الايغو والاكس بوكس 360

السلام عليكم ورحمه الله وبركاته


طبعا قطعه الايغو عباره عن قطعه متنقله للانترنت وهي من شركه زين

واكيد كل الي بالكويت سمعوه فيها وهي سريعه جدا وسرعتها تصل7.2 ميغا بايت

وانا انصدمت من السرعه الهائله الي تقدمها القطعه وممكن اشتريها اليوم او باجر

الله يخلي المطار مبطل 24 ساعه:biggthump


طبعا الموضوع ما يتكلم عن القطعه بل هو

مجرد سوال هو ان استطيع ان اشبك بالانترنت على الاكس بوكس 360

طبعا سالت شركه زين ويقولون اذا الاكس يدعم الاتصال عن طريقusb

راح يشبك لذا السوال هنا

هل يدعم الاكس بوكس الاتصال عن طريق usb


ملاحظه:انا منزل موضوع بنفس المضمون في قسم البلاي شتيشن لنفس السوال

غريبه شباب محد يعرف اي معلومات عن الاتصال عن طريق USB

هلا اخوي

انا اللي اعرفه انه ما يصير تشبكها دايركت بالاكس بوكس لأنها تحتاج تعريف خاص بالويندوز ولا يتعرف عليها الاكس بوكس لكن تقدر تشبكها بكمبيوتر لابتوب أو بكمبيوتر عادي وتسحب واير نتوورك للاكس بوكس وتشبك
او الطريقة الثانية انك تشتري قطعة وايرلس للاكس بوكس وتشبك من خلاله بوايرلس الكمبيوتر
والطريقة الاخيرة انك تشتري Ego راوتر وتشبك من خلاله :)

سلام عليكم...

اخوي انت متأكد انة سرعتها 7.2 جيجا
المعروف 4 جيجا

مااظن في انترنت لاحد الان 7.2 جيجا اهو 5 ماصلنا

هاي قبل لا تدخل الصفحة بيدخل من السرعة

اخوي ياريت تتأكد الانة اذا طلع كلامك صح باجر اخذ وحدة

و شكر ا

السلام عليكم

بالنسبه للقطعه يا اخي الكريم عندي لك مجموعه من الاساله المبهمه ارجوا ان تتأكد منها قبل الاشتراك في هذه الشركه

1-بالنسبه للتنزيل هل هو محدود ام لا لانه انا سمعت انه التنزيل محدود في الشهر الاول او مده معينه بعدها لا تستطيع التنزيل

2-بالنسبه لسرعه 7 ميقه هذه السرعه لم اسمع احد من اصدقائي الذين اشتركوا بها قال انه سرعته وصلت الى على الاقل 400 كيلو بالثانيه بالتنزيل معنه الكلام انه السرعه اقل من هذا طبعا بفرضيه انك تشبك في المناطق السكنيه وليس في البر وعلى كل حال يعني لا تستغرب اذا رأيت سرعتك توصل 200 او 240 ولم تصل 500 اذا فعلا كان القطعه 7 ميقه

وبالنهايه نرجوا لك التوفيق : )

هلا اخوي بدر

السرعه 7.2 ميغا على حسب كلام الشركه مو كلامي والصراحه انا اشوفها بطيئه جدا اما من الكيبلات

او جذوبو علينا ودق على 107 وتاكد بنفسك عن السرعه

هلا اخوي زورو

1- التنزيل مفتوح بس يقولون لو حملت اكثر من 30 قيقا في الشهر راح يصير بطيء التحميل

2-بالنسبه للتنزيل في برامج التورنت عندي التحميل ما يوصل 50 كيلو لووووووووووول وكثر شي يكون 20 و30

بس في برنامج داونلاود مانجر للتحميل من غير التورنت يوصل التحميل مرات 500 كحد اقصى واكثر الاوقات يكون بين 100 و200

ما أنصحك تاخذه لأنهم مصممين حق التصفح والتنزيل المشكله راح تكون بالأبلود انا عندي راوتر الوطنيه ساعات أقدر ألعب على الايف وساعات يعلق بس اذا بنزل شي بالكمبيوتر طياره بس حق جيمز نصيحه لا تاخذه اذا تبي اخذ دي اس أل وايد أحسن من فاست تلكو أو كواليتي نصيحه لأني عانيت وايد

الرد على سؤالك اخوي كلش الإيقو ماينفع حق الأكس بوكس .. و اخذلك دي اس ال شوتايم 256 .. 12 دينار وزي الفل وسريع واللعب وانشاءالله خير

مراح تقدر تلعب لاسباب عده واكيد

اول شي القطعه بس تنزيل الرفع مالها مواكثر من 40 كيلو

يعني حق الجيمز ماينفع نهائيا بالعاب البي سي والاكس بوكس والبلاي ستيشن


القطعه حق التصف وتنزيل التورنت والوصلات المباشرة

حتى مالت الوطنية نفس الشي

اذا تبي حق الجيمز مالك غير شركات الثابته كوالتي نت و كيمز وفاست

وانت تقدر تسألهم للتاكد


اللهم بلغت

اقتباس:

---

المشاركة الأصلية كتبت بواسطة JasemQ8

الرد على سؤالك اخوي كلش الإيقو ماينفع حق الأكس بوكس .. و اخذلك دي اس ال شوتايم 256 .. 12 دينار وزي الفل وسريع واللعب وانشاءالله خير

---

لوووووووووووووووووووووووووووووووووووووووول

اخوي انا عندي الاشتراك الي قلته بالضبط وهو 256 شوتايم ومشترك من شهر9
الي طاف ولمده سنه كامله وهي سريعه باللعب والاق خفيف بس الديمو ياخذ مني حوالي 9 الي 10 ساعات
بس اخذت القطعه زياده اساسا مو حق الغيمز ماخذها لانها سريعه ومتنقله

بس حبيت استسفر اذا تصلح للغيمز او لا لان سرعتها على كلام زين اضعاف الدي اس ال الي عندي

شباب تراعندي اشتراك دي اس ل 256 من شوتايم يعني لاحد ينصحني ويقولي اشترك:biggthump

شكلها مو حلوه><"

اخوي لازم تتحقق من موضوع مهم غير السرعه

اللي هو الـ Ping

يعني عندك مثلاً زي موبايلي تقدم خدمة اتصال عن طريق الـ USB ( موبايلي كونكت ) ،

وتقريبا نفس سرعة زين ، لكن بالاون لاين جداً سىء لان الـ Ping يكون مرتفع ،

وعندك مثلاً الاتصال عبر الدش والقمر الصناعي..

طبعا معروف مثل نوع من هالاتصال تقدم سرعات عاليه تصل الى 20 ميجا وفوق وحتى فيه نوع منه يكون الاب لود مساوي للداون لود ، ودايم نحتاج للاب لود في الاون لاين ..

لكن يأتي من خلاله لاق رغم السرعه الهائله ... لان الـ ping يكون مرتفع


وانا اتوقع الخدمه راح تشبك مع الاكس بوكس .. لان موبايلي كونكت تشبك عن طريق الـ usb وناس كثير جربوها في موبايلي وضبطت معهم

بس لازم تتحقق من موضوع الـ ping

السرعه مو كل شي

تحياتي

شفيكم شباب ؟

مشت عليكم بعد ؟؟
المعروض في زين ( Mega Bet ) والسرعة اللي انتوا فهمتوها هي ( Mega Byte )

لوووووول

سرعة زين هي بالحقيقة 7.5 ميجابت ( وليس ميجا بايت ) = 512 كيلوبايت :)

بيضحكون على الناس

شوف أخوي أنا عندي إيغو
اهو بالألعاب يمشي الحال بس بتنزيل الديمو طلقة بالكثير ساعة وربع واسأل مجرب ولا تسأل طبيب

السرعه الجديده معنها 750 مو 7 ميقا
لو 7 ميغا المفروض يكون الدوان لود بعد التقسيم على 8
875

والايقو ماينفع حق القيمز
انا دائما العب معا ناس عندهم
كله لاق
وانحاشو من شوتايم كان عندي 512 والله انه زباله حشاكم خط البيت مرات اسرع منه
لما حطيت كوالتي افضل منه بمليون مره
اسئل مجرب الشركتين