GTA تبيع 2.5 مليون نسخه من اول يوم في امريكا الشماليه !!

العنوان واضح مره. :أفكر:

زياده المصدر يقول نسخه البلاي3 باعت اكثر في اوربا
و نسخه الاكس بوكس باعت اكثر في امريكا .
نسبه بيع نسخه الاكس بوكس لنسخه البلاي3 6:4 لصالح الاكس بوكس.
طبعا هذا الكلام من VGcharts
ننتظر جدول NPD لانه ادق بوايد من في جي .

المصدر

-----------------------
اول يوم كذا اجل بعد اسبوع كم بتصير ؟؟
بكل بساطه اقدر اقول هاللعبه بتصير اسرع لعبه مبيعا في عالم الالعاب.
توني محصل اللعبه الحين بجربها و نشوف.

والله المبيعات قوية
وسبب تفوق مبيعات الاكس بوكس بسبب المحتوى الحصري القادم في الطريق
+ الاكس بوكس نازل من 2005 يعني فيه كثير عندهم اكس بوكس 18 مليون واحد حول العالم
اما السوني نزل مؤخرا وعدد الي عندهم الجهاز فوق 12 مليون فقط ولهذا نجد الفرق الملحوظ

بدا الذهب ينسكب على روكستار:D

ننتظر المبيعات الرسمية بعد أسبوع من الأن
بس على ماأعتقد يمكن هذي اللعبة ماتلقى رواجا في اليابان

اقتباس:

---

بس على ماأعتقد يمكن هذي اللعبة ماتلقى رواجا في اليابان

---

أصلاً لو لقت رواجاً راح أفقد الأمل باليابانيين خلهم على مونستر هنتر أشرف لهم

اقتباس:

---

+ الاكس بوكس نازل من 2005 يعني فيه كثير عندهم اكس بوكس 18 مليون واحد حول العالم
اما السوني نزل مؤخرا وعدد الي عندهم الجهاز فوق 12 مليون فقط ولهذا نجد الفرق الملحوظ

---

الـWii نازل مع الـPS3 وشفه الحين معدى الـX360 .. يعني هالتفكيره انساه
الـPS3 نازل من سنه و7 شهور .. حسستني انه نازل له 3 شهور او شي XD

بعد تجربة اللعبه لفتره بسيطه اقدر اقول انها رهيبه لابعد الحدود بس علشان نكون واقعيين ما تستاهل العشره .

الجيم بلاي : هو اللي يميز العاب جراند ثيفت اوتو و هو سبب نجاحها . في هذا الجزء الجيم بلاي مميز و صعب في البدايه بس بتتعود عليه بسرعه . سواق السيارات صعبه في البدايه و اعتقد السبب لانهم يبغوا يخلوا اللعب واقعي لان اذكر لفات السيارات في الاجزاء الاوليه كانها لعبه . ما يضحكني إلا لما تلف لفه عاديه تحس ان السياره بتنقلب ( و اشوف اكبر عيب بالنسبه للسيارات ) الجيم بلاي 9.8 من 10

القصه : معروفه جراند ثيفت اوتو بان قصصها عاديه بس لحد الحين في هذا الجزء اشوف القصه تشد لانك تكمل المهمه بس علشان تشوف ويش اللي بيصير بعدها . بس تضل للاسف بالنسبه للعبه كبيره باسم جراند ثيفت اوتو و بالنسبه للقصص اللي شفناها في عالم الالعاب عاديه . 9.3 من 10

الرسوم : الرسم كنت متوقع الرسوم عاديه بس صراحه لما تلعب اللعبه خصوصا على شاشه HD بتشوف الفرق و بتحس ان الرسوم قويه بالنسبه للعبه ( مدينه مفتوحه ) بتشوف ادق التفاصيل في اللعبه حتى اشاره المرور للمشاه تشوفها تولع و تطفي .
9.7 من 10

الاصوات : علطول 10 من 10 الشئ اللي جا من روكستار كامل الاصوات ما يعيبها شئ صوت نيكو رهيب ههههه هالروسي .


خدمه التلفون هذي لحالها اعطيها 10 من 10 لان صراحه هذي الفكره رهيبه و التلفون تحس ان له دور كبير في اللعبه و تقدر تسوي حاجات وايد به .

بشكل عام اعطي اللعبه 9.6

على فكره ترى انا من اكبر المعجبين باللعبه حتى من قبل الجزء الثالث اللي سوا ضجه من ايام الاول اللي التصوير يكون من فوق :p احب هاللعبه حب مو طبيعي .

و تقييمي لها احس هذا التقييم اللي تستاهله مو 10 من 10 و اعتقد اغلبكم يوافقوني في هالتقييم . كنت بسوي موضوع لحاله بس احسها ما تستاهل قلنا نكتبه هنا . خصوصا ان المنتدى زحمه الحين بمواضيع جراند ثيفت اوتو ( حرامي السيارات :p ) .

اقتباس:

---

المشاركة الأصلية كتبت بواسطة Modi

الـWii نازل مع الـPS3 وشفه الحين معدى الـX360 .. يعني هالتفكيره انساه
الـPS3 نازل من سنه و7 شهور .. حسستني انه نازل له 3 شهور او شي XD

---

لاتقارن الوي بالسوني والاكس بوكس
لان العاب الوي لفئة كبيرة من صغار السن ولهذا نجد الجميع يشتري الوي لأطفالهم :28:

ماشاء الله اتوقع اكثر لعبه تباع مبيعاتها من بين جميع الالعاب سواء الحاضر او المستقبل

الغريب ان بعض الالعاب مايوصلو العدد مليون الا بعد شهور

وانما جراند ثيفت مليونان ونصف في يوم ؟

ننتظر المبيعات بعد فترة شلون بتصير :D


وشكرا حبيبي على الخبر

مليونين ونص + بريطانيا نص مليون = 3 ملايين في اول يوم في بريطانيا وامريكا الشمالية فقط

اقتباس:

---

المشاركة الأصلية كتبت بواسطة Modi

الـWii نازل مع الـPS3 وشفه الحين معدى الـX360 .. يعني هالتفكيره انساه

الـPS3 نازل من سنه و7 شهور .. حسستني انه نازل له 3 شهور او شي XD

---

لااااااا بس PS3 كان سعره أكثر من ضعف سعر الـWii :28: