طريقة الأستفاذة من ضمان مايكروسوفت للأجهزة بنظام NTSC

السلام عليكم

اول شي هاذي الطريقة فقط للأجهزة الامريكية اللي بدون ضمان وتشغل الاصلي .

------

جهازي اكس بوكس360 بدون ضمان ويشغل أصلي وطلعت لي اللمبات الحمراء واستطعت ان أصلحة عن طريق الضمان .:D

الطريقة هي اني اتصلت على خدمة العملاء 8008443784 واخبرتهم عن المشكلة وأرسلوا لأيميلي عنوان بدولة التشيك وقالوا ارسل الجهاز الى هاذا العنوان وكلفني الارسال 270 ريال عن طريق البريد السعودي .

(ولا تنسى عند ارسالك للجهاز تقول لهم انه تصدير مؤقت عشان مايغرمونك الجمارك) .

وبعد 5 ايام استلمة الجهاز من عند شركة UPS والجهاز يشتغل مافيه أي مشكلة ومكتوب بالاوراق انهم اصلحوا الماذربورذ وزيادة على كذا اعطوني اشتراك لايف شهر مجاناً

اتمنى انكم تستفيدون من الموضوع
:popcorn:

سلام

مبروك عليك اخوي واعرف كذا واحد كلموا الشركة وكانت الارسالية وكل شي مجانا

يعني ارسلوا الجهاز مجاناً ؟ ومع التصليح وكل شي ؟

انا قالوا لي الارسال عليك والاسترجاع عليهم

-----------
على فكرة شكرا على ردك
لي 3 ايام حاط الموضوع ولا رد وفقط شكر واحد , مدري وش فيه المنتدى ناااايم بقوة

أممم .. ممتاز بس انت وش اللي قلته لهم (موظفين خدمه العملاء ) ؟ يعني بالتفصيل ... وجهازك لك كم شاريه يعني معقوله اي جهاز امريكي قديم او جديد وبدون ضمان تنفع معه الطريقه ! مافيش سؤال ولا استفسار يصلحون وبس ؟!

وشكرا ...

اول شي سألني متى شاري الجهاز وقلتلهم قبل 9 اشهر وعطيتهم رقم السريل نمبر اللي بخلف الجهاز وقلتلهم عن اللمبات الحمراء وقعد يسأل اسئلة كثيرة مثل وشلون اللمبة اللي بالمحول اذا شغلت الجهاز .


وقالي ودي الجهاز للمحل اللي شريته منه وقلتله ان المحل رفض ياخذ الجهاز ثم عطيته ايميلي وارسلي عنوان وقالي ارسلي الجهاز بدون اي شي .



على فكرة الدعم الفني يرد عليك واحد يتكلم عربي

اقتباس:

---

المشاركة الأصلية كتبت بواسطة z 5

على فكرة الدعم الفني يرد عليك واحد يتكلم عربي

---

صحيح ..^^ انا قد كلمتهم مره وحدة بس بخصوص مشكلة بالايف "على سبيل التجربة !! لاني داري انه ما حولك احد" من شهرين تقريبا وردت علي موظفه من جنسيه عربيه بس الصراحه الموظفين ما عندهم سالفه = اجل يقولك صندوق الاكس :D ولا يسمي الجهاز لعبه !! اجل اللعبة وش يسميها ؟؟

ومشكور على تجاوبك ^^

الصراحه يعطيك العافيه على هالموضوع الطيب بس شلون رد عليك واحد عربي؟

يعني واحد يتكلم عربي مو اجنبي مثل ما يعتقد البعض

هو مصري وصحيح هو دبشة ما عنده سالف هو قالي ان الضمان حقك خلص ثم قلتله لأ الضمان 3 سنوات وتردد وقالي اوكي

هذا الرقم وين وشنو فتح الخط

8008443784

هاذا رقم مجاني ويعمل من السعودية وممكن يعمل بالكويت . جرب !