الوسط والنايم والكوبرا في ... (البحث عن الإثارة)

أول شيء وقبل ما أبدأ .... كل عام وأنتم بألف خير بعد الزحمة ...

والله يوفق أخواني الطلاب في الإختبارات ... خاصة اللي رايحين فيها مثلي


وهذي قصة متواضعة مني بمناسبة قرب الإختبارات :D




مقدمــــة



ثلاث أصدقاء جمعتهم الصداقة...و رغم اختلاف وجهات النظر جمعهم هدف واحد ... الكفاح في الحياة مع بعضهم البعض.

كان الأصدقاء الثلاثة يسكنون مع بعضهم في بيت واحد ...وبينما كانوا يتابعون برنامجهم المفضل في أحد القنوات التلفزيونية في أحد الليالي ... دار بينهم نقاش من الذي يطرح لقتل الوقت...

الوسط: أما فيلم اليوم متخلف!!!!

الكوبرا: بالعكس رهيب ... خاصة الجزء حق الحرامي ... هههههههه.

النايم: خخخخخخخخخخ.

الوسط: أي حرامي ؟؟

الكوبرا: الحرامي ... ههههههه .. اللي دخل البيت ولقى الحرمة الجلفة وخاف منها ...

الوسط: هذاك حرامي ؟؟؟ هذا الزوج دخل البيت متأخر وكان خايف من زوجته ..

الكوبرا: زوجته ؟؟؟ هذا حرامي !!! وإلا ليه خاف من الحرمة؟

الوسط: لأنها كبيرة مثل البقرة وخاف تاكله...

الكوبرا: أقول لك حرامي ... حرامي...

النايم (وهو قايم مرتاع) : حرامي ... وين الحرامي ؟؟؟ليه ما طلبتوا الشرطة ...

الوسط: أنت نام يا السبهه ... (ويكمل كلامة للكوبرا ويقول): جالس تطالع الفيلم ساعة ولا تدري وش القصة ...

الكوبرا : أنت اللي تفهم على كيفك وإلا كيف كان ...

النايم: بس أنت وياه أبغى أنام ...

الكوبرا: إنقلع لغرفتك ... هذي صالة ما هي غرفة ...

وقطع مناقشتهم العقيمة صوت المذيع وهو يقول : تعلن قناة مدينة المنتدى عن مسابقة أفضل فيلم واقعي مصور للهواة ... وسيكون موضوع الشريط مفتوح ... وستقوم لجنة خاصة بمشاهدة جميع الأفلام المقدمة وستكون الجائزة (100,000 ريال)..

الوسط: ششششششش ... تسمع أنت وياه وش قال ...

النايم: طيب ... وش المطلوب ...

الكوبرا: 100,000 ريال ... والله حظه اللي بياخذ الجائزة ...

الوسط (بعد ما صارت عيونه كذا $$): قصدك حظنا إحنا ...

الكوبرا: نعممممم ؟؟؟؟

وبدون ما يزيد الوسط أي كلمة قام وراح لفوق ... ولما رجع ،كان معه كاميرا من النوع اللي فيه شاشة جانبية للعرض ...
كان الوسط حصل عليها من رئيسة السابق في العمل نظير تركه للعمل ...
وبطريقة مفاجئة كلم أصدقائة

الوسط: قم أنت وياه ... ورانا تصوير اليوم ...

الكوبرا والنايم : ؟؟؟؟؟؟

الوسط: يالله ياخوي ... ما عندنا وقت .

الكوبرا: وش تبي بالضبط ؟؟؟

وجلس الوسط يعلمهم الفكرة المجنونة اللي خطرت له ...









بنكمل على هذا الرابط بعد شوي

نكمل



فكرة جهنمية



كانت فكرة الوسط تقوم على فكرة غريبة ... بدلاً من انتظار موقف يصورونه ،يقوم هو بإفتعال موقف ...ووسط استغراب وتعجب كل من الكوبرا والنايم ... أصر الوسط إن هذي الطريقة مضمونه وبتكسبهم الجائزة ...
فوافق الأصدقاء على مضض ... وأخذهم الوسط للبقالة من أجل تصوير المشهد ...

الوسط: الآن بيجي النايم وبيسرق من البقالة ،وبيكون الكوبرا موجود وبيلحقه ويمسكه ويرجع اللي سرقه ...

النايم: وش هذي الفكرة السخيفة؟ وبعدين أنا أخلاقي ما تسمح إني أسرق ...

الكوبرا (وقد أعجبه دوره كمنقذ في المشهد) : فكرة حلوة ،خاصة إني أنا اللي بأنقذ راعي البقالة ... بصراحة يالوسط خير من إخترت ... خاصة إن فيني صفات تؤهلني إن أكون البطل المنقذ ... مثل إني وسيم و...

الوسط: بلا كثر كلام ... يالله نصور المشهد ...

النايم: طيب أنت فهمت راعي البقالة باللي بيصير ،خاف إنه يطلب لنا الشرطة ...

وفعلاً كانت النقطة هذي غايبة عنهم ... وإتجه الوسط للبائع في البقالة ((كومار)).

كان كومار على نياته وفهمه على قده المسكين ... وبائت محاولات إفهام كومار بالفشل ... (كأنك تنفخ في قربة مشقوقة) ...
فما كان من الثلاثي إلا إنهم يلجئون لحيلة بسيطة ... وهي إنهم يشترون منه شيء ،ويقوم النايم بسرقته ... وذلك بعد التأكيد من الوسط والكوبرا إن النايم ما هو حرامي ...

وهكذا كان ... وتم تصوير المشهد البائس ...
وأرسل الوسط الشريط للتلفزيون ...



الخبر السيء



بعد عدة أيام كان الأصدقاء الثلاثة جالسين يتابعون التلفزيون زي عاداتهم ...
وكان هناك نقاش حاد بين الوسط والنايم على أحد المسلسلات .. وفجأة رن جرس الباب ... وقام الكوبرا يفتح الباب ... وكان موزع البريد معه رساله من التلفزيون ...

فقام الوسط مسرع وهو متحمس وأستلم الرسالة وفتحها ... وكان فيها ...

================

سعادة السيد /الوسط ........ المحترم

وصلنا شريطكم الذي اشتركتم فيه لمسابقة الهواة التي أعلنت عنها القناة ... وبعد عرضه على لجنة التحكيم تقرر استبعاد الشريط ،وذلك للسخافات التي فيه ... وقد تبين أن الشريط فيه تمثيل أكثر من شريط بن لادن الذي نشرته أمريكا ...

وبناء على ذلك نعتذر عن قبول الشريط ونعتذر كذلك عن إعادته لكم حتى لا يتضرر أحد .

ملاحظة: أحد أعضاء اللجنة أصيب بالاكتئاب نتيجة مشاهدة الفيلم، وسوف ترسل لكم تكاليف علاجه .

=================


الوسط (وهو ينتقل من قمة السعادة للإحباط): إهيء ... إهيء ... رفضوا فيلمي ... إهيء ... رفضوني أنا وأحلامي ...

النايم (وهو يقراء الرسالة) : ويبونك تدفع لهم ...هههههه

الكوبرا: هذي نتيجة الأفكار الغبية ...

الوسط (وهو يمسح دموعه) : لا ... ما راح أستسلم ... أنا بآخذ الجائزة يعني بآخذها ... إذا كان ودهم بشيء حقيقي ،نجيب لهم شيء حقيقي ...

الكوبرا (وهو يقلب قنوات التلفزيون) : وش بتسوي يعني؟؟؟

الوسط: نسرق بنك ونصور السرقة ...
وفجع الكوبرا والنايم بفكرة الوسط المجنونة





بأكمل لكم بعدين الجرية اللي سواها الوسط والكوبرا والنايم في البنك ومع الشرطة

كخخخخخخخخخخخخخخخخخخخخخخخخخخخخخخخخخخخخخخخخخخخخخخخ

و الله انك رهيب يااااااااااااشيخ

كمل بالله لا طول علينا يمكن ترى افكر من جد في سرقة بنك تراني جريه و اعجبك...وفي هالامور ما

يحتااج خذ ولد<=تكفي يالي تخااف من ظلاالك...:D

كخخخخخخخخخخخخخخخخخخ والله انك رهيب كمل هع ....:D :D

كخخخخخخخخخخخخخخخخخخخخ الله يرجك :D :D

وينك يااااااااخي كل هذي غيبه ":" المهم أنك رجعت :)

خخخخخخخخخخخ

حلوه :)


كمممممل":"

:) :)

مشكوووووووووووررررررررررييييييييييينننننن كلكم ...



الكوبرا


بتشوف الجريات الجزء الجاي ... الله يعين ;)

=====================


crazy


شكرا أخوي ... إن شاء الله بتعجبك القصة ... إلا على فكرة شكراً لرفع الموضوع

==================

THE LUCKY GUY


الله يخليك ... الإختبارات وما أدراك ما الإختبارات ... إهيء ... إهيء :(
أنا بأبذل كل جهدي ... ماهو علشان أنجح ولكن حتىأقلل الرسوب

==================

B.B.Q


الله يخليك يا خوي .... ومره ثانية مشكوريين كلكم


وتقبلوا تحياتي

الوسط