عرض للطباعة
ياجماعة الخير انا اشتريت لابتوب يديد توني بمواصفات متوسطة رام 2 GB وكرت الشاشة كور 2 دو 2.2 وفيه كرت شاشة منفصل جي فورس 8500 128 MB رام..
جربت اشغل عليه لعبة stalker واشتغل بطريقة حلوة..
اعتقه انه كاونتر ايضا راح يشتغل عليه انشالله...
بس بغيت اعرف من وين اييب كاونتر سورس..لازم اشتري السيدي الاصلي ولا فيه طريقة عشان العبها اون لاين بدون سيدي اصلي؟؟
ارجو منكم الرد :)
وياريت لو تقولونلي انه جهازي راح يساعد حق كاونتر سورس ولا...
تاخذ اللعبه اصليه احسن
بدل ماتحملها من النت وسيرفرات مضروبة وغيرها
سعرها تقريباّ مابين 30-50 درهم
وبتلعب في السيرفرات الاصلية
مشكور اخوي على الرد..بس الاصلي معروف انه سعره فوق المية درهم..لو عندك مكان تحت هالسعر دلني عليه فالشارجة او عيمان او دبي(بس في درب بدون سالك هـع )
للرفع...شباب حد يساعدني اريد العب سورس..
ماعندي مشكلة لو اشتري السيدي الاصلي بس شفت موضوع ثاني واحد اشترى السيدي الاصلي وماقدر يلعب
ياريت كل الشباب الي يلعبون سورس يكتبونلي هني اي سيدي استعملوا ولا من اي موقع حملوا وشو الطريقة الي استعملوها...والسموحة
للرفع....
حد يطمني ويقولي خذ السيدي الاصلي وبتقدر تلعب..
ياريت من اي حد الي اشترى سورس الاصلي يقولي هل السيدي الاصلي فقط كافي للعب اون لاين؟؟يعني مجرد احمله وادخل على اون لاين بتطلعلي السيرفرات ولا؟؟
نعم خذ اللعبه اصليه واول ماتسويلها سيت اب على الجهاز
وتشغل اللعبه بتطلع لك صفحة تسجيل حساب جديد
طبعاّ في السي دي اللي خذته بتحصل السيريال الاصلي للعبه
واللي هو رقم التسجيل حطه في المكان اللي يطلبه منك
وكمل التسجيل...وبعد ماتنتهي عملية التسجيل
بتبقى لك اخر خطوه واللي هي اول ماتشغل اللعبه
بيطلب منك تحميل تحديثات للعبه اضغط موافق وانتظر لين مايخلص
وتمتع باللعب اونلاين
30-50 درهم ليش هو بيشتري بطاقة رصيد؟ ؟؟:itsme:اقتباس:
المشاركة الأصلية كتبت بواسطة .:: Expert ::.
على العموم اذا انت في العين بتحصله في محل كابول انا ما خذنه من 100درهم على ما اذكر
اما عن باقي الاماكن ما عندي فكره
تحياااتي
اقتباس:
المشاركة الأصلية كتبت بواسطة powerguy
اخوي في تعرف امارات مول يبيعون فيه السيدي الاصلي بـ120درهم انا شريت من هناك امارات مول ورا بيتنا:09::09::silly::silly:
اقول اخوي لاتخاف مافي سالك هههههههههههههه بس تركب جسر يوديك على طول حق المول :D:D:D
اذا تبغي اي مساعدة
massenger:sweet_7mood2006@hotmail.com
مشكوورين عالردود الطيبة :)
حصلته في مول الامارات محل فيرجن :) بمية وعشرين مثل ماقال حمود هـع
وركبته ولعبت الحمدلله دخلت على سيرفر كويتي وطلعت الاخير هههه من زمان مب لاعب بعدني مش متعود..ومشكورين عالمساعدة :)