االلي يحب يعمله فريق بهذا الركن

السلام عليكم
أرجو أن تنال اللعبة على اعجابكم وهي

قررت أني اعمل لعبة(دوري) تضم 5 أركان من هذا المنتدى وهم

1-منتدى النينتندو

2- منتدى بلاي ستيشن

3-منتدى البي سي

4- منتدى اكس بوكس

5- منتدى الدريم كاست




اللعبة هي :

الجميع يعرف مسلسل الكارتون سلام دانك ومب شرط انه يعرفه ليلعب معانا هذي اللعبة


المطلوب:

أنا ابغي أي واحد يدخل هالموضوع يصوت لأي واحد جدير انه يكون مدرب

المدرب:

يقوم بنشر موضوع بخصوص هذي اللعبة بالركن اللي هو فيه ويقول منو يحب يمثل هذا الركن اللي هو فيه

الأعضاء:

راح يدخلون هالموضوع واللي يحب يشارك يقول للمدرب اللي راح ترشحونه نتوا انا ابغي اكون بالفريق

الفريق:
يتكون من اربع لاعبين 2 احتياط

طريقة اللعب :

راح تكون بعد ما يتشكل الفريق من 6 لاعبين 4 اساسيين و2 احتياط راح يدخل أي ركن ثاني منافس له

مثال :
فريق منتدى النينتندو يبغي يلعب ضد فريق منتدى اكس بوكس او البلاي ستيشن يروح مدرب النينتندو لمدري منتدى اكس بوكس ويقوله نبغي نلعب معاكم مباراة ويروح مدرب اكس بوكس يقول للأعبينه انتوا جاهزين واذا جاهزين يرد عليه بالموافقه
أما اللعبة فهي:

بعد ما يدخلون أعضاء الفريقين للمنتدى الي راح يتفقون عليه اللي راح تقام فيه المباريات يجي الحكم ويقول بدأنا وبعدين اللي يبدأ بالسؤال سواء من فريق النينتندو او فريق بلاي ستيشن فراح تكون عنده الكرة
ويروح يسأل الفريق الثاني أي سؤال (عام) فإذا جاوبه فراح تنتقل الكرة لفريق الثاني اللي جاوب على السؤال

وإذا ما جاوبه راح يكسب الفريق اللي سأل أول نقطتين

وبعد هذا راح تنتقل الكرة للخصم لأن الفريق الأول أحرز الهدف الاول وهي نقطتين فبعد ما يحط في رصيده نقطتين فبيروح الفريق اللي سجل هدف بيروح يسأل الفريق اللي احرزا عليه هدف واذا جاوب عليه الفريق الثاني بدون خيارات فراح تكون ثلاثية (أي ثلاث نقاط)
وإذا جاوبه بعد أربع خيارات (راح يكسب نقطتين )
وإذا جاوبه بعد خيار ين (يكسب نقطه واحده )

وإذا ما جاوب فراح تنتقل الكرة للفريق اللي سجل اول شي هدف
ومره ثانية فيسأل الفريق اللي ما جاوب على السؤال هو اللي يسأل وهكذا .......الخ(حتى يصل إلى نقطة الفوز
(55 نقطة)

الفريق الفائز:

في مباراة ودية راح يكسب 5 نقاط

شو وظيفة الخمس نقاط :

ال5 نقاط هذي في مباراة ودية راح يحطيها كل مدرب فائز في مباراة لتوقيعه واذا فاز في مباراة ثانية بيكونوا 10 واذا بثلاث مباريات 15 وظيفتهم هي
أن المدرب يمكن يعجب بلاعب مو بفريقه مثلا
فريق النينتندو اعجب بلاعب بفريق البلاي ستيشن ويبغيه فيروح لمدرب فريق البلاي ستيشن ويقوله ممكن تعطيني اللاعب اللي عندك بالنقاط كذا حسب مدخراته لو عنده اصلا 15 نقطة ويبغي يوفر ويدفع بنفس الوقت فيروح يطلبه ب8 نقاط حتى يتفقوا على سعر لهذا اللاعب وبعد هذي الاتفاقية مثلا اتفقوا بسعر 10 نقاط لانضمام هذا اللاعب لفريقه فيروح اللي كسب 10 نقاط وهو فريق البلاي ستيشن يروح يحطي 10 نقاط اللي كسبهم من الاتفاقية بتوقيعه وهكذا ....الخ كل مره يبغي لاعب على حسب نقاطه اللي عنده من مبارياته الودية والدولية

شو وظيفة المدرب :

مثلا تدريب الفريق على الاسئلة الثقافية ويقوم ايضا بإعداد التشكيلة اللي راح يدخلها بالمباراة
ويعين كل لاعب على مركز معين مثال :

عندي لاعب يمتاز انه ثقافي كثير وممتاز فأخليه بالضربات الثلاثية يعني يقول في المباراة هذي صاحب الرميات الثلاثية هو (.......) والثاني انه يجاوب بعد هذا اللاعب هو (......) واللي راح يحمي الشباك يعني (الأسئلة اللي بيطرحها عليه الفريق الخصم ) الاول هو (.......) والثاني هو (......) وهكذا بالترتيب .
وأيضا هو اللي اللي بي بدل اللاعب اللي ما يجاوب عدل وهكذا وهو يجمع الفريق للمباريات و أيضا هو اللي يختار اسم الفريق لفريقه .


الكابتن :
طبعا لكل فريق كابتن يحدده المدرب

وظيفة الكابتن :
إذا صار خلاف بين الفريقين فالكابتنين للفريقين هم اللي يهدوا الوضع ويصيطروا على الموقف
وهو اللي يشجع لاعبيه على اللعب الحماسي بالمباراة
الحكم:
مهمة صعبة في تنفيذ الامر وطرد اللاعبين غير الملتزمين
وراح يكون الحكم من المنتدى العام للألعاب العربي

الدوري العام :
ستقام هذه البطولة بعد الامتحانات يعني بإجازة نصف العام ليتمنك الجميع من الدخول
ولا يكون عائق بينه وبين الدراسة
وراح تجرى هذه البطولة بين جميع المنتديات المذكورة والفائز في مباراة في الدوري يحصل على 3 نقاط والخاسر لا شيء
والفائز بالدوري راح يحصل على هدية مقدمة
من منظم هذه البطولة
وهو أنا
وراح تكون مفاجأة للجميع

وشكرا آسف على التطويل
أرجو أن تنال إعجابكم هذه الفكرة وانا اح احط بكل هذا الموضوع والبطلوب منكم هو ان ترشحوا واحد يصير عليكم مدرب وهو اللي بينظم كل شي

ويا ريت اسمع رأيكم بهذه الفكرة

خلالالالالالالالالاص
-------------
انا حطيت هذي الفكرة بكل ركن عام من منتديات الوقع الالعاب العربي

يعني كل ركن عادي يعمله فريق
مثل هذا الركن اللي اكتب فيه

واي استفسار عن اللعبة انا جاهز