كويتي زاير الامارات... وين مكان شراء الالعاب في ابو ظبي و دبي؟؟؟

السلام عليكم. انا حاليا اقضي اجازة الربيع بالامارات و يا ريت من الاخوان الاماراتيين يعطوني مكان متخصص لبيع العاب الفيديو سواء في دبي او ابو ظبي لانه محلات فيرجن و الثاني ناسي اسمه اسعاره نار صراحة.
يعطيكم العافية ناطر الرد و لا تطولون .

في موضوع سابق لسؤال شبيه باللي عندك و جوابي فيه هو الآتي

اقتباس:

---

عندك سلسلة محلات Geekay الموجودة في ديرة سيتي سنتر، مول الإمارات، برجمان و مركز شاطئ الجميرا.دائما تلقى عندهم الحديث و تشكيلة متنوعة من معدات الأجهزة. أسعارهم متفاوتة من نحو 60 درهم إلى 300 بحسب اللعبة.

عندك سلسلة محلات فيرجن في مول الإمارات،ديرة سيتي سنتر، برجمان و ميركاتو.أسعارهم تكون أغلى بقليل من باقي الأماكن.بس يقدمون عروض متنوعة منها لعبتين أو ثلاثة بسعر لعبة واحدة.

مجموعة محلات كارفور تكون أسعارهم معظم الأوقات رخيصة مقارنة بباقي الأماكن.

مجموعة محلات متنوعة في منطقة السطوة تقدر تتفق معاهم يطلبون لك لعبة مب متوفرة بكثرة أو نفذت من الأسواق يجيبونها لك.

في سوق الوصل و سوق نايف تقدر تحصل ألعاب منسوخة بأسعار من 10 إلى 15 درهم. تقدر تحصل و تشتري ألعاب يابانية مب متوفرة في أي مكان ثاني.

---

و إن شاء الله أكون أفدتك

و إذا في بوظبي


مركز مدينة زايد أو حامد سنتر و هم قراب من بعض

روح عجمان في محل هناك عنه كل اللي تباه
و الحلو في هذا المحل انه يجيبلك العاب قبل لاتنزل بحوالي 3 ايام و اسعاره ارخص من المولات بوايد

نسيت اقولك اسم المحل
اسمه يسريه او مركز رياض