-
سيداتي آنساتي سادتي أعضاء النتدى احييكم بكل قوه وحراره وقول لكم وحشتوني, واشتقت لكم ولمواضيعكم وللهبال والهواش اللي هنا والله لكم وحشه, على العموم انا ماراح اطول في الكلام هذا انا بصراحه راجع وفي راسي اطول مقال راح تقرونه (اللي مستعد يقرأ الله يحييه واللي مو مستعد الله لا يهينه يشوف له موضوع ثاني).
الموضوع اللي انا بكتب فيه الحين ماهو موضوع جديد لكنه موضوع قديم مات وانا ناوي ابعثه من جديد والسبب في هذا اني ما اتيحت لي الفصره في الرد عليه والنقاش فيه لأنشغالي والمقالات اللي كتبتها كانت قصيره ومستعجله وماكانت مركزه لكن الحين انا جاي وكلي حماس عشان احط الأمور في موازينها واخلي كل واحد يدري وين مكانه في المنتدى هذا.
اخواني الموضوع اللي بتناقش فيه هو موضوع مقاطعة السوني اللي قام بوضعه الأنسان دارث فيدر.
الرد:
ردي راح يكون من قسمين كل قسم يتضمن جزء كبير من النقاط.
القسم الأول:راح يكون عن الأدله اللي اوردها الأخ دارث فيدر عن شركة سوني ومساعدتها لليهود:
اولا) يقول في اول مقال له ان شركة سوني ترعى الممثل مايكل دوجلاس وانها تدفع له 20 مليون. ابسألك هل هي تعطيه 20 مليون كذا لله في الله ام لأنه يقوم ببطولة افلام تنتج لهم الملايين؟؟
اكيد لأنه ينتج لهم ملايين, يعني هم مايعطونه فلوس حب فيه بل يعطونه فلوس حبا في الفلوس, صح ولا لأ؟ (اوه لا اكيد ان سوني يعطونه عشانهم يحبونه وعشانه يتبرع بنصف فلوسه لليهود) ياعمي طير عن مخي يعني بالله عليك سوني وش دخلهم في مايكل دوجلاس لما يتبرع بالنصف ولا لأ؟ هي هامها مكسبها وبس.
ثانيا)انت اثبت المبلغ اللي هو 20 مليون لمايكل دوجلاس لكن ما اثبت التبرع اللي يقوم به.
ثالثا)نجي لقضية مايكل جاكسون, يادروثي انت تناقض نفسك بنفسك
الحين لما انت تقول ان اليهو يعبدون المال وانه مستعد يسوي اي شي عشان المال, طيب فهمني ليش يقول مايكل كذا عن العرب ويسبهم؟؟ ماتظن انه يدري ان العرب يجيبون له المال؟؟ وانه اذا سبهم راح يخسر المال؟ يعني هل تظن ان واحد يبي مال من ناس يقوم يسبهم؟؟ ماتلاحظ ان في هذا تناقض من عندك؟
رابعا)كلامك عن توفير الأدوات مجانا واستدلالك بأن اغلب الأجهزه لدى اسرائيل من شركة سوني. لحظه الحين انت من قالك انها مجانا انك تشوفها عند اليهود مايدل انها مجانا, ليه ماتقول انهم اشتروها؟ وشركة سوني لما يجي واحد بيشتري منها ماراح تقول اوه لا هذا يهودي لا تبيعون له, صح ولا لأ؟ (اوه لالا دارث يقول انها ببلاش خلاص لازم تكون ببلاش وسوني عشانهم يكروهن المسلمين ويحبون اليهود يعطونهم ببلاش) ههههههههههههه هاهاهاهاها
خامسا) في مقالك تقولي افتح عيونك او نظاراتك. بالله فهم كيف افتح النظاره؟ ههههههههاهاهاها (نقطه وضعت للسخريه من دارث)
سادسا)انت تقول سوني ترعى الحفلات الجنسيه طيب واحنا وش دخلنا ووش دخل اليهود؟ سوني ترعاها لأنها تجلب لهم المال ومادامت تجلب لهم المال فراح يسوونها. (تذكر ان المانع في الحفلات الجنسيه هو الدين ولما كانت الشركه سوني ليست شركه مسلمه فما لها سبب لأنها توقف الحفلات هذي او انها ماتقوم بها)
سابعا) اذا كلامك عن الدعم الخارق لسوني للهيود ينتفى لأنتفاء اغلب الأدله اللي انت استخدمتها.
القسم الثاني من الرد راح يكون عن فكرة المقاطعه نفسها:
اولا) انا بفهم تحديدك لشركة سوني بالذات وهذا قلته من قبل (الحقد الأزلي) يعني انت من كثر حقدك على السوني اتبعت الطريق الغير مشروع في المنافسه وحاولت انت تحطمها بعيدا عن مجال العاب الفيديو جيمز. يعني انت كأنك واحد بيشارك في سباق وخايف من منافسه فقام بقتله او كسر ساقه او شيء من هذا القبيل ليمنعه من السباق. يعني هل انت فعلا منت واثق من قدرة نيتندو على منافسة السةني لهذي الدرجه اللي تدفعك لأنك تستخدم الطرق والوسائل الرخيصه هذي؟ انا اللي هو انا اللي المفروض اني اكون فقدت ثقتي بنيتندو بعد ال 64 واثق وعندي ثقه وامل كبير ان النيتندو ترجع بشكل كبير في الأكس بوكس. (نقطه لعشاق نيتندو اللي واحد ثقته بشركتكم معدومه كذا اظن من الأفضل ما احد يستمع له "مجرد نصيحه")
ثانيا) انا ماشفت احد طالب بمقاطعة البوكيمون لأنه يساند اليهود, لو انت شفت وريني.
ثالثا) لما تتكلم عن المقاطعه ليش ماتناظر نفسك اول لي مسمي دارث فيدر؟؟ الحين الفلم مادخل لأمريكا الملايين؟؟ امريكا اليست الراعي الأول لليهود؟؟ الحين الست بمتابعتك للفلم وشرائك له تزيد الدخل الأمريكي الذي سوف يزيد الدخل اليهودي؟؟
رابعا) من قالك نيتندو مرتبطه فقط باليابان؟؟ وانها بريئه من امريكا؟ وان البوكيمون بريء من اليهود؟؟ الحين بالله عليك ماشفت فلم بوكيمون؟؟ لو كنت ماشفته انا راح اعطيك معلومه, الفلم قامت به شركة نيتندو بالتعاون من اكثر من شركه امريكيه منهم شركة 4KIDS لكن يله هذي شركه ماتسوى اننا نتهاوش عليها لكن وش رايك بشركه كشركة WB شركة وارنر بروس اظن سمعت فيها صح ولا لأ؟
هذي واحده من اكبر الشركات الأمريكيه السنمائيه, وتعاونت معها نيتندو ولماذا لتنتج فلم ماذا؟ (بوكيمون) ههههههههههههه
(اظن دارث فيدر الآن يشعر بنفسه واقد سقطت عليه خزينة الأموال مثلما يحدث في افلام بقز بني وتايني تون)ههههههههههههه هوهوهوهوهو هي هي هي هي هي
خامسا) الكلام عن قناة الجزيره وانك تقول اني فهم اكثر من القرضاوي, شوف خلي الشباب يرجعون للمقال القديم ويشهدون هل انا قلت اني حرمتها؟؟ متى قلت انا ما افتيت بشي زي كذا.
(لحظه نعطي الشباب فرصه يشوفون المقال ويرجعون يكملون)
.........................................خلاص شفتوه شفتوا اني صادق وان دارث يتقول علي؟ (ابسألك دارث بعد هذي من اللي يحتاج انه يفتح عيونه؟ او على قولتك نظاراته "انا للحين مافهمت وشلون يفتح نظاراته") انا قلت الشيوخ هنا هم اللي حرموها والحمد لله الشباب فزعوا معي وأكدو كلامي. بعدين انت تقول القرضاوي وتقول شيوخ البحرين يارجال طير العب بعيد كل العالم يعرف ان شيوخ السعوديه لهم الكلمه الكبرى في العالم الأسلامي في مجال الأفتاء.
سادسا) لما تقوله يشتري دش بالله اموال الدش وين بتروح؟؟ امممم
اوه صح يبي يبنون بها مساجد صح ولا لأ؟ ههههههههههههههههه
الأموال بتروح لأمريكا ياحبيب امك.
سابعا) ليش انت تستخدم الدش؟؟ اللي اعرفه ان الدش يستخدم الأقمار الصناعيه والأقمار الصناعيه تابعه للغرب => لأسرائيل صح ولا لأ؟ ليش تستخدمها مو انت تطالب بالمقاطعه يله قاطع الأقمار الصناعيه ليش ماتقاطعها؟؟
ثامنا)لو حصل وقاطعنا السوني لازم نقاطع الشركات الوكيله له صح ولا لأ؟ الحين من وكيل سوني في السعوديه؟ الفيصليه يعني هل تطالبنا اننا نقاطعها الحين خلينا نشوف اش راح يحصل لو قاطعنا الفيصليه. مقاطعة الفيصليه يترتب عليها انك تقاطع اكثر من شركه مثل الصافي للألبان وشركة اول نت وكذلك قنوات الشو تايم (هذا اللي يحضرني من نشاطات الفيصليه فيه اكثر لكن ماني متذكرهم لو مصر تبغاهم علمني وانا اجيبهم لك) وايضا مقاطعه اي محل تجاري موجود في مركز الفيصليه (مدري عنك تعرف مركز الفيصليه ولا لأ لكن اي واحد في السعوديه بيكون يعرفه ويعرف المحلات التجاريه الموجوده فيه) وانا ما اظنك قادر تقاطع كل هذا.
تاسعا)لو انت متابع وتعرف الحين مايكل جاسون لم يعد تابعا لشركة سوني وأنما مع شركة الأمير الوليد بن طلال في شركته المملكه للترفيه, يعني رايك نقاطع الوليد وشركة المملكه؟؟
نفس الكلام راح يصير زي الفيصليه لو قاطعنا الوليد راح نقاطع شركة سلكي لا سلكي راح نقاطع ايضا سلسلة مطاعم هرفي والكثير (ايضا مايحضرني).
عاشرا)خلينا نفكر شوي ايش راح يصير لو قاطعنا اثنتين من اكبر الشركات السعوديه واحده منها مالكها يعد خامس اغنى رجل بالعالم, امممممممممم اوه صح اقتصاد البلد راح يروح للحضيض صح ولا لأ؟ يعني اظن من الأفضل اننا مانقاطعهم واننا نستفيد منهم في اقتصاد البلد احسن من اننا نقاطعهم ونخسر الأقتصاد.
الحادي عشر) الحين بالله عليك انت قد المقاطعه يعني خلينا نشوف اولا وقبل كل شيء ليش مارديت علي لما قلت لك عن الكمبيوتر اللي جالس تشتغل عليه؟؟ صرفت الموضوع ورحت تتكلم عن مقاطعة البوكيمونات( رديت على هذي النقطه في نقطه سابقه) برضه نعطي الشباب فرصه للرجوع الى المقال والتأكد من صحة اقوالي
........................................خلاص؟؟ لا لسا طيب نصبر شوي بعد .........................................
اوكي الحين خلاص؟ طيب تمام, نكمل.
الثاني عشر) خلينا نشوف ايش راح يصير لو قاطعنا الغرب. اولا وقبل كل شي ماراح يكون فيه كهرب لأن كل مولدات الكهرب من الغرب,
ثانيا ماراح يكون فيه اموال من المعروف ان الخليج يعتمد على البترول للمال والبترول ياحبيبي اكتشفوه الأمريكان ويستخرجونه الأمريكان يعني الفلوس اللي بيدينا من الأمريكان (اوه صح انت ماتدري لأنك من البحرين والسعوديه هي اللي تكد وتصرف عليكم فأنت تظن ان الفلوس من السعوديه" ووووووووووو سكوت تام من الشباب وكل واحد طايره عيونه ويبتسم ويقول قويه قويه ههههههههههههههههه") اوكي واذا مافيه اموال يعني على الدنيا السلام.
الثالث عشر) انت كاتب الموضوع على بالك بيغير شيء ههههههههههههههههههههههههههههههههه
والله لا غير ولا راح يغير والدليل اللي يحون السوني واللي يحبون النيتندو قاموا عليك. ولو حصل وجالك اكثر من واحد وقالو الا احنا تأثرنا بالمقال ولا راح نشتري السوني هههههههههههههه
والله هم الخسرانين مو السوني يعني سوق الشرق الأوسط كم يشكل بالنبه لسوني؟؟ مايزيد عن 10% (لاحظ ان النسبه هذي مبالغ فيها لكن وش نسوي عشان نسكت الشبيبه) هذا الشرق الأوسط كله فما بالك باللي في المنتدى يعني لو كل الشباب هنا قاطعوا سوني كم راح تصير الخساره؟؟ (اظن والله اعلم 0,0000000001) واو لا حرام عليكم شباب خساره فادحه ارحموا سوني لااااااااااااااااااااا
(والله المهزله اللي جالس تسويها يادارث فيدر).
الرابع عشر) للمعلوميه فقط سوني في الأعوام الخمسه الماضيه انتقلت من المركز الثاني عشر الى المركز الثالث في قائمة اكبر شركات العالم في التقييم السوني للشركات الذي نشر في جريده الوطن.
الخامس عشر) نجي لمالقك السابق لما قلت اني اظن نفسي ذكي ولست كذلك, من اللي يحدد اني ذكي ولا لأ؟ انت؟ ام مين؟؟ ياخوي خلي عنك حركات التفلسف, من قالك انك ذكي؟ ممكن تعطيني تعريف دقيق للذكاء عشان نقيس عليه اني ذكي ولا لأ؟
السادس عشر) ليش في مقالك اللي رديت علي فيه قلت لي هارد لك وانا لساتني مارديت على كلامك؟؟ ولا يعني بس ودك تنهي الموضوع كذا بنفسك؟ يعني عشان انشغلت شوي قمت تستقوي وتسوي نفسك قدام الشباب؟؟ انا اظن ان القوي يصمد للأخير ولا ينهي موضوعه كذا بل ينتظر لين الطرف الثاني يرد.
السابع عشر) الحين تعاااااالوووووو كلكم ياللي تطالبون بمقاطعة اليهود وتقولن اني اللي يتعامل معهم كافر او شيء من هذا القبيل الحين بالله عليكم ماتدرون ان الرسول (عليه الصلاة والسلام) مات ودرعه مرهونة عند يهودي؟؟ الا يعد هذا من التعامل مع اليهود؟؟ لما لم تقولو شيأ عن الرسول يله روحو وقولو عن الرسول اللي تقولونه الحين, ليش ساكتين؟؟
الثامن عشر) استخدامك للأسم دارث فيدر يدل على انك معجب به وتحبه ومن المعرف ان المرء يحشر مع من احب وروح اسأل شيوخك في البحرين. واللي انت تحبه يتبع مبتكره ومبتكره يهودي.
التاسع عشر) ليش جيت على مايكل جاكسون ومايكل دوجلاس بالذات؟؟
ليش مارحت وتكلمت عن ناس سوو اعمال افضع منهم واكبر منهم مكانه في هليوود مثل ستيفن سبيلبرج اللي يعد ثاني أكبر شخص في هليوود من ناحية الأجر بعد مقدمة البرامج اوبرا. ليش ماتكلمت عنه اقل شي هو اهان المسلمين ومتدح اليهود والدليل موجود لكنه ممنوع هنا وهو فلمه قائمة شندلر اظن سمعت فيه صح ولا لأ؟ ليش ماقلت شي عنه ولا عشان شركة سوني مالها علاقه فيه؟
العشرين) من كلامك وماقالاتك يتضح كما قلت سابقا الحقد والعداء لشركة سوني, والحلو في الأمر انك كلامك ماراح يسوي شيء يعني شركة سوني جاسه تطلع وتكبر كل سنه عن اللي قبلها وانت هنا تكتب مقالاات ماله فايده لأننا طالما كنا معتمدين على الغرب في حياتنا ماراح نقدر نغير شيء, انا معاك خلينا نقاطع لكن في الوقت نفسه اوجد البديل يعني انت تطالبني اترك السوني وبعدين اجلس كذا وين البديل؟؟ النيتندو هو البديل؟؟ ههههههههههههه
ههههههههههههههههههههههههههههههههههه اظن موضوع الحرب كافي عشان ما اتكلم في الموضوع هذا هنا.
الحادي والعشرون والأخير) انت هنا تقول قاطعوا ومدري ايش وسوني هناك جالسه تطلع وتكبر وتجني الملايين. تدري وضعك مع شركة سوني وش يذكرني به؟ يذركني بالمل القائل (الكلاب تنبح والقافلة تسير).
هذا اللي حبيت اقوله من زمان والحين حصلت الفرصه تبي ترد حياك الله ماتبي ترد مشكور على ردودك السابقه, لكن لا ترد الا لما تقرى المقال كله اوكي ولا ماله داعي ترد.
وشكر لمتابعتكم (هذا اذا كان فيه واحد قرى الموضوع لآخره) وآسف على التطويل لكن عشان ارد المعتدي وادحض حجته كان لازم اسوي كذا وباي
التوقيع: الأمبراطور EVANGELION 1
-
هلا حبي كيفك والله ولك وحشه بس يليت تغير اسلوبك وتسير متفاهم.
-
-
بعض التصحيحات
مراحب شباب انا بسوي بعض التصحيحات في مقالي
لما قلت امل النيتندو في الأكس بوكس كنت اقصد الجيم كيوب
اوكي وشكرا لكم
الأخ فاس هههههههههههههههههههههههه
ما اقول الا الله يصلحك ويكفيك شري ياعيوني والله شكلك يثير الشفقه ولا كان رديت عليك فعشان كذا خلك حافظ ماء وجهك احسك لك
وشكرا لك حبيبي
الأمبراطور EVA 1
-
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههههههههههه
ايفا انا ما اقدر اقولك الا انك كفيت ووفيت يا امبراطور .
-
مرحبآ صراحة موضوعك يسحر الواحد وكلامك كلة صح يا EVANGELION 1
يا مشمش :)
مع تحيات /selvarعدوك القديم
ملاحظة( ودي أبهذلك :) )
-
هلا سيلفر
ياهلا والله بسلفر كيفك؟ قريت الموضوع كله؟؟ ماشاء الله عليك انا من يوم خلصت كاتبه ماقريته مره ثانيه :) هذا لو كنت انت قريته كله.
وش قصة البهذله؟؟ (انبسط يافاس الموضوع قصير مره).
