Remora

السلام عليكم

قد تكون المشاركة الاولى لكن كنت اتابع في بين فترة و فترة ما يكتب في الموقع خصوصا كنت متابع لاخوانا العرب في و اشوف احوالهم في السيرفرات الثانية في ffxi. طبعا انا في سيرفر remora لما بدينا كان قليلين العرب الموجودين مقارنه ب behamut و ragnarok ... لكن بعد امكانية تحويل السيرفرات شباب عرب كثيرين انتقولوا لسرفر remora طبعا كانت فرصة سعيدة نتعرف على شباب من الكويت و السعودية لدرجة في لنكشل كامل انتقل من ragnarok ل remora.

طبعا الي خلاني اكتب هذا الموضوع اني شفت شباب انتقلوا السرفر جالسين لوحدهم و يبون لنشك عربي و مش عارفين شو يسوون او من منو يطلبون المساعدة المهم في اكثر من لنكشل عربي في السرفر الي يبي مساعدة يطرش لي مسج ان شاء الله اذا قدرت اساعد بساعد و اذا ما قدرت ادله على الي بساعده كثير من الشباب العرب ربعي و ما بقصرون وياكم و الي يبي ليمبس او سكاي حاضرين للطيبين.


اخوكم mojahid
من الامارات

blm smn rdm blu bard 75

السلام عليكم ^^

همم اوكي حكايه الانتقالات من السيرفرات شاغله المنتدى

وفي كل سيرفر في مغريات

انا دحين في سيرفر fairy وبصراحه مرتاحه مع انو اغلب العرب الي فيه نقلو وحاسه بصعوبه في اللعب لوحدي بس برضو ابسط نفسي مع شويه مساعدات << نوب :P

همم احتمال لو نقلت انقل لسيرفر راجناروك

وانتا دحين تقول الناس نقلت من راجناروك وراحت سيرفر ريمورا

حيرتونا ><

ههههههههههه صدتك

منوره :) محل ما تحلين يالغاليه

اقتباس:

---

المشاركة الأصلية كتبت بواسطة ya.naso

السلام عليكم ^^

همم اوكي حكايه الانتقالات من السيرفرات شاغله المنتدى

وفي كل سيرفر في مغريات

انا دحين في سيرفر fairy وبصراحه مرتاحه مع انو اغلب العرب الي فيه نقلو وحاسه بصعوبه في اللعب لوحدي بس برضو ابسط نفسي مع شويه مساعدات << نوب :P

همم احتمال لو نقلت انقل لسيرفر راجناروك

وانتا دحين تقول الناس نقلت من راجناروك وراحت سيرفر ريمورا

حيرتونا ><

---

Node
(Found it)

مشكورين شباب على المرور

الحمدالله في شباب طرشولي مسج في اللعبة و انضم لربعنا في اللنكشل، ان شاء الله يستانسون وياهم ، في كثيرين شباب فيهم الخير و البركة و يساعدون و ما ينمل اللعب وياهم ...

ya.naso

في بنات خليجيات في السيرفر معانا و ما بقصرون وياج ان كنت معانا او مع غيرنا الله يوفقج و الي يبي يتونس في اللعبة يدور على اصدقاء و ربع يقدر يسوي وياهم events .

نحن ما عدنا hnmls عربي عشان صراحة محتاج وقت طويل و ناس تعمل كامب 24 ساعة فالافضل ندخل مع اجانب لكن العرب عدنا يعملون دينامس و لمبس و salvage و سكاي ... أنا في limbus ls الشهر الماضي سوينا اوميغا كل اسبوع .

حياكم

السلام عليكم ورحمة الله وبركاته ....
اخواني مستخدمين سيرفر remora انا لاعب جديد للعبة بشخصية Kalid وشفت بعض الاخوان العرب في اللعبة وكنت اتحدث معاهم فكرة اللينكشيل العربية فكرة ممتازة واحيها وانا نفسي انضم اليكم فاذا ممكن واحد يعطيني اللينكشيل بيرل وكمان اخي الكبير مشترك باللعبة باسم Esam اذا ممكن تكلموه .... وبعدين انا جديد يعني جديييييييد ونفسي اسوي البروميس عشان السمنر عندي WAR40 - DRK33 - BLM,DRG,MNK25 - WHM23 - THF15 - SMN,RDM1
انشاءالله اشوفكم في اللعبة

اقتباس:

---

المشاركة الأصلية كتبت بواسطة gekko

Node
(Found it)

---

فضايح يالطيف XD

همم مين انتا ؟

اقتباس:

---

المشاركة الأصلية كتبت بواسطة Broodex

ههههههههههه صدتك

منوره :) محل ما تحلين يالغاليه

---

لول

اهلين استاذ برودكس ^^

اصلا من اول ماسكه نفسي عن التسجيل

بس كل يوم دعايات للسيرفرات ومغريات قولت لازم اسجل ^.^

الله يعين

هممم mojahed طيب يعني تقريبا في كم واحد عربي في السيرفر ؟ وكلهم في لينك شيل واحد ولا لاءه ؟

شكرا ^^

السلام عليكم ورحمة الله

اشكرك اخوي على الموضوع.... الله يرحم والديك ويجزيك خير على نياتك

انا ياخوي عندي كلام كثير ما اعرف كيف اختصره, لكن بقول اللي اقدر و الله يجيب فالي فيه صالح ان شاء الله, بحاول اختصر...
انا الله يسلمك كنت مع ربعي في سيرفر Kujata. واحد من ربعنا تعرف على واحد من الشباب (بدون ذكر اسامي) وكلمه ان يجي Remora, هذا الي كلمه واحد هم جا Remora من فترة, طيب ... الرجال هذا قال حق رفيجي تعال Remora احنا راح نضبطك etc... ونسوي LS End Game الى آخره. رفيجي وافق وقلنا دام ان اوقاته جيده, خلنا نتوكل. لكن, مع الوقت ما ارتحنا فيه والسبة لأن (س) من الناس مايعرفون السنع ومايحسنون التعامل. فلاعت شبودنا وطلعوا ربعي من LS
.... فالمهم احنا قررنا نسوي LS End Game, تونا بدينا فيه, لكن ان شاء الله مع الوقت الله ييسر ويكتب فالي فيه الخير ان شاء الله...
على كلن انا ان شاء الله راح ادزلك /tell ياخوي, قراتي للموضوع مالك ريحتني, فإن شاء الله متى فضيت راح اكلمك (لأني مشغول بدوام الكليه)
في امان الله وسامحوني اذا غلط على احد ...

مع السلامه

ياحبي لك يا رانجاروك

اقتباس:

---

المشاركة الأصلية كتبت بواسطة starak

ياحبي لك يا رانجاروك

---

وععع

المشكله الحراميه في كل مكان مو بس راجناروك او ريمورا

وإذا تبون نصيحتي أدخلوا لينك شيل اوروبي افضلكم

الليدر الأسبانبه تبي mnk head من داينمس كساراباد وطاح مرتين بس ماتقدر تسوي لوت لاإن ماعندها بوينت

والليدر العربي اللي ايام راجناروك حصل جميع دروبات سكاي والله كلها في اقل من شهر ونص كلهــــــا

B.haidate , heca body , shura body , kirin osode < = == = هذولي الحالهم يكفون

اقتباس:

---

اللي ايام راجناروك حصل جميع دروبات سكاي والله كلها في اقل من شهر ونص كلهــــــا

---

خلاص هذا يكفي في راجناروك


وبعدين من قال انه شين والله انه ممتاز

بس انتو العرب تفكرون انه سئ لان اكثره عرب وماخذين فكره ان العرب ما ينتخاوون

المشكله الواحد يتحمل غلطه الاجنبي وما يتحمل غلطه العربي !!!

وبعدين شباب هنا بالمنتدى جو من سيرفرات ثانيه بيشوفون راجناروك وبعدها عرفو ان سيرفنا افضل

السيرفرات كلها اوكي وكلها ممتازه ما عدا سيرفر Asura اخوياي هناك يقولون اذا انت مخك نظيف

وعندك ارمور صاحي تعال عندنا غيره لا تجي المشكله كلهم محترفين واغلبهم يسوي سولو لوحوش

احنا في سيرفرنا نسوي لها بارتي كامل وبالعافيه وابسطها O-hat NM عندهم ثلاثه بس يطيحه



بالعربي كل سيرفر له حسناته وله سيئاته

حبيبي
حنا والايطاليين طينتنا وحده
بس هم احسن شوي هههههه

اما بالنسبه للسيرفرات ووين الزين؟

انا كنت بفيري ولي الحين ثلاث شهور بروجناروك
عايش ملك نفسي
انا يهمني السيرفر اللي يملك سيوله وسوق قوي
وروجناروك متوفره فيه هذي الميزه
اما موضوع اللنك شيل العربي
اذا ضبطت النفوس و "حب لأخيك ماتحب لنفسك" وقتها عطوني خبر
انا حاليا لا انتمي لأي لنك شيل عربي مع الاحترام والتقدير لروتانا ماشفت منهم الا كل خير لكن انا انسان مزاجي نوعا ما فسويت لنك شيل خاص فيني وبعض الربع اللي يحبون فكرة التجارب سواء سولو او الفارمينج جيل وايتمز، نروح لصارت الطلعه مدروسه ووراها مكسب والحمدلله طلعاتنا لحد الحين موفقه
هذا غير كم حلو جاينا من فيري معجبته فكرتي^^ وفيه واحد قدييييييييييييم توه مكلمني يقول بجي لكن جدد شخصيتي وانقلها على حسابك قلت تم^^
اما الافينتات كل واحد ويشوف "مصلحتو فين"
والايتمات الصعبه ماني عجل او حريص عليها تجي متى ماتجي
اهم شي ينتهي "يومي الفاينلي" وانا فااااااااااااااااااااااااااال الحجاج

السلام عليكم

مشكورين شباب على المرور و على ارائكم الطيبة

فكرة الموضوع من الاساس اني اساعد الشباب الي انتقلوا يديد السيرفر عندنا و ماعندهم اصدقاء و ربع حتى لو انهم ما يدشون معانا اللنكش يكفيني صداقاتهم لان هذي اساس اللعب الاونلاين انك تلعب و تتعاون و تكون صداقات...

اخوي Storm016 دزلي مسج في اللعبة خلني اتعرف عليك و فالك طيب انته و اخوك فوق راسي اذا شفت شخصيتي موجودة كلمني و انا مارديت يمكن ولد عمي يستخدمه او زوجتي المشكلة اني اتواجد في اللعبة اخر الاسبوع هذي الايام تعرف شغل ودوام لكن من الاسبوع الياي ان شاء الله بكون موجود معظم الاوقات ...

اختي ya.naso الشباب العرب كثيرين 50 و اكثر هذيلا الي اعرفهم و الي ماعرفهم اكثر تعرفين مب كل العرب مرحبانيين في ناس عافان الله حتى سلام ما تسلم و تكلم من ورا خاطرها تقولي سارق مال ابوه لوول بس صراحة معظم الشباب و النعم فيهم و عن سؤالج هم متفرقين كل مجوعة لها لنكشل بس في مجموعة كبيرة من العرب منهم الزين و الشين مثل ما قالوا الاخوان يكفي اقولج انا و عيال عمي و ربعنا في الفريج تقريبا 15 و زود بس قرايبي غير الشباب الي تعرفنا عليهم و زرناهم و صاروا اكثر من الاخوان

KRDZ2001 تشرفني معرفتك و خلنا نشوفك و نكلمك و عن end game ls الله يعينكم خصوصا اذا ناوين على hnml لان ATG و LB ماكلين الجو كل لنكشل 60 عضو و اكثر انا عضو سابق في ATG و مازال اسمي موجود عندهم على امل ارجع في يوم لهم بس تعرف الشغل و الاهل و كامبينغ 24 ساعة عوار راس المهم اخوي ان بغيت شي و ان مابغيت يكفيني و يشرفني معرفتك.

Angel Of Night اخوي الحرامية في كل سيرفر انا كنت في لنكشل ياباني عجيب تعلمت كثير اشيا وياهم كان اقوى لنكشل ياباني في السرفر الليدر كان عنده مات كاب في يوم اختفى بعد ما فتحوا الانتقالات تخيل شو صار بعدها اختفت الفلوس و النقاط الي ميمعنها الحرامية كل مكان ان كان ياباني و لا انجليزي و لا حتى عربي الاهم ان تدور ناس و شباب ربع سنعين و بالعكس اول لنكشل دخلته كان لنكشل عربي الليدر اسمه mijin اتذكر لما سوينا اول كرين قبل 3 سنوات لوول:D هذا الليدر عربي وربي اخلاق و لعب ما يعمل ابدا لوت على الدروب و يجدم الناس عليه و هو عنده نقاط و لعيب يعمل تانك حق cerbrus و tiamat بال redmage ما في مشاكل بعد ما انكسر اللنك شل العربي صار ليدر في لنكشل ياباني هذا نوع من الشباب العرب الي الواحد يفتخر فيهم ....

starak مثل ما تقول اخوي كل سيرفر له محاسن مساوئ انا الي اخليني في رمورا عيال عمي و ربعي ما تخيل اسير سيرفر ثاني و ماعندي ربع اصلا انا ما اعيش و ما اعرف العب بروحي حتى عيال عمي يعصبون مني انا معظم و قتي شات لوول فاقد التركيز حتى و انا تحت khamira تشوفني قاعد اسولف فاضيع Stun تشوف الجماعة كلهم paralyze :blackeye: و الاجانب سب فيني لوووول :biggthump اهم شي الوناسه ....

Broodex اخوي احلى شي لما يكون معاك شباب و ربع ان كانوا عرب او اجانب متفاهمين و مب طماعين و عندهم عزيمة انهم يعملون معاك events بارتي صغير من 2 او 3 لاعبين ممكن يسون اشيا كثيرة مثل assault و ENM اهم شي الواحد يكون عنده عزيمة ترا الاجانب مب احسن عنا بس هم يعرفون يقرون انجليزي لوول :silly: و ناس فاضية ماعندهم اهمية للوقت و العائلة تحصلهم طول الوقت في اللعبة اتذكر لما طلعنا Absolut Virtual قعدوني من 11 المسا لين 4 الفجر :squint: تخيل 5 ساعات تضرب فيه مافي فايدة غير الداون لفل لوول

تحياتي..

اقتباس:

---

المشاركة الأصلية كتبت بواسطة Angel Of Night

وععع

المشكله الحراميه في كل مكان مو بس راجناروك او ريمورا

وإذا تبون نصيحتي أدخلوا لينك شيل اوروبي افضلكم

الليدر الأسبانبه تبي mnk head من داينمس كساراباد وطاح مرتين بس ماتقدر تسوي لوت لاإن ماعندها بوينت

والليدر العربي اللي ايام راجناروك حصل جميع دروبات سكاي والله كلها في اقل من شهر ونص كلهــــــا

B.haidate , heca body , shura body , kirin osode < = == = هذولي الحالهم يكفون

---

هلا Swordman.. شخبارك عقب ما صار بريك للنكشل؟ وين رحت ووين ييت والله من زمان ما شفتك.

انا اعرف منو الليدر الي تقصده.. لانه ما ظن انت كنت في لينكشل غير لينكشله هو. والله مب ياي ادافع عنه ولا شي، ولكن انتو تتكلمون عن الريّال بهالطريقة يوم الغلط كان منكم. أنا دخلت اللنكشل "for fun" وشفت الي صاير هناك. الريال هذه شخصيته الثانية وانته اعلم مني باللي كان عنده في الشخصية اليديدة، ليش قبل قبلت فيه كـ Leader؟.. كان محتاج مساعدة عشان يصير ليدر وانتو ما قلتوا لأ. المصيبة هني وين؟ 1) انه انتو كنتوا كاتبين في منتدى اللنكشل انه "Let's pimp our leader first so we look good !" وهالغلطة كانت من صوبكم، فلا تلوم الريال على اخطائك.. محد قالكم تقبلون بهالشي لانه مثل ما اتذكر كانوا حاطينه كتصويت ومعظمكم كانوا مستانسين وعاجبتهم السالفة. 2) أظن انته بروحك لاحظت اني انا بنفسي (مع انه الليدر ربيعي +1) ما تحملت الطريقة الي يعامل الmembers فيها، وين انتو؟ ومع هذا محد فيكم نطق. أنا من اول يوم وقلت رايي بصراحة، بس واحد الله يستر عليه كان يدافع عنه وكأنه هالليدر بيعطيه شي عشان هالسالفة.

على العموم ما حبيت الطريقة الي تكلمت فيها يا Swordman، ما توقعت الكلام ايي منك انت.. انتو تشوفون انه العرب ما يعرفون شي وهذه حركاتهم لكن معظم الأخطاء هي منكم ومب من الليدر بس.. فـ شوف لك ليدر مثل الناس قبل ما تحكم بأنه العرب جذي و"الليدر الاسباني ما يبي شي الا mnk head وسواله pass"

اقتباس:

---

المشاركة الأصلية كتبت بواسطة Broodex

حبيبي
حنا والايطاليين طينتنا وحده
بس هم احسن شوي هههههه

اما بالنسبه للسيرفرات ووين الزين؟

انا كنت بفيري ولي الحين ثلاث شهور بروجناروك
عايش ملك نفسي
انا يهمني السيرفر اللي يملك سيوله وسوق قوي
وروجناروك متوفره فيه هذي الميزه
اما موضوع اللنك شيل العربي
اذا ضبطت النفوس و "حب لأخيك ماتحب لنفسك" وقتها عطوني خبر
انا حاليا لا انتمي لأي لنك شيل عربي مع الاحترام والتقدير لروتانا ماشفت منهم الا كل خير لكن انا انسان مزاجي نوعا ما فسويت لنك شيل خاص فيني وبعض الربع اللي يحبون فكرة التجارب سواء سولو او الفارمينج جيل وايتمز، نروح لصارت الطلعه مدروسه ووراها مكسب والحمدلله طلعاتنا لحد الحين موفقه
هذا غير كم حلو جاينا من فيري معجبته فكرتي^^ وفيه واحد قدييييييييييييم توه مكلمني يقول بجي لكن جدد شخصيتي وانقلها على حسابك قلت تم^^
اما الافينتات كل واحد ويشوف "مصلحتو فين"
والايتمات الصعبه ماني عجل او حريص عليها تجي متى ماتجي
اهم شي ينتهي "يومي الفاينلي" وانا فااااااااااااااااااااااااااال الحجاج

---

تراني انا ادمان فارم لو يخيروني بين بارتي او فارم اختار فارم
اذا عندكم لي وظيفه شاغره باللينك شيل قول لي xD