موضوع للنقاش حول ارتفاع اسعار الالعاب!!

السلام عليكم ورحمة الله وبركاته

اخواني ابي اتكلم عن موضوع مهم جدا والكل عارف عنه
اللي اهيا عمليات نصب المحلات في بيع الالعاب
صارت الالعاب اسعارها خيالية والمحلات لا وراها لا حسيب ولا رقيب
والاعلام ماشاءالله عليه يعني مانع العاب الكوبي
ومخليا المحلات تسرح وتمرح باسعار الالعاب الاصلية
بعض الامثلة على هذي لعبة PES2008
وصل سعرها 45 دينار كويتي!!!!
واللي قاهرني اكثر امس كنت بمجمع الرحاب سألت عن لعبة Gran Turismo 5 Prologue
وطبعا تدرون كلكم ان اللعبة ديمو سالت جم سعرها قالي 28 دينار!!!
معقولة يعني لعبة ديمو توصل هالسعرعيل لو تنزل اللعبة كاملة جم يبون يبيعونها
طبعا انا ماقصرت بالمحل شخطته وقهرني يوم قالي ماتبي روح اشتر من محل ثاني
وطبعا كل المحلات متفقين مع بعض على سعر الالعاب يعني ماتحصل مكان يبيعلك بسعر معقول
الا لو كنت تعرف محل
طبعا هالمشكلة صايرة في ظل غياب الرقابة على الاسعار وبس همهم العاب الكوبي وناسين اللعب اللي صاير بالالعاب الاصلية
واكثر محل يستغل الناس معروف بالرحاب اللي اهوه جيم سنتر
بس ابي اعرف شغلة الغلط من البلدية او منا احنا اللي نشتري وماتهمنا هالشغلة
وفي بعض الاشخاص ينطرون تنزل سعر اللعبة وبعدين يشترون
يعني مافي رادع لهم يمنعهم من انهم يرفعون بسعر الالعاب
بالعكس اعتقد احنا اللي مخلينهم يلعبون بالاسعار دام ان احنا ساكتين
البعض منا موظف ويمكن يقط نص راتبة على الالعاب وعادي عنده لان هالشغلة هوايته
بس في اشخاص طلبة وياخذون مصروفهم من اهلهم يعني صعبة يشتري لعبة سعرها 45 دينار
واهوه حتى لعبة ب 20 دينار يمكن بالغصب يشتريها
تخيلو لو تنزل العاب مثل
Grand Theft Auto
Metal Gear 4
وغيرهم من الالعاب المعروفة شنو راح يسوون باسعارهم
يا انك تشتري منهم او تنطر لمن تنزل سعر اللعبة يعني هذا حل ؟؟؟؟
حبيت اتناقش بهالموضوع واشوف آرائكم او هل في حلول لهذي القضية اللي تمس شريحة كبيرة من الاشخاص
بانتظار ردودكم اخواني واسف على الاطالة

( اذا كان الموضوع مو بالقسم المخصص له اتمنى من المراقبين عدم اغلاق الموضوع بل نقله الى المكان الصحيح لان المراقبين هالايام مبدعين بهالسالفه :p )

المشكلة مو من أصحاب المحلات.. المشكلة من الناس اللي يشترون بهالأسعار.. ولا المحل التكلفة عليه وحده وماهو خسران لو يبيع اللعبه بـ16 دينار يطلع ربحان على الاقل 25% من قيمة اللعبة.. بس هذا طمع وجشع بعض التجار..

طيب ليه تتقيد بالقانون ضل مراقبة المحلات

أنت بنفسك نزل الألعاب من هل موقع www.gamestorrents.com
وشتريلك لستة أسطوانات DVD (يعني 50 أسطوانه بـ 55 ريال سعودي في جريري ) وأبدا لا تاخذ شركة روكو

وخلاص

و PS3 قريب تنحل مشكلة البلو راي

اقتباس:

---

المشاركة الأصلية كتبت بواسطة Uncharted81

المشكلة مو من أصحاب المحلات.. المشكلة من الناس اللي يشترون بهالأسعار.. ولا المحل التكلفة عليه وحده وماهو خسران لو يبيع اللعبه بـ16 دينار يطلع ربحان على الاقل 25% من قيمة اللعبة.. بس هذا طمع وجشع بعض التجار..

---

-فعلا .. لو الناس ما يدفعون هالمبالغ المحلات راح تضطر تخفض الاسعار .

-او احد يشتري مجموعه العاب من امزون و يبيعهم بأرباح منخفضه و هذا يجبر المحلات تخفض اسعارها .

ألعاب الـPS3 بالسعودية في حدود 220-250 ريال عند المحلات الكبرى . و لو أنك بتشتري الألعاب من النت مع سعر الشحن يطلع لك 300 ريال تقريباً. هذا عن السعودية و المحلات الكبيرة اللي تجيب الألعاب المتأخرة، لكن الكويت و محلات الجيمز (النصابة على حد تعبيركم) أكيد بتطلع أغلى.

اطلبوها من امازون ارخصلكم
انتو احسبوها و شوفو الارخص
ولا لا تشتروا من عندهم

وانا مع افرونينجا في النقطة الثانية

^
^
شيء متوقع لأن أجارات المحلات غالية جداً + موت السوق نظراً لقلة الألعاب + عدم وجود كوبي
أتوقع ميتل غير بتضرب 50 دينار و لكن في نفس الوقت الأسعار بشكل عام بـ18 تقريباً مثلكم بسعودية

اقتباس:

---

المشاركة الأصلية كتبت بواسطة LANCE VANCE

اطلبوها من امازون ارخصلكم
انتو احسبوها و شوفو الارخص
ولا لا تشتروا من عندهم

وانا مع افرونينجا في النقطة الثانية

---

أمازون ماعنده ألعاب يابانية

أمازون مع الشحن أكثر من 290 ريال، و بعض الألعاب موجودين بـ 220 ريال و الأغلب بـ 250 ريال. لكن الألعاب اللي عليهم هايب كبير زي Call of Duty & Assassin's Creed يجون 300 و بالراحة بعد. الله يخلي لنا التورنت عموماً.

تصدقون يوم رحت ماليزيا السيديات على 16 دينار عندهم :\ والله فرق بينا وبينهم

اقتباس:

---

المشاركة الأصلية كتبت بواسطة tobaid

تصدقون يوم رحت ماليزيا السيديات على 16 دينار عندهم :\ والله فرق بينا وبينهم

---

^^
بماليزيا كنت اشتري العاب ps2 كوبي بـــ 200 فلس

الرجال يقصد هنا العاب الـجيل الجديد وبالاخص PS3 فلا تدخلونا في العاب الـPS2 ... بصراحة اول امس واجهني موقف يوم اتصل علي احد الاصحاب طلب مني نصيحة على لعبة PS3 ممتازة ، ماترددت وقلت عليك باشارتد ياولد ، دار المحلات مالقاها الا العاب طوكيو .....عفوا نصاب طوكيو ، لقى عنده انشارتد .....بـ500 ريال !!!!!!!!! ايضا GT5 P لقاها بـ350 تقريبا -_- ! مايصير ! اذا البلدية فرضت ( في الكويت ) وستفرض ( في السعودية ) نظام منع الكوبي فهذا دليل على الوجه الحضاري للدولة ، لكن مهما كان امنعوا أصحاب الاوريجنال من الضرب الخيالي في الاسعار لاتتركوا لهم الحبل عالقارب .. نجي للطلب من (امازون\ايباي\بلاي اسيا ) فهو قد يكون صعب للبعض ، سواءا لعدم معرفته للطريقة او متطلبات الطريقة قد لايمكن يوفرها مثل حساب في البنك او بطاقات فيزا والماستر كارد ، يمكن تقول : ابوك\اخوك\عمك \ الوالدة (&) ... مو الكل يقدر هناك عقبات بسيطة في هذه النقطة

خساره على ايام الأولى اتشوف الغلاف عجيب على طول تاخذها بدينار ولا كأنا شي صار

السلام عليكم

عجبني طرحك للموضوع وخصوص وانت قاعد تتكلم عن مشكله كبيره والي اهي غلاء الاسعار وهل موضوع مو واقف على الالعاب وبس

وبخصوص المحلات والجشع ورفع اسعار الالعاب صراحه ماينلامون لان المحل اول ماتنزل لعبه بسوق وعليها طلب يرفع سعر 35 دينار وسبب ان في ناس يدفعون هل مبلغ بدون تكلفه وانت تدري ان ديرتنه ديرة خير ونعمه الحمدالله فاتلاقي المحلات يستفيدون من هل اقليه من ناس وبعدين لمن يقل طلب على لعبه يرد سعره طبيعي

يعني انت حط نفسك مكان احد هل محلات اكيد تبي تسفيد طالما ان في ناس يشترون في هل مبلغ ليش انزل سعر لعبه والعيب مو في المحلات العيب في البلدية ولجنة حماية المستهلك ولو شباب يتفقون انهم مايشترون في هل مبلغ اكيد ان اصحاب المحلات عمرهم مايفكرون يبيعون في هل سعر

وتسلم على هل موضوع

السلام عليكم
يا اخي لما تزاول التجارة سيكون هذه الفئة من الناس احب اليك بكثير من الباقي .....ليش ما في شجار و مناقشة على سعر و لاشي تبيع بفايدة اكبر
و دون عناء....بمعنى هم يمثلون 50 بالمائة من ربحهم في وقت قصير مقابل 50 بالمائة مع الباقي اصحاب المناقشة و وووو في الاسعار....
على العموم في الجزائر ما في اصلي تماما ليش لان الاصلي لا احد يستطيع ان يشتريه فهو نصف شهرية عامل .....
القرص في الجزائر = 150 دينار جزائري=5 ريال سعودي =1.5 اورو ^^ بس نحن مع التورنت افضل