~|آ| الموضوع الرئيسي للأسئلة والاستفسارات BURNOUT Paradise |آ|~

توني مستلم اللعبه قبل اربع ساعات انا سويت لها بري اوردر اول ما جربت الديمو لان اللعبه فل ابشن .

التقيم رأي شخصي بعد ما جربت اللعبه .

الجرافيك : رهيييب بالنسبه لالعاب السياره , النحطيم ما في لعبه سيارات وصلت لمستوى هاللعبه . متعوب على اللعبه بجد .

الاصوات : السيارات اصواتهم رهيبه تحس انك تسوق سياره حقيقه , بس المشكله في الاغاني اللي حاطينها احس لو مخليني اللعبه بدون الاغاني اللي مستخدمنهم احسن .

القصه : :D ... وش تبغى ؟؟؟ اللعبه ما فيها قصه علطول تبدى بسياره و روح فحط على كيفك . بس ما يهم لعبه سيارات مو مهمه فيها القصه و لا يأثر اصلا على العاب السيارات .

المتعه : صراحه انا اول ما جربت الديمو حسيت اني العب درايفر 1 التحكم في السيارات رهيب و الخريطه كبيره صراحه و فيه حاجات وايد تسويها في الاوف لاين و كل شئ بحق طبعا في مهام تسويها تعطيك سياره و فيه منهم عليك العوض ما تعطيك شئ. اول ما تدخل اللعبه يعطزك رخصه مبتدا و شوي شوي مع المهمات تزيد زي شغلت اللفلات في الاربيجي .
طلعت تقريبا 3 سيارات احلى شئ اول وحده الكافلري يمكن لاني تعود عليها من الديمو .<<< هي احسن سياره إذا تبغى تفقع سيارة خويك . الزبده اللعبه كبيره و مهماتها اكثر = عمر طويل = متعه اكثر .

الاون لاين : احسن شئ في اللعبه تقدر تهيا سباق للجماعه اللي وياك تقدر تسوي تحديات زحمه انت و اصاحبك . تقدر تسرع 220 و تفقع سياره خويك takendown ههههههههه احلى شئ . تقدر تشبك لحد 8 في اللعبه

تقييمي العام للعبه 9.4 حق محبين السيارات ما تتفوت اللعبه جامده بس عيبها الوحيد الاغاني البايخه . هو صحيح تقدر تكتم الصوت لو حبيت بس تضل المفروض الاغاني يهتموا بها او ينوعوا الاغاني علشان الاذواق يعني احس ان كل الاغاني واحد مختارنهم على ذوقه .

إذا بتخلوه الموضوع الرسمي للعبه غيروا عنوانه .
اللي يحبوا العاب السيارات ترى اللعبه ما تتفوت . <<< خصوصا اللي يحبوا نيد فور سبيد مع الحين ما في وجه مقارنه بورن اوت اكلتها اكال .
كل واحد يكتب تقييمه عن اللعبه .
و اللي عنده اي سؤال عن اللعبه يسئل .
و اسمحوا لنا على إذا في اي خطا .

انا لعبت الديمو الصراحة اللعبة واضحة جدا وحتى الديمو فيه اونلاين واللعبة تستاهل :D
بس طبعا بالنسبة لي افضل GT 5 القادمة

أممم..احس انه هذا اول جزء تلعبه لسلسلة بورن اوت .. مو جذي؟
حسب تعليقاتك

اقتباس:

---

تقدر تسرع 220 و تفقع سياره خويك takendown ههههههههه احلى شئ

---

+

اقتباس:

---

النحطيم ما في لعبه سيارات وصلت لمستوى هاللعبه

---

أهو السرعه فيه بعد الى 400 بعد ..بس لما تطلع سيارات جديده اكثر واقوى مع الوقت..
طبعا التابعه للسرعه ..لأنه السيارات التابعه لشلة كافلري تتميز بالتحطيم وقوة تحمل الصدمات..ولكن ضعيفه نسبيا مقارنه بسيارات التابعه للسرعه .. وهكذا اهم السيارات مقسمين الى 3 مجموعات " البهلوانيه والحركات , قوة تحمل الصدمات , السرعه "
اما بخصوص التحطيم..هذا شي معروف.. هالسلسله من اول جزء وهي المسيطره في مجال تحطيم
ولي يومك اللعبة للحين مسيطره وفيها افضل فيزيكس في تحطيم السيارات :D

بخصوص المقارنه بين نيد فور سبيد .. اهو اصلا ما يتقارن لأنه نظام اللعبتين مختلف
ما اقصد بالrace قيم لكن بشكل ادق بورن اوت لعبة arade racer

anyways, enjoy ur game :D
انا بشتريها لما تنزل الكويت انشاءلله.. يوم الخميس او السبت أكيد ..

عندي اسئله بخصوص اللعبه :-

1- هل تدعم اللعبه اللعب الثنائي ( شاشه مقسمه ) اكيد فاهمين علي...
2- هل هي مشابهه لنيد فور سبيد تلعب في مدينه وتدور على سباقات , ام انها فقط سباقات لا غير

انا جربت الديمو و الله اللعبه في قمة الابداع حتي الوالده قامت تلعبها :biggthump
انا راح اشتريها بس متي راح تنزل بكويت

اقتباس:

---

المشاركة الأصلية كتبت بواسطة SUPER HUNTER

انا لعبت الديمو الصراحة اللعبة واضحة جدا وحتى الديمو فيه اونلاين واللعبة تستاهل :D
بس طبعا بالنسبة لي افضل GT 5 القادمة

---

اللعبه جباره و انا ما بقارن اللعبه بـ GT يمكن اقارنها ب need 4 speed اقرب لها .
فرق كبير بين نظام اللعب في الجي تي و بورن اوت .

اقتباس:

---

المشاركة الأصلية كتبت بواسطة FARES360

أممم..احس انه هذا اول جزء تلعبه لسلسلة بورن اوت .. مو جذي؟
حسب تعليقاتك

+

أهو السرعه فيه بعد الى 400 بعد ..بس لما تطلع سيارات جديده اكثر واقوى مع الوقت..
طبعا التابعه للسرعه ..لأنه السيارات التابعه لشلة كافلري تتميز بالتحطيم وقوة تحمل الصدمات..ولكن ضعيفه نسبيا مقارنه بسيارات التابعه للسرعه .. وهكذا اهم السيارات مقسمين الى 3 مجموعات " البهلوانيه والحركات , قوة تحمل الصدمات , السرعه "
اما بخصوص التحطيم..هذا شي معروف.. هالسلسله من اول جزء وهي المسيطره في مجال تحطيم
ولي يومك اللعبة للحين مسيطره وفيها افضل فيزيكس في تحطيم السيارات :D

بخصوص المقارنه بين نيد فور سبيد .. اهو اصلا ما يتقارن لأنه نظام اللعبتين مختلف
ما اقصد بالrace قيم لكن بشكل ادق بورن اوت لعبة arade racer

anyways, enjoy ur game :D
انا بشتريها لما تنزل الكويت انشاءلله.. يوم الخميس او السبت أكيد ..

---

لول على السرعه يعني اقولك تقدر تسرع سرعه رهيبه و لا اصلا ما في عداد سرعه في اللعبه بس لو بقيس السرعه مع التيربو في اللعبه مو توصل 400 بس إلا 1000 توصل .

و هذا اول جزء العبه لاني كنت ما حب هالسلسله كنت غاسل اليد منها نيد فور سبيد ماخذه العقل بس الحين نسيت طوايف النيد فور سبيد .
و مشكور على المحاضره الحلوه فارس

اقتباس:

---

المشاركة الأصلية كتبت بواسطة antero_4u

عندي اسئله بخصوص اللعبه :-

1- هل تدعم اللعبه اللعب الثنائي ( شاشه مقسمه ) اكيد فاهمين علي...
2- هل هي مشابهه لنيد فور سبيد تلعب في مدينه وتدور على سباقات , ام انها فقط سباقات لا غير

---

1- لا ما فيها بس إذا عندك نت قوي يكفي الاون لاين فيها تقدر تشبك ويا 8 من اصحابك .
2- اللعبه تقريبا تشبه need4speed most wanted و نفس الشى تدور على سباقات .

اقتباس:

---

انا جربت الديمو و الله اللعبه في قمة الابداع حتي الوالده قامت تلعبها :biggthump
انا راح اشتريها بس متي راح تنزل بكويت

---

ههههههههههه اللعبه زي ما قلت فللل اوبشن . :biggthump

هذا الجزء الوحيد من برن اوت اللي وضعتك في مدينة مفتوحة ، وانت بنفسك تذهب للسباق ، بعكس الاجزاء السابقة تختار السباق من المنيو و Here We GO ! بالنسبة للانماط السباقات هل مازالت نفسها ؟ لا اذكرهم بالتحديد لكن اذكر طور ( مينياك ) المفضل لدي " لازم تمشي في الجهة الخاطئة للشارع باكبر سرعة ممكنة (&) ! " وغيرها من الاطوار الثانية
بما انكم ستحولونة للموضوع الرسمي ... فلازم معلومات عن اللعبة تضاف ، بسم الله

-----------------------------------------------------------

http://ps2media.ign.com/ps2/image/ob...oxart_160w.jpghttp://ps2media.ign.com/ps2/image/ob...oxart_160w.jpg
اسم اللعبة : Burnout Paradise
الناشر : EA
المطور : Criterion Games <-- انتج : سلسلة برن اوت والرائعه BLACK ...
تاريخ الاصدار :
شمال امريكا: January 22, 2008
اوروبا ( الخليج ) : January 25, 2008
صدرت على : PS3 \ Xbox360
التقييم العمري : E+10
تقييم IGN لنسخة الـPS3 : اعطاها 8.8 / 10 Great وهذه مراجعه الموقع لها
يتعبر هذا الجزء هو الخامس في السلسلة ....بعد برن اوت 1 / 2 / 3 وجزء الدومنيتر وجزء الـ.........آآآآآ .........نسيته (&) !تحرير : ايوه ...جزء الريفينج .

عرض جيمبلاي

عرض اخر ( كواليتي اقل لكن لقطات افضل )


-----------------------------------------------

وعذروني عالقصور ...

مشكور اخوي شادو على المعلومات .

بالنسبه للاطوار ما اقدر اجوابك لاني ما لعبت ولا جزء من قبل .


للحين طلعت 20 سياره واحسن وحده فيهم كالفري

اقتباس:

---

المشاركة الأصلية كتبت بواسطة socodo

مشكور اخوي شادو على المعلومات .

بالنسبه للاطوار ما اقدر اجوابك لاني ما لعبت ولا جزء من قبل .


للحين طلعت 20 سياره واحسن وحده فيهم كالفري

---

كيف تقدر تطلع السيارات ..

اقتباس:

---

المشاركة الأصلية كتبت بواسطة mashaa

كيف تقدر تطلع السيارات ..

---

في الخريطه في نقاط حمر و برتقاليين و زرق شيك عليهم في منهم سباق في منهم markedman يقول لك روح لنقطه و سيارات تلحق تبي تفقعك و في طور takendown احسن طور يبغاك تفقع عدد معين من السيارات . كل ما تخلصهم بعد فتره يقولك ترى طلعت لك سياره و تحصلها في junkyard . و من كل سياره تقدر تطلع سياره ثانيه لما تاخذ السياره يطلع لك طور خاص للسياره نفسها تخلص و علطول يعطيك سياره تقريبا نفس مواصافتها .

ان شاء الله اكون ساعدتك .

ادعوا لي عقب الامتحانات اشتري اللعبة

لكن تصدقون انا مع ذي اللعبة من الجزء الثاني

يعني عارفها زي اسمي

و شكرا لصاحب الموضوع

اقتباس:

---

المشاركة الأصلية كتبت بواسطة socodo

في الخريطه في نقاط حمر و برتقاليين و زرق شيك عليهم في منهم سباق في منهم markedman يقول لك روح لنقطه و سيارات تلحق تبي تفقعك و في طور takendown احسن طور يبغاك تفقع عدد معين من السيارات . كل ما تخلصهم بعد فتره يقولك ترى طلعت لك سياره و تحصلها في junkyard . و من كل سياره تقدر تطلع سياره ثانيه لما تاخذ السياره يطلع لك طور خاص للسياره نفسها تخلص و علطول يعطيك سياره تقريبا نفس مواصافتها .

ان شاء الله اكون ساعدتك .

---

شكرااا:biggthump

اقتباس:

---

شكرااا

---

عفوا ..

الظاهر ماحد شرى نسخه البلايستيشن إلا انا :p

زين للي شروا اللعبه .. علشان يتحرك الموضوع شوي .

كم takedown عندك للحين ؟

كم مره فزت بسباقات الاون لاين ؟


انا عندي تقريبا 2000 takendown

دخلت تقريبا 49 سباق فزت في 16 او 17 مانا متاكد بس اعده انجاز لاني ما احب السباق خصوصا إذا صار لاق .

للحين السياره المفضله هي اوفال كافلري حق التفقيع بس و سياره gt concept حق السباقات .
و إذا صار التفقيع حااار اخذ GT steel wheel <<<< السياره هذي جباره صحيح التحكم فيها صعب مره و يزهق بس إذا تجي مع سياره ويه بويه 100 takendown لك . تقول دبابه مو سياره . :p

يالله يا جماعه اللي اخذ النسخه سواء بلايسيشن او اكس بوكس حركوا الموضوع شوي .