للكويتيين>>لنتعاون لتوفير المال

السلام عليكم
جتني فكره جهنميه وبقولها لكم وان شاءالله تعجبكم وراح نضرب فيها اكثر من عصفور بحجر واحد منها نوفر على انفسنا فلوس ومنها نكسر سوق الرحاب عشان مايستقلونه ويرفعون الاسعار على كيفهم وللاسف حماية المستهلك عندنا نقولها لا حياة لمن ننادي:argue:

الفكره الاولى:
انه نشكل مجموعات وكل مجموعه يكون فيها 4 او 5 اشخاص كل واحد منهم يشتري لعبه اصليه وحده واللي يخلص اللعبه يبادلها مع الثاني يعني مثلا
المجموعه الاولى شروا:

1-اسيسنتس غرييد
2-انشارتد
3-راتشيك اند كلانك
4-هيفنلي سوورد
5-هالف لايف 2
الاول يكون عنده اسيسنتس غرييد اذا خلصها ينطر احد من اللي بمجموعته يخلص اللعبه اللي عنده واول مايخلصها قول مثلا الخامس خلص هالف لايف 2 يبادل معاه واذا خلص الثاني انشارتد ينطر احد من مجموعته يخلص اللعبه عشان يبادل معاه يعني بالعربي يلعب كل الالعاب اللي مع مجموعته واذا لعبته كل اللي بمجموعته خلصوها تردله عاد هو كيفه يسوي اللي يسوي فيها يبيعها او يشوفلها صرفه:biggthump

الفكره الثانيه:
اذا احد شرا لعبه مافيها اونلاين بس توصيل اذا خلصها يأجرها حق 3 اشخاص يكونون بمجموعته بشكل دائم ب5 دنانير يخلصون اللعبه ويردونها له يعني 3اشخاص =15دينار كأنه خسران 5 دنانير عاللعبه الوحده بس:wink:

والله لو تتعاونون راح توفرون على انفسكم فلوس وفوق هذا تكسرون سوق الرحاب النصابين:28:

انطر رايكم تجاه الفكره;)

والله الفكرة مو زينة:p يعني فيها عيوب بس اشوف الشباب الباقين :)

على راااسي والله على هالافكار الحلوه


ويسقط الرحااااب الله لا يوفجهم ويبدل ربحهم بخسارتهم انشالله

انا الصراحه مفكر اني ااجر الالعاب اللي عندي بعد لأن تقريبا عندي 12 لعبه فقلت أأجر اللعبه تقريبا اسبوعيا قلت على 2.500 اللعبه بس الفكره تحت الانشاء ليلحين لأن اذا جذي لازم العاب مافيهم اونلاين

bad . منو يبي يعطي واحد ما يعرفه لعبه ؟
أشوف سالفة المستعمل أفضل بوايد

بصراحه فكرة فيها سلبيات كثيرة
يمكن صعوبة التواصل واذا واحد مشتهي يلعب لعبه يلقاها عند الثاني

أنا أفضل ان نروح نكلم صاحب المحل ونفهمه اللي يسونه استقلاليه
ونتفق مع بعض او نشتكي عن خدمه المواطن
ابصراحه محل بوابة الكويت يبيع الشريط بسعر معقول كل الاشرطه ب20
لا اكثر ولاا اقل
انصحكم فيه
اما جيم سنتر وجيم تتيشن وطوكيو نصابين
هشوم ويعقوبو وشعبانو بو شعاب نصابين شكله الباقي بالمخبه ويتقاسمونه مع الهنادوة
والا شرايكم نزح عند خدمة الموطن ونشتكي ونسوي موضوع ونعد عدد الشباب اللي راحو يشتكون؟

حلاتها يسووون محل تأجيير

قريت اعلان بمجلى بي اس ام بأمريكاااا عن اشتراكات حق تأجير ألعاب بلي شتيشن 3........ياخي والله ناس تفكر

خلوووووونا احنا على الرحاب طايح بوووق فينا :/

تخيل نسخه MGS4 جم حبه يبي يأجر لووول او غيرها من الالعاب الحلوه يبا اهني دام شايفينا احنا نشتري وموقاعد انحرك ساكن زلا قاع انسوي شي هذي لعبتهم اهما الحين الي اتحكمون بالسوق هذا يرفع والثاني يجبـس

والله الفكره قويه الصراحه بس مثل قال احد الاعضاء منو راح يعطي اللعبه حق واحد ما يعرفه
وفي شغله ثانيه بعد
تخيل انه متل قير 4 انزلت وراحو خمسه يحبون اللعبة
وبعدين شروها من اي محل
تعتقد من الاول الي راح ياخذها اعتقد انه راح ايصير اختلاف :ponder:
وراح يشترونها كلهم لووول

بس من ناحيت النصب بالرحاب بصراحه ما ينسكت عنه :ponder:

rofl :tongue2:

اقول لو تروحون خمسه لمحل واحد وتقولون نبي نشتري منك 5 نسخ من نفس اللعبه بس سولنا تخفيض وسعر معقوول واذا ما رضي راح يتحسف وتشوفه يقولك دقيقه بس يشاور نفسه واذا رفض تماما حرقوه دمه واشتروه من محل ثاني خمس نسخ100 دينار دفعه واحده قول يطيحلك 10 دنانير سعر معقووولوتصير90دينار احسن من125دينار شووف الفرق هذا اذا ضبطت

^^^^^^^^^^^^^

خوش اقتراح بس يبيله اساسه نتفاهم بالأول

مثلا اذا نبي ناخذ انشارتد ناخذه على عشرين بحزته!!

يعني مثلا نتفق قدام المحل و يدش واحد و يقول عطنا خمسه انتشارتد جدا بيوفر علينا المكاسر و التعب :/


بس اللي راح يصير بالواقع انه الكل راح يتسابقون و ماكو اتفاق :/
بعدين كل واحد و ظروفه.....موشي:/

Snake-87
انت لما تعطيه بنفس الوقت تاخذ منه اللعبه الثانيه يعني ماتروح منه وايدك فاضيه واللي يسحب عالمجموعه خلوه بلاك لست لا تتبادلون معاه الالعاب;)

ERGO PROXY
ميتل غير وريزدنت ايفل والالعاب الاساطير هذه كل واحد يشتريها اما الالعاب الثانيه نفس ماقلت لكم

وترى انا اقصد كل مجموعه يضيف الثاني بالماسنجر يعني يتفاهمون بالماسنجر على كل شي وحتى الالعاب اللي يشترونها والله يخلي المحادثه الجماعيه بالماسنجر:biggthump

ترى بالنهايه انا بس ابي افيدكم لاني ماراح ادش معاكم لانه تعرفون اكثر الالعاب العبها كوبي على360;)

ومشكورين عالمرور

اقتباس:

---

انت لما تعطيه بنفس الوقت تاخذ منه اللعبه الثانيه يعني ماتروح منه وايدك فاضيه واللي يسحب عالمجموعه خلوه بلاك لست لا تتبادلون معاه الالعاب

---

مثال :
لعبتي : MGS4 .. اللعبة للمبادلة : كونان .
لي سحب علي شسوي فيه ؟ اقنله xD

اقتباس:

---

خلوه بلاك لست لا تتبادلون معاه الالعاب

---

ومنو يعوضني عن إلي راح؟
أو إفرض ردها لي والقوطي مكسر او السيدي مشلخ بس يبتسم ويقول لك أهم شي شغال :) .

اقتباس:

---

يعني مثلا نتفق قدام المحل و يدش واحد و يقول عطنا خمسه انتشارتد جدا بيوفر علينا المكاسر و التعب :/

---

سويناها مرة : عطنا 5 العاب .. كم تحسبها لنا ؟ قال نفس السعر (&)

مشكور على إقتراحك على اي حال

888
انا قلت لكم الالعاب الاساطير لاتبادلون فيها

وبالنسبه لكلامك انه مايحافظ هاللعبه ايه حتى هذه اذا ماحافظ عاللعبه خلوه بلاك ليست ترى مايحتاج شرح انتوا لو تقتنعون بس والله راح تكسرون سوق النصب اللي بالرحاب:)

وواحد يقول شلون لو يبي لعبه متحمس لها وهي عند واحد؟الجواب سهل مثل الحين فيه اسيسنتس غرييد و و و ماتقدر تشتريهم بوقت واحد فبدال ماتجمعلهم فلوس وتشتريهم يبيلك وقت اطول من انهاء صاحبك للعبه واذا جمعت لهم الفلوس اتوقع 100 دينار لووووووول

ترى هذه فكره مؤقته لحد ماينزلون كوبي للبلاي3 وبالنهايه الراي رايكم اي 4 او5 يوافقون عالفكره الحين على طول كل واحد يضيف الثاني بالماسنجر ويتفاهمون هناك ومكان التجمع هو الرحاب بارضهم وبين جماهيرهم النصابين نكون دفناهم بمقبرتهم هههههههههههه