مقبل على شراء اللعبة بس عندي كم سؤال ؟؟

السلام عليكم و رحمة الله و بركاته

كيفكم يا أعضاء المنتدى
صراحة أنا أبغا أشتري اللعبة
بس عندي كم سؤال
أنا أبغا أشتري النسخة الأوروبية لأن أغلب العرب فيها :D
فكيف أعرف أفرق بين الأوروبية و الإمريكية
كمان أنا من السعودية فأبغا أعرف كم سعرها بالسعودية
و إيش تنصحوني من سيرفر ممتاز ألقى فيه عرب كثير :biggthump
و إيش تنصحوني هورد ولا آلينس (كنت ألعب اللعبة زمان و اخترت آلينس:silly:)

و آخر سؤال عارف إني تعبتكم معاي بس ايش تنصحوني واريور ولا ماجك ولا ايش من باقي الشغلات :أفكر:

و إخواني سمعت أنه في سرقت أكونتات فكيف يسرقونها يعني كيف أقدر أتحصن منهم
يلا شباب أنتظر إجاباتكم

وفقكم الله إخواني

اول شي زي منته عارف حبيبي هيا في اللعبه والتحديث اللعبه لحالها سعرها 70 الاوربيه والتحديث تحتاجه لمن توصل لفل ستين لازم تروح الاوت لاند ماعلينا وفي علبه جامعه للتحديث واللعبه بـ 189 في مكتبه جرير
واذا تبغا عرب في سيرفر زندار وهورد بس ماانصحك لانه تكثر فيه سرقات الاكونتات وايش الفايده مح تتعلم انقليزي
لكن لو انك في سرفر اغلبه اجانب تتعلم انقليزي بسرعه وانا انصحك بشيين ياROGUE او MAGE
ولو تبغا تتحصن من الهكر لاتخش المواقع المساعده للعبه وتحط اكونتك ولا تديهم معلومات عن اسم شخصيتك وسيرفرك لانه كدا يسهل عليهم تهكيرك اووه نسيت سؤالك كيف تفرق بين الامريكيه والاوروبيه مكتبه جرير
ماعندها الاوروبيه وبعدين انته لو بتشتريها من مكان اساله هذي الامريكيه ولا الاوروبيه وانا في سيرفر اسمه DOOMHAMMER صراحه ممتاز وبعيد كل البعد عن المشاكل والتهكير وفيه عرب وشكرا ...

ألف شكر أخوي الكريم
كفيت و وفيت
بس عندي سؤال بسيط - معليش كثيرت عليكم مره ×____× -
كم قيمة الاشتراك الشهري
كمان وين ألقى اللعبة أوروبية انت تقول ما يبيعوا بجرير أوروبي لو موب موجودة في جرير وين ألقاها ^___^

وفقك الله أخوي

حبيبي جرير مايبيعوا الا الاوروبيه والاشتراك بـ 139 ريال شهرين

159 سعر بطاقة الشحن لمدة شهرين.

http://montada2.com/showthread.php?t=580405