(((خبر عاجل لأهل الكويت بخصوص العاب والاجهزه)))
السلام عليكم ورحمة الله وبركاته
شباب الكويت اليوم جايب لكم خبر يفرحكم
اول شي ابي 4 شباب يعطوني ارقام هواتفهم المحموله برسائل الخاصه
أخر ماتوصل في اخي الصحفي بخصوص سعر العاب اللى تشب نار العاب
اول شي تم كشف عن اسعار العاب الحقيقيه وهي اعفن لعبه قيمتها 9 د.ك
واذا اللعبه قويه جداً مثل ميتل قير 4 سعرها 12د.ك او 13 د.ك
والسعر يتحكم فيه صاحب المحل وليس التاجر ياخذها مثال حبتين من العاب القويه يطلع على صاحب المحل 26 د.ك ويبيعها الوحده لك بـ25 او 30 دينار
انتهينا من نصب العاب نجي للأجهزه طبعاً كل الاجهزه مثل xbox 360 اي نوع وps3 اي نوع
xbox 360 ealet بسعر 120 دينار ويبيعها على الزبون 250 د.ك او 230د.ك واذا رخيصه حدها يبيعها لك بـ 190 دينار ومع يده وشريط
طبعا xbox 360 اي نوع بـ 120 دينار والمحلات ينصبون علينا
و ps3 واي نوع من جهاز بلاي ستيشن 3 حتى لوكان ابو غيغا 80 كل انواع ps3 سعر 120 دينار والمحلات هم ينصبون علينا بالاسعار النار
ويشباب ابي ارقامكم على الخاص عشان اخي يسوي معاكم لقاء بخصوص ارتفاع الاسعار وان شاء الله هذا الموضوع وراء العيد ويشباب ارقامكم على الخاص
انتظركم الموضوع للجميع الاجهزه والعاب
رد: (((خبر عاجل لأهل الكويت بخصوص العاب والاجهزه)))
للأمانة ما فهمت ولا كلمة من موضوعك مع إحترامي لك (&) .
رد: (((خبر عاجل لأهل الكويت بخصوص العاب والاجهزه)))
اقتباس:
المشاركة الأصلية كتبت بواسطة Sparkster
للأمانة ما فهمت ولا كلمة من موضوعك مع إحترامي لك (&) .
مع احترامي لك انت ما تفهم :09:
اقتباس:
اول شي تم كشف عن اسعار العاب الحقيقيه وهي اعفن لعبه قيمتها 9 د.ك
واذا اللعبه قويه جداً مثل ميتل قير 4 سعرها 12د.ك او 13 د.ك
شنو اللي مافهمته في هالجملة؟ يقولك السعر الأصلي اللي يشتريها المحل للعبة هو هذا
اقتباس:
والسعر يتحكم فيه صاحب المحل وليس التاجر
التاجر هو المقصود به موزع الالعاب و الاجهزة على المحلات و ليس تاجر المحل نفسه..
اقتباس:
والسعر يتحكم فيه صاحب المحل وليس التاجر ياخذها مثال حبتين من العاب القويه يطلع على صاحب المحل 26 د.ك ويبيعها الوحده لك بـ25 او 30 دينار
حبتين ب26 درهم البياع يشترهم بهالسعر للعبتين و بعدها يجي للزبون المسكين و يبيع الوحدة ب25-30 دينار يعني ضعف السعر ..
الزبدة هذولا حرامية :12: و أمثالهم في قطر بعد و أتوقع في معظم دول الخليج ضاربين بأسعار الألعاب
رد: (((خبر عاجل لأهل الكويت بخصوص العاب والاجهزه)))
اخوي
سعر اللعبه مب 9 دنانير الا اذا كنت تقصد العاب ps2-ps1 يمكن لكن زود فوقها ضريبة الشحن السريع اللي يوصلك الألعاب خلال يوم او يومين كم بيطلع معك؟؟
http://dc27.4shared.com/download/327.../4545gcfhc.jpg
291 درهم اماراتي , 29 دينار , عرفت ليش الاسعار مرتفعه والالعاب تنزل بنفس الوقت مع تاريخ امريكا واليابان؟
رد: (((خبر عاجل لأهل الكويت بخصوص العاب والاجهزه)))
اقتباس:
المشاركة الأصلية كتبت بواسطة kingx11
اخوي
سعر اللعبه مب 9 دنانير الا اذا كنت تقصد العاب ps2-ps1 يمكن لكن زود فوقها ضريبة الشحن السريع اللي يوصلك الألعاب خلال يوم او يومين كم بيطلع معك؟؟
http://dc27.4shared.com/download/327.../4545gcfhc.jpg
291 درهم اماراتي , 29 دينار , عرفت ليش الاسعار مرتفعه والالعاب تنزل بنفس الوقت مع تاريخ امريكا واليابان؟
بس ملاحظة.. المحلات عموماً تحصل على الألعاب قبل موعد الاصدار باسبوع او اكثر و توزع على باقي دول العالم مثل ما صار مع Mass Effect اذا تتذكر واحد خلصها قبل ما تنزل..
لكن تبقى نسبة الربح كبيرة للبائعين أتوقع يشترون اللعبة ب230 ريال و يبيعونها ب280 بس يالله يترزقون :09:
13 دينار كم كم يسوى بالريال القطري؟ 130؟ سعر اللعبة الوحدة الاصلية (الجديدة اللي توها نازلة ب60 دولار) يعني 220 ريال .. أسعار الألعاب ارتفعت بسبب الضرائب و سمعت إنه للبترول تأثير كبير في هالشيء
لا تنسون الألعاب كانت تباع ب50 دولار سابقاً أيام ال50 دولار راحت :p ما عدا بعض الألعاب لا زالت تباع ب50. بس هل سعر الجملة يؤثر على الألعاب؟ يعني لو طلبت من الشركة المصنعة 30 نسخة يمكن ترخص لك قيمة كل نسخة
رد: (((خبر عاجل لأهل الكويت بخصوص العاب والاجهزه)))
^^^^^
المحلات في امريكا تحصل عليها قبل , اما ربعك هنا مالهم وكيل معتمد كلهم مستوردين من مواقع النت , فلذلك تحصل العابهم غاليه واحيانا تتعدى ال300 ريال (30 دينار) مثل جران توريزمو عندنا , لكن ان بغيت اللعبه بسعر رخيص من الموقع نفسه اشحنها بالبريد العادي وبتوصلك بعد شهرين او ثلاثه وسعرها بيكون مرضي جدآ جدآ
بخصوص الجمله الشركه المصنعه ماترسل الى للمحلات الكبيره وهالمحلات الكبيره توزع على المحلات الصغيره , عندنا مافيه محلات كبيره كلها صغار الا ان كان المحل متعاقد مع مورد كبير في احد الدول الغربيه وهذا شي مستبعد
رد: (((خبر عاجل لأهل الكويت بخصوص العاب والاجهزه)))
اقتباس:
المشاركة الأصلية كتبت بواسطة kingx11
291 درهم اماراتي , 29 دينار , عرفت ليش الاسعار مرتفعه والالعاب تنزل بنفس الوقت مع تاريخ امريكا واليابان؟
عندنا في ابوظبي ما في اي تغييير في الاسعار ...,
اللعبه اذا كانت نازله يدية و في نفس اليوم يكون سعرها 210 ..,
و اذا كلمت شهر ينزل سعرها 190 درهم ..,
( اسعار مركز مدينة زايد ) :biggthump
رد: (((خبر عاجل لأهل الكويت بخصوص العاب والاجهزه)))
الاسعار الي حاطها..ولا امريكا تحطها...ميتل جير 12 دينار..مستحيل اكيد بيكون اغلى
رد: (((خبر عاجل لأهل الكويت بخصوص العاب والاجهزه)))
والله موضوع غريب شوي
على فكرة بما ان الموضوع لأهل الكويت
وين ألقى لعبة كول اوف ديوتي4 بالكويت ؟ بسعر معقول للاكس360 ؟
رد: (((خبر عاجل لأهل الكويت بخصوص العاب والاجهزه)))
حبيبي انت وياه , مشكلة التسع دنانير مو مشكلتنا , مشكلتنا هي ثبات سعر اللعبة على مدى الحياة سواء ان كانت قديمة او جديدة او غير مرغوبة , فهمتم الحين خاصتا انت ياا Kingx؟؟
رد: (((خبر عاجل لأهل الكويت بخصوص العاب والاجهزه)))
على حسب اسعار الالعاب الا وهي 60$
وعلى حسب بنك الكويت الوطني فأن الـ60$ = 16KD
وكذالك الـ16KD = 211RQ
اقتباس:
291 درهم اماراتي , 20 دينار , عرفت ليش الاسعار مرتفعه والالعاب تنزل بنفس الوقت مع تاريخ امريكا واليابان؟
Fixed
رد: (((خبر عاجل لأهل الكويت بخصوص العاب والاجهزه)))
اقتباس:
والله موضوع غريب شوي
اقتباس:
على فكرة بما ان الموضوع لأهل الكويت
وين ألقى لعبة كول اوف ديوتي4 بالكويت ؟ بسعر معقول للاكس360 ؟
انا شاريها بـ 19 دينار
من جيم ستيشن بالرحاب
اقتباس:
حبيبي انت وياه , مشكلة التسع دنانير مو مشكلتنا , مشكلتنا هي ثبات سعر اللعبة على مدى الحياة سواء ان كانت قديمة او جديدة او غير مرغوبة , فهمتم الحين خاصتا انت ياا Kingx؟؟
المشكله ان بأمريكا عندهم وكيل معتمد يرفع و يرخص الأسعار يعني إذا اللعبه قديمه ومو قويه راح يرخص بشكل كبير وإذا اللعبه قويه وجديده راح يكون سعرها طبيعي
اما عندنا ما في وكيل والمحلات يستوردونها وهي توها جديده وسعرها راح يكون طبيعي و بعد فتره ترخص بأمريكا والمشكله ان صاحب المحل ما يقدر يرخص سعرها لأنه شاريها غاليه وإذا رخصها راح يخسر فيها
عالعموم إذا الأسعار مو مناسبه تقدر تطلبها من بره مع اني ما اتوقع راح يفرق السعر بشكل كبير خصوصاً بعد حساب مصاريف الشحن
رد: (((خبر عاجل لأهل الكويت بخصوص العاب والاجهزه)))
اقتباس:
المشاركة الأصلية كتبت بواسطة محـ ss uae ـمد
عندنا في ابوظبي ما في اي تغييير في الاسعار ...,
اللعبه اذا كانت نازله يدية و في نفس اليوم يكون سعرها 210 ..,
و اذا كلمت شهر ينزل سعرها 190 درهم ..,
( اسعار مركز مدينة زايد ) :biggthump
يمكن لان عندكم مورد معتمد في دبي ويوزعها على المحلات بسعرها الحقيقي, عالعموم هذي اسعارنا الله ياخذهم ومحد فاضي يطق دبي ولا ابوظبي كل مانزلت لعبه عشان ياخذها :stickyman:
رد: (((خبر عاجل لأهل الكويت بخصوص العاب والاجهزه)))
شباب انا سألت صديقي كان يشتغل بمحل سنين وعرف نصبهم وانا الحين ابي احط الموضوع بالمجله بسبب ارتفاع الاسعار شنو حنا قاعدين على بنك
رد: (((خبر عاجل لأهل الكويت بخصوص العاب والاجهزه)))
السلام عليكم
أسعار الكويت تتأثر بالعرض و الطلب و إذا قيدت الأسعار فالخسارة أكبر على أصحاب المحلات
لك أن تنباع اللعبة 40 دينار في اليوم الأول فهني مصيبة إذا نزلت ميتل غيير فيها لعبتين بكم تنباع 50 دينار ؟
