بعد انهائي لكل الالعاب قبل نزول الاسطوره عشان اتفرغ لها عدل:biggthumpوشربي للشاي الانجليزي:32:قررت اعطيكم انطباعي عن الالعاب الثلاث اللي ختمتهم وهم:
1-تايم شيفت
2-بلاك اريا
3-ذا اورانج بوكس(هالف لايف2)
تايم شيفت
تايم شيفت لعبه اذهلتني وصدمتني بنفس الوقت وردت رد قاسي على كل من وصفها بالفشل بلعب الديمو حقها الصراحه من بعد ماجربت الديمو نفس الشعور كانت لعبه عاديه بالنسبه لي بس قلت العبها كامله واشوف ولما لعبتها بداية اللعبه يهربونك بين البيوت الصراحه اندمجت مع اللعبه لدرجة انه اذا طلعتلي شغله ضروريه على طول اروح اخلصها وارجعلها;)اسلوب اللعب جميل ويشجعك انك تكمل اللعبه للنهايه ودك تعرف شنو يصير اخر شي :wow:رمي الاعداء مع ابطاء الوقت ميزه رائعه باللعبه والجرافيكس رووووعه على قولة فهد العتيبي ياروعتك يامانشستر ياروعتك يالجرافيكس:biggthumpمراحل اللعبه اكثر من ممتازه مره بين البيوت ومره بالثلج وبين المعسكرات ومره بالغابه يعني تعيش اجواء اكثر من رائعه باللعبه مع استعمال البقي لتكملة مشوارك لانهاء اللعبه:biggthump
اسلوب اللعب:اكثر من رائع واعطيه 9-10
الجرافيكس:ياروعتك يالجرافيكس 10-10
الاصوات: ممتازه وتستاهل 8-10
عمر اللعبه:بين 9و12ساعه على حسب الاماكن اللي تتوهق فيها
كلمه اخيره:لعشاق العاب الشوتر انصحهم باقتناء هذه اللعبه وحتى لو خلصوها فيها اونلاين بس انا ماجربته انتوا جربوه وان شاء الله يعجبكم;)
-------------------
بلاك اريا
للاسف لعبه مخيبه للامال بعد ماتوقعت انها بتكون من اقوى الالعاب طلعت لعبه عاديه جدا وخلصناها انا ورفيجي ب8ساعات وتكرار بالمراحل بشكل رهيب بس احسن مافيها المرحله الاولى والباقي:smashfreakB:لعبناها تقزيره بس هو مرحله وانا مرحله :AR15firing:
اسلوب اللعب:للاسف بايخ وتكرار بشكل رهيب3-10
الجرافيكس:لا بأس 5-10
الاصوات عاديه جدا 4-10
عمر اللعبه:جيد بين 8و9ساعات
كلمه اخيره:اللعبه حدها كوبي ولحد يجربها الا اذا كان زهقان وماعنده ولا لعبه يلعبها:28:
------------------
ذا اورانج بوكس
رحله طويييييييله قضيتها مع صندوق البرتغال لعبه اوصل فيها واوصل واوصل ومن كثر ماوصلت قمت اشك انه مالها نهايه:lmao:لعبه رائعه بس ماينفع تلعبها اذا عندك ضغط العاب هذه خلها على صوب واذا نهيت كل العابك ومافيه ولا لعبه تنزل اسبوعين قدام العبها لانه يبيلك وقت طويل على ماتخلصها ههههههههه
اسلوب اللعب:ممتاز والغموض باللعبه بكل مكان بس عيبها الوحيد بطل اللعبه مايتكلم <<حالف انه مايتكلم طوال مغامرته:09:8-10
الجرافيكس:اكثر من جيد 7-10
الاصوات:اكثر شي شدني باللعبه هي اصواتها ممتازه جدا10-10
عمر اللعبه: طوييييييييييييييييييييييييله ههههههه الفصل الاول 11ساعه والثاني 3ساعات والثالث 6ساعات:AR15firing::AR15firing::AR15firing::biggthump
كلمه اخيره:اللعبه التوصيل فيها جميل ولكن باوقات من توصيلك سوف تشعر بالملل ماعليه كملها للنهايه لانه النهايه جميله
الحين اهم شي اني فرغت نفسي من الالعاب وحان وقت متابعة بيرسون بريك بالكامل قبل نزول الاسطوره:biggthumpارجو انه الموضوع عجبكم;)
