السـلام عليـكم ورحمه الله وبركاته,,,
حبيت اكتب الموضوع للآراء والاستكشافات وانتقادات وتقييمات عشاق Grand Theft Auto
ودنا نعرف شنو رايكم بشكل عام للعبه وشنو استكشافاتكم وياليت نتبادل الاستكشافات بالموضوع...
,,,
رايي باللعبه :
صراحتاً اللعبه ماتوقعتها تكون بالواقعيه ,, خاصتاً المباني بعضها مو كلها , لو تلاحظون بيوتوب في عرض عن المباني اللي باللعبه انها ماخوذه من الواقع وخاصه من مدينه نيويورك... مثل الشارع اللي فيه عروض سنمائيه , وتمثال الحريه وبعض المباني للأسف مالهم اسم محدد :dead: , بشكل عام , رايي باللعبه رووووووووعه
الاستكشافات :
بتكلم عن الاستكشافات اللي عرفتها بس , واكيد فيه الف استكشاف كثير من الناس ماعرفوهم ليلحين وان شاء الله مع الوقت راح نعرف جميع استشكافاتها.
الشرطه ردت فعلهم اذا كانو نجمتين واقعيه مثل , اذا كنت تمشي الشرطه يفتحون ابواب سياراتهم ويحتمون فيها ,, وتحصل بعض الشرطه ماسكين مايكروفون ويطلبون مساعده, واذا كنت على الطريق وجايتك شرطه قدامك , تسحب جنط وتدش عليك عرض :blackeye:
السيارات تلعب دور مع البنات , يعني الكل يعرف ان عشق البنات المواااااتر :wow::wow: , وفيه فرق بين الفراري مثلاً او الكورفت مقارنتاً بالسيارات العاديه...
خروجك من الابواب الخلفيه للفنادق او المطاعم تحصل الناس الفقراء منسدحين على الارض وبإمكانك تعطيهم فلوس او صدقه جاريه :dead:
الانترنت يلعب دور كبير باللعبه , طبعاً من خلاله تقدر تحصل وظيفه , تدور حُب :09: , تشوف اخر اخبار Liberty City شنو اخر جرايمها وين الاماكن المحدده السياحيه بالمنطقه,,
تقدر بعد تحصل سيارات معروضه للبيع بمجرد انك تدش على الموقع تحصل الرقم تتصل على صاحب الرقم تتواعد انت وياه...(بس مااضمن لك اذا الموتر ملعون خيره:p, افحصه ههههههههههه)
لما تدعم/تصدم سيارات ثانيه او مبنى او اياً كان , نيكو يطلع من السياره ومن الجام الامامي لانه مو رابط حزام الامان وهالشي واقعي,,
تقدر تستخدم كمبيوتر سيارات الشرطه للكشف عن اصدقاءك او نفسك اذا عليك قضايا او إلقاء قبض او تبي تبحث عن سكن شخص..!!:o
لما تسرق سيارت شخص من افراد عصابه تتفاجأ ان ربعه اللي بالمنطقه ينزلون من سياراتهم ويشتغلون فيك رمي واذا نحشت يلحقونك!! :blackeye:
بعد اكتشفت ان الشرطه مو بس عليك انت,, تحصل اوقات شرطي يلحق شخص مسوي شي ضد القانون يحاول يمسكه...:boggled:
تواير/اطارات/جنوط السيارات تنفجر من كثر التفحيط/التقحيص , وعجبني هالشي :D
تلفونك النقال فيه كاميرا :bigeyes: وتقدر تصور اللي تبي.
لما تقتل شخص بالمسدس او تدعمه , تلقى شخص من الماره يبلغ عليك وتشوفه رافع تلفونه ويبلغ عليك..
وفيه اشياء كثيره بعدي ماكتشفتها :12:
الانتقادات :
اللعبه حلوه وكامله والكامل سبحانه,,, ولكن ياليت حاطين إمبير بانزين للسيارات لانه فيه محطات بانزين مالهم فايده باللعبه مجرد زينه!
لما تطلع عكس السّير الشرطه ماتسوي لك شي , ولما تدعم عمود اناره وتكسرها او تدعم سيارات ثانيه , الشرطه مالها شغل... بس لما تدعم سيارت شرطه او لما تدعم شرطي او شخص امام الشرطه وقتها يطاردونك..
ردت فعل الشرطه لما تكون عليك نجمه وحده سخيفه بمعنى الكلمه...
باللعبه ماتقدر تستعمل طيارات , مثل الطيارات الخاصه او على سبيل المثال F-16 ...
بإمكانك بس تستعمل هلكبتر , وشخصياً ماشوف متعه لما اسوق الهلكبتر .. سخيفه صراحه.
لما تطوف الاشاره وتشوفك الشرطه مالها شغل فيك , او لما تدعم مبنى...
التقييم :
تقييمي الشخصي للعبه 9.9%
,,,
وحبيت اقول تنويه هام لجميع الاعضاء واتمنى من الجميع مراعاة هالتنبيه والالتزام به...
الموضوع ليس لحل المشاكل او كيفيه تخطي مهمه, الموضوع لمبادله الاراء والاستكشافات , واتمنى من الاعضاء عدم وضع مشكلته الشخصيه باللعبه ... وشاكر للجميع مقدماً...
,,,
...Grand Marshal...
