استفسار عن كاديلاك CTS 2008
السيارة يمدحونها على النت لكن ابغي اعرف الناس اللي شافوا او جربوا او اشتروا الكاديلاك CTS الجديدة
طبعا موديل 2008 مختلف كليا عن الموديلات الماضية وعندي كمن سؤال:
- كم سعرها فل ابشن في الامارات او السعودية؟ وشو الفرق بين الفل اوبشين واقل فئة؟
- كيف صرف البترول؟ يعني كم تعبي التانك كامل وكم يمشيك؟ (للاماراتيين والسعوديين)
- شو افضل في المواصفات والراحة اثناء القيادة: CTS او GS300 ؟
- هل قطع غيار الكاديلاك غالية؟ يعني سعرها ضعف او ضعفين الليكزس؟
- هل فيها كاميرات خارجية بدل السينسورز او لا؟
- هل نظام الملاحة خاص بدولة وحدة او دول الخليج كلها؟ وهل نظام الملاحة جيد او معقد في الاستخدام؟
- هل خرابات الكاديلاك او الامريكي كثير او قليل لاستخدام لمدة 5 سنوات تقريبا؟
- هل الضمان 5 سنوات شامل او ثلاث سنوات؟
ياريت من الاخوة في الامارات او السعودية انهم يفيدوني خصوصا ان السعوديين يميلون اكثر للسيارات الامريكية لانها مريحة في المسافات الطويلة وانا ابغيها للمسافات المتوسطة تقريبا يعني 40كم في المشوار الواحد (ساكن في منطقة بعيدة عن المدينة ومراكز التسوق)
شكرا
رد: استفسار عن كاديلاك CTS 2008
أنا سمعت أخوي ان الكاديلاك يسخن المحرك بسرعة ( لأننا بدول حارة السعودية أو الإمارات) بالرغم من مواصفاتها الرائعة وسعرها الممتاز بس قطع الغيار غالي
وأنا بصراحة محب لهذه السيارة الرائعة ولكن هي لاتصلح إلا للمناطق الباردة
وشكرا
رد: استفسار عن كاديلاك CTS 2008
ممكن..بس اللي اعرفه ان السيارات الامريكية الجديدة تدخل الخليج بمواصفاتنا يعني ما يحتاج ان الواحد يبدل شي عشان يخفض الحرارة والله اعلم
رد: استفسار عن كاديلاك CTS 2008
اقتباس:
- كم سعرها فل ابشن في الامارات او السعودية؟ وشو الفرق بين الفل اوبشين واقل فئة؟
2,8 بـ 157 ألف ريـال .. فرق مكينـة , رنقات ( جنط ) ألمنيـوم 17 , اكزوز ( شكمـان ) واحـد ..
3,6 بـ 166 ألف ريـال .. جنوط نيكـل 18 , شكمانيـن ..
اقتباس:
- كيف صرف البترول؟ يعني كم تعبي التانك كامل وكم يمشيك؟ (للاماراتيين والسعوديين)
ما عنـدي علــم ..
اقتباس:
- شو افضل في المواصفات والراحة اثناء القيادة: CTS او GS300 ؟
مواصفـات لكـزس , راحـة كادي ..
اقتباس:
- هل قطع غيار الكاديلاك غالية؟ يعني سعرها ضعف او ضعفين الليكزس؟
غاليــة , أتوقـع الضعـف ..
اقتباس:
- هل فيها كاميرات خارجية بدل السينسورز او لا؟
لا ..
اقتباس:
- هل نظام الملاحة خاص بدولة وحدة او دول الخليج كلها؟ وهل نظام الملاحة جيد او معقد في الاستخدام؟
مـدري ..
اقتباس:
- هل خرابات الكاديلاك او الامريكي كثير او قليل لاستخدام لمدة 5 سنوات تقريبا؟
مادري , بس أشوف الكـادي عايش والله ..
اقتباس:
- هل الضمان 5 سنوات شامل او ثلاث سنوات؟
4 سنـوات أو 100 ألف كلـم شاااامل ..
اقتباس:
ياريت من الاخوة في الامارات او السعودية انهم يفيدوني خصوصا ان السعوديين يميلون اكثر للسيارات الامريكية لانها مريحة في المسافات الطويلة وانا ابغيها للمسافات المتوسطة تقريبا يعني 40كم في المشوار الواحد (ساكن في منطقة بعيدة عن المدينة ومراكز التسوق)
كـادي قمـّة الراحـة شيء مفـروغ منـه ..
