شعر -*-*-*-*- قــســاة الــــكــــون -*-*-*-*-

أهـــديــهـــا لأحــاسـيــســكــم

قساة الكون في عيني وقلبي ما إهتنى وما إلتـم
قسى هالوقت يـا قلبـي وضيَّـع كـل راحاتـي

جروحي فوق طاقاتي بكيـت وفـي عيونـي دم
رضيت آنا على القسوه وضاعت كـل بسماتـي

تعبتْ / وما صِدَقْ حَظي وفوق الهم أشيل الهـم
صغيرٍ في العمر آنـا وكبيـره حيـل مأساتـي

محدْ يدري عن أخباري محد في دنيتـي مهتـم
وحيدْ أمشي مع همِّي وكبيرْ الحزْن فـي ذاتـي

سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقـعْ نهاياتـي فـي بداياتـي

ياليت تفيدني الحسره ياليت أرتـاح لـو أنـدم
صعبْ أرتاح في الدنيـا حزيـنْ بكـلْ حالاتـي

سفينه مِنْ الصعب ترسى واهي مِنْ الموجْ تتحطم
أشوف البحر في عيني لقيـت المـوجْ دمعاتـي

كثير قلوب غرقانه واهي منْ الوقتْ مـا تسلـم
بحر هالوقت هَمْ يغـدر وهـذا معنـى كلماتـي

يا قلبي الطِيبْ ما ينْفَـعْ عشانـي ركِّـزْ وإفهـم
أنـا ملِّيـتْ أعلِّـم فِيـكْ وإنـتَ تزيـدْ آهاتـي

أمانه كان لِي خاطـر مِـنْ اللِّـي صـار تتعلـم
ويا قلبي إتـرك الطيبـه بعـد قصـة مُعاناتـي

الرائع أحمد الصانع

اتمنى ان تنال اعجابكم

تحيااااااااااااااااتي