عندي مشكلة ابي مساعدتكم عشان ارتااااااااااااااااااااح

السلام عليكم ورحمة الله
خواتي الاعضاء انه عضوة يديدة وهاي اول مشاركة لي

انه عندي مشكلة واعتقد انها مشكلة نفسية واتمنى من كل قلبي الاقي عندكم الحل
انه طالبة في المرحة الثنوية
في السنة الماضية تعرفت على بنت من صفنه وكانت طيبة واخلاقها عالية
استمرت علاقتنه وصارت كلللللش قوية
اهي صارت تعتبرني اختها وصديقتها وكل انسان غالي في حياتها
وانه نفس الشي حبيتها حب مو طبيعي وصرت احبها اكثر من نفسي وهلي
يعني كانت علاقتنه كلش حلوة والكل كان يحسدنه عليها ويستغرب من هالمحبة

المهم عدت ذيج السنة ويات هالسنة واحنه كان عندنه صديقات يعني نمشي وياهم وجذي
اهي في هالوكت بدت تتغير وبدت شوي شوي تبتعد عني يعني قبل لو يوم واحد يمر بدون ماتعرف شي عن اخباري تستخف وماتقدر ترقد كانت متعلقة فيني بشكل مو طبيعي والحين والله لو اسبوع يمر عادي عندها وانه كل يوم يزيد حبي لها وطبعا تضايقت لما جفتها بهالحال

وانه مشكلتي اغاااااار عليها بجنون عقلي والله لو اجوفها تمشي مع غيري ولا تكلم او تضحك مع غيري احس بموووووت
المهم في يوم قررت افتح معاها هالموضوع وفعلا فتحته معاها وقلت لها اني اغار عليها من الي حولها ووضحت لها شعوري
اهي قالت لي انتي اتعرفين مكانتج عندي واتعرفين ان الي لج في قلبي مستحيل يتغير واقنعتني بكلامها وصكينه السالفة ولا اهي ارجعت مثل قبل ولا انه قدرت اتفهم الوضع

مرت ايااام واياام واهي لاحظت ان انه طول الوكت مكتئبة واصيح وشايلة هم الدنيا على راسي وانه صج كنت وكتها مانام ليلي وانه افكر شنو الي خلاها اتصير جذي وانه تميت اقولها مافيني شي واهي اصرت اتعرف الي فيني فقمت وقلت لها وقلت لها انه مابي املكج بس ابيج تفهمين شعوري ليش تغيرتي
اهني قامت عصبت وقالت لي اشفييج انه قلت لج محد بياخذني منج وغلاتج انتي ادرى فيها وشيلي هالافكار من مخج لان انه مابي اتصير مشاكل بينة
وانه طبعا وايد تضايقت من طريقة ردها واهي احسها بعض الاوقات تتعمد اتسوي اشياء عشان احتر

السموووووحة ياخواتي طولت عليكم وانه اشرح لكم مشكلتي بس اهي والله عمت عيني عن الناس وخلتني ماجوف غيرها ودي احد يفهمني ويحس بمعانااتي تعبت حاولت بكل الطرق اعالج روحي بس ماقدرت وانه الحين اطلب مساعدتكم وابي كل وحدة اتقولي في رايها شنو اسوي عشان ارتااااااااااح

السلام عليكم و رحمة الله و بركاته
اختي العزيزة انا اتفهم وضعك مع هذي البنت لكن اذا هي مشت مع احد غيرك مو المفروض تمنعيها لأن يمكن هي عدها بعض الاهتمامات الي انت ماتهتمين فيها و لاقت بنت ثانية لها نفس الاهتمامات و صارت تمشي معاها
اما بالنسبة للغيرة فهي شي مرفوض تماما يعني مو لأن البنت صاحبتج تكتمين على انفاسهة وممكن لأي بنت انه يكون عندهه اكثر من Best Friend وحدة
وغيرتك الزايدة هي الي خلت البنت تنزعج لهذي الدرجة و انا اتكلم عن تجربة مو استنتاج
و ان شاء الله تتخلصين من هذي المشكلة باسرع وقت
وفي النهاية القرار بإيدك اذا اردت الحفاظ على صداقتك او اضاعتها

انه مامنعتها تتكلم مع غيري وطبعا مالي حق في هالشي
بس ودي اعرف شنو الي خلاها تتغير حتى قبل ماصارحها بخصوص غيرتي عليها كانت متغيرة
ولما اسألها تقولي انه ماتغيرت انتي تتخيلين بس هي ماتحس في روحها
مشكووورة حبيبتي على المرور وطبعا كلامج صح الغيرة الزايدة بتضيع الصداقة وانه هذا الي خايفة منه

مثل ما قلت البنت تشوفيها انتي تغيرت لأنه صارت تمشي مع غيرك و بالنسبة للغيرة فهي شي ظاهر و ميحتاج تصارحيها حتى تعرف اما إذا كانو البنات الي تمشي معاهم هي الي غيرت نظرتك لها فهذا امر آخر

والله شاقولج اختي انه نظرتي ماتغيرت لها وهي مكانتها في قلبي مثل ماهي لو اهي اتقولي بلسانها انسي الي بينه وابتعدي عني بعد ماراح اكرهها ولا راح يصير في قلبي عليها شي
ادعووو لي انها تحس فيني واذا ابتعادها عني في راحة لها الله يهنيها ويسعدها

آسفة إذا أنا زعجتج بالردود الكثيرة لكن انا من كل قلبي ودي اساعدج لأن الموضوع باين عليه يعنيلج الكثير خاصة بانه موضوع صداقة بس إذا ما تغيرت نظرتك لها ممكن تقوليلي شو هو سبب الغيرة من البنات الباقيات؟

لا حبيبتي بالعكس والله ماتقصرين
انا اغار لان اخاف احد ياخذ مكاني منهم ولا يخليها تبتعد عني بشكل نهائي
ولا تهتم لي وتتركني لان اهي الوحيدة الي اجوف حياتي مرهونة في يدها
واحس اذا ابتعدت عني مابقدر اعيش والله ما ابالغ في كلامي

اخاف هذي صاحبتك مستغلة عفويتك و طيبة قلبك لأن يا حبيبتي في عالمنا هذا الناس ما تنعرف لأن كثير من عندهم لابسين أقنعة و يتصنعون الطيب لكن حقيقتهم غير جذي و انا كان عندي صديقة سابقة من هذا النوع اتعلقت فيها جدا جدا لكن لسوء الحظ طلعت حقيقتها مختلفة تماما للشي الي عرفته خائنة و ما تعرف غير مصلحتها لذلك يا عزيزتي المفروض انك ما تتعلقين بالاشخاص حولك بهذي الدرجة لأن اذا ظليتي على هذا الحال راح تتعبين جدا بحياتك فكوني حذرة دائما . و إذا كان عندك اي سؤال حابة تسألي أسألي لأن انا ما امل من الاجابة مادام اني بساعد احد و انشاء الله راح تلاقين دائما جواب يريحك اما إذا تريدين تقفلين الموضوع فعلا راحتك بس قوليلي ( يعني إذا شفتي انه الموضوع طول و آني مراح ازعل ) المهم ترتاحين

لا حبيبتي بالعكس انه مرتاحة وانتي تعطيني رايج
لكن بعد اقولج اهي مستحيل من هالنوع لان في المواقف الصعبة اهي الوحيدة الي توقف معاي وربي يشهد علي ماانكر معرووفها بس انه احس على طول محتاجة قربها مني
وعلى طول احتاج حنانها وكلامها الحلوو
تدرين اهي قبل لاتكون علاقتي قوية معاها كانت فيها ازمة نفسية
اهي محرومة من الاخوان والخوات وامها وابوها مريضين فكانت طول الوكت اتصيح واتعاني
محد اهتم فيها كثري وانه الي خليتها تتحرر من هالازمة وتقدر اتخالط الناااس
ماامدح نفسي واعوذ بالله من كلمة انه بس هذا الواقع
يعني اهي في فترة لقيت فيها كل الي ابيه وبعدين بدت تبتعد عني يوم جافت ناس ثانيين قامو يهتمون فيها... بس اهم مااهتموا فيها الا يوم جافوها تضحك وكل شي ولا يوم في حالتها الصعبة ماكانو يدرون عنها وانه هذا الي معور قلبي
ولا اقوولج اهي خلاص نستني ونست كل شي بس وااااايد غير حتى لو اتجوفني متكدرة ماتهتم وايد
على عكس قبل اذا فيني اقل شي تقلب الدنيا عشان بس اتجوف ضحكتي

زين الآن يجب عليك حسم الامر و هو بالحديث معها بكل صراحة حتى تفهم معاناتك و بنفس الوقت تعرف هي شو هو الشي الي قاعدة تسوي بنفسها و بيك انت و تصحى لنفسها قبل ما تتأذى من الناس الي تمشي معاهم لأن مثل ما قلت واضح عليهم ناس مصالح و لعب مو مثلك انتي صديقة حقيقية وغيري اسلوب كلامك يعني تحدثي بطريقة بعيدة عن الغيرة و حاولي ما تكررين الاسباب نفسها مثل انه هي تغيرت و كلام من هذا القبيل حتى لا ترد عليك بنفس الاجوبة بدون تفكير منها ويضيع تعبك و كلامك معاها بمعنى آخر اعرفي الي الج و الي عليج

ان شالله بكلمها مرة ثانية واتمنى تتفهم الكلام الي اقوله
مشكووووورة بعد قلبي على وقوفج معاااي ومابنسى جميلج مهما كان