراائع ، تصميم الشخصياات ممتازة وايضا الاسلحة وتنوعها ، وتصميم المباني والادخنة وغيرها ... بس احس انه نفس رسوم الثالث بس احسن شوي .


:: الاصوات ::

كلمة وحدة

روووووووعة ،،، طبعا مع نظام سنمائي راح تحس انك في معركة حقيقية ،، حتى انه صوت اللي يتكلم بالعربي راح تسمع كل كلمة يقولها وتفهمها ، مو مثل بعض الالعاب ... يتكلم عربي جنه هندي توه يتعلم عربي ماتفهم منه ولا كلمة


:: التحكم ::

ممتاز ولا يعقد وبسرعة راح تتعود عليه


:: الجيم بلاي ::

وصلنا الى النقطة المهمة باللعبة ،،،

الغيم بلاي ،، اعجبني كثيرا واستطيع ان اطمئن المشككين ، اللعبة اقوى من الثالث وربما الثاني ايضا (( نازل على الاكس بوكس 360 )) ،،،



:: الملخص ::


انفينيتي ورد قدمت لنا جزء روعة الصراحة ، وادري البعض متخوف منها ، لكنني استطيع ان اقول لكم ،، اشتر اللعبة لانها تستحق الشراء .



:: ملاحظة ::


- في مهمة الصراحة عجبتني واااااايد وتوقعاتي محد سواها ... ماراح اقول شنهي لكني متاكد انكم بتعرفونها ،،،

- خااص للكويتيين - في المهمة الاولي في السفينة بعد ماتوصل للقنبلة النووية اقرى شنو مكتوب عليها ... كاتبين شي مشهوووووووووووور عندنا بالكويت :09:.

- لووووول كاتبين اسم انفينيتي ورد بالعربي وبالضبط بعد ،،،

وشكرااا لكم ،،،

مشكور وما تقصر على الكلام والملخص ،،، كلامك كله عدل في عدل
انا بس ناطر تنزل على الاكس بوكس وشاريها ان شاء الله ، بس لو يقلون لك قارن بينها وبين الجزء الثالث ، في نفس المميزات اللي ذكرتها عن الجزء الرابع بإنطباعكم شلون راح تقارن ؟؟؟

انا ماخذها ماخذها بس ناطر اخلص الالعاب اللي عندي
على طاري الاونلاين كم لاعب في الروح الواحد اقصى شي ؟
الجزء الثالث 24 وهالجزء كم ؟

اقتباس:

---

- خااص للكويتيين - في المهمة الاولي في السفينة بعد ماتوصل للقنبلة النووية اقرى شنو مكتوب عليها ... كاتبين شي مشهوووووووووووور عندنا بالكويت

---

i'll keep this in mind once i get the game in aronud this week :D
جم شريتها ؟ 20 ولا 25 ؟

ايوب الحسن اشكرك على الموضوع..

بصراحه اللعبه اقل مايقال عنها انها ابداع واتعيشك في جو الحرب..

بعد اذن صاحب الموضوع حاب استفسر عن شي
العبه تدعم ال1080P بس عندي مشكله صغيره لو حد يساعدني فيها.. تيلفزوني برافيا X يعني Full HD اول ماشغل العبه تطلعلي على رزليوشن 1080P لاكن بعد فتره بسيطه قبل مايشتغل عرض البدايه تتحول ل 720p مع العلم اني استخدم hdmi ممكن حد يفيدني...!!

هذي الحركه في البلاي ستيشن 3 لكل الالعاب اللي ما تدعم 1080 بي

شباااب حبيت اقولكم شغله

لما تنتهي اللعبه لا تطفون الجهاز .. في مهمه خفيه عقب ال credits لوووووول

مهمه عبيطه

اهم شئ فيها اساءه للعرب او المسلمين ؟؟

اقتباس:

---

- خااص للكويتيين - في المهمة الاولي في السفينة بعد ماتوصل للقنبلة النووية اقرى شنو مكتوب عليها ... كاتبين شي مشهوووووووووووور عندنا بالكويت :09:.

---

صج نحيس قولنا شنو مكتوب مالي خلق انطر لين اشتريها :09: ..
واذا كلش كلش قولي عالخاص :09: ..
ولو اني اشك انه الكلمه فيها من مطعم باجا او شي :33: >> مو يوعان كلش :09: ..

المهم يعطيك العافيه عالموضوع :biggthump ..

اقتباس:

---

اهم شئ فيها اساءه للعرب او المسلمين ؟؟

---

اخوي اللي عرفته وسمعته من ناس انها ما فيها شي يمس العرب والمسلمين ..
واتمنى انها فعلا ما تمس :) ..

مكشور اخوي واللعبة باين عليها حلوة

شكرااا حبايبي على الردود واعتذر على التاخير ،،

اقتباس:

---

على طاري الاونلاين كم لاعب في الروح الواحد اقصى شي ؟
الجزء الثالث 24 وهالجزء كم ؟

---

والله ماجربته ليلحين ... وسمعت انه السيرفر مغلق الى حين موعد الاصدار الرسمي .....

اقتباس:

---

جم شريتها ؟ 20 ولا 25 ؟

---

20 .... لا وبعد من جيم سنتر النصااب ... بس عجيبة اول مايابها قالي 20 .... يمكن علشان انني زبون عندهم !!!

اقتباس:

---

تيلفزوني برافيا X يعني Full HD اول ماشغل العبه تطلعلي على رزليوشن 1080P لاكن بعد فتره بسيطه قبل مايشتغل عرض البدايه تتحول ل 720p مع العلم اني استخدم hdmi ممكن حد يفيدني

---

Don't look at me

اقتباس:

---

اهم شئ فيها اساءه للعرب او المسلمين ؟؟

---

بالنسبة لي ماشفت شي يسئ للمسلمين .... بالعكس فيه مناظر للاشخاص عرب يعدمون على يد جنود عرب واعتقد هذا وااقع قاعدين نشوفة .... العرب اللي تقتلهم هم فقط الارهابيين ....

اقتباس:

---

صج نحيس قولنا شنو مكتوب مالي خلق انطر لين اشتريها :09: ..
واذا كلش كلش قولي عالخاص :09: ..
ولو اني اشك انه الكلمه فيها من مطعم باجا او شي :33: >> مو يوعان كلش

---

Nope ماراح اقول ..... والكلمة الصرااحة مالها علاقة بتاتا ... يعني شدخل القنبلة بالكلمة نفسها ...



بس الصراااحة اللي مايشتريها رااح نص عمره .... اللعبة جدا جدا قوية وانه قاعد انهيها بالنورمل ....