ملينـــا من شغل ( الحراميه )

بسم الله الرحمن الرحيم

السلام عليكم ورحمة الله وبركاتة
أولاً أتمنى في البدايه ان اللي يرد على الموضوع يكون على دراية تامه وخبره بجهاز xbox360 ويعرف كل صغيره وكبيره ، ولا يجلس لنا أحد الطيبين يفتي لنا وهو ما يدري عن شئ :ponder: ، لان المسأله فيها فلوس بصراحه ، أخواني اليوم شريت لعبة Assassin's Creed ولعبة المصارعة الجديدة smak vs raw2008 وتفاجأت بالحقيقيه أنها ما اشتغلت بتاتاً ، ريديتها للمحل وغيرها لي مره ثانيه ورجعت شغلتها ولا اشتغلت ، رجعت لصاحب المحل ولما خبرته انها ما اشتغلت مره ثانيه قال لي كلام غريب وأول مره اسمعه وبصراحه شام منه ريحه نصب لكن حبيت اتأكد منكم بالأول
قال ان هالشريطين ما تشتغل الا بقطعه تتركب بالجهاز وقال ان فيه اشرطه تشتغل على قطعه اسمها ( الماجيك ) وفيه اشرطه تشتغل على قطعة ( السوفت وير ) وعشان تضمن ان كل الالعاب تشتغل معك لازم تركب القطعتتين وبكذا ترتاح وسعر القطعه الوحده بـ (400 ريال ) فشئ غريب .. مع العلم ان عندي 20 لعبة وكلها شغاله تمام الا هذين الشريطين ، وللعلم ايضاً جهازي معدل ويشغل كوبي وأصلي

فأنتظر منكم الأجابه
اخوكم

هلا اخوي انت من وين اول
عشان لو كنت في الرياض ابي منك اسم المحل
لانه شكله نصاب

اولا تطوير الفريم وير ما يحتا ج انه يركبلك قطعة داخل الجهاز

وبالنسبة للقطع او المود شيبز الموجودة فكلها تقوم بمثل عمل التطوير بالمرامج

يعني بالعربي شكل راعي المحل كذاب

أهلاً أخوي
انا من الدمام .. وأسم المحل الأمبراطور
والف شكر على توضيحك يا الغالي وانا من اول شاك لكن حبيت اتأكد بس
واخواني اللي عنده توضيح اكثر يا ليت يخبرنا حتى نكون بالصوره اكثر
تحيتي

^^^^^^^^^
ياخوووي الامبرطور اكبر نصاب بالدمام كلها هو محله في عبدالله فواد وانا اعرف الي فيه نصااااب لدرجه ماتتوقع انتبه منه ومشكور

هههههههههههه
والله ان ظني بمحله وجزاك الله خير
تحيتي

ياخي بالعقل , انته اذا تبا شئ روح مكان في وايد محلات الكترونيات اذا شكيت فأحد روح المحل الثاني

ولا تعتمد على محل واحد عشان ما يستغلك بشكل كامل

8 8 8 8 8
أهلاً عزيزي
كلامك معروف وما يحتاج .. المشكله ان بالدمام بالكامل ما فيه محلات تبيع اشرطه اكس بوكس الا كم محل وتنعد بأصابع اليد حتى نشاطهم معدوم ساعات تحصل عندهم وساعات لا .. ولو تبغى اكس بوكس والعابه مالك الا الخبر وبصراحه الخبر مشوااار علي ( يعني بعيد مره ) لكن مالنا الا الخبر والله المستعان .
تحيتي لك