طلبتكم لا تردوني ؟ يعطيكم العافيه :)
يعطيكم العافيه أخواني ,
أنا صارلي 3 شهور ألعب حديد أول ما بديت كان وزني 102 و الآن وزني 100 يعني نقصت
2 كيلو فقط ؟ بس أحس بفرق بجسمي احس انه مشدود " يريت تعطوني برنامج قاسي قاسي قاسي
بحيث أقدر أن أخفف وزني مع بناء عضل و
يكون 5 أيام بالاسبوع ؟ علما اني أحب أشيل أوزان ثقيله وأسمع من الشباب يقولون اذا تبي
تخفف وزن شيل خفيف أو متوسط ؟ وهل اذا شلت ثقيل ماراح ينزل وزني ؟ علما بأن طولي
سم 1,80 .
وهل عليك أن اترك البروتين علما بأني أخذ القليل بمقدار 4 اكواب صغيره التي تأتي مع البروتين
ونوع البروتين هو ايزو بيور واي فات ؟
ويعطيكم العافيه ساعدتوني او لم تساعدوني ؟
رد: طلبتكم لا تردوني ؟ يعطيكم العافيه :)
اولاً مسألة أنك نزلت 2 كيلو طيب وانت تبي تنزل أكثر فلذلك تحتاج أنك تقلل من أكلك بما أنك نزلت هالكيلوين في هالفترة تحتاج أنك تقلل 500 سعرة حرارية من أكلك وتشاهد اسبوعياً لو نزلت 1 باوند يعني ماشي صح ووزنك في نزول
مسألة أنك تبني عضل وتخفف وزن في نفس الوقت مستحيل ثم مستحيل ثم مستحيل .. ولكن اذا أردت تقطيع جسمك وتنشيف الدهون وتنزيل الوزن من الدهون فقط وابقاء العضلات الموجودة مثلاً الحين في جسمك هذي اوكي تقدر تتبع برنامج ينزل الدهون من جسمك
ليس أنك تلعب 5 أيام يعني انك تحصل على نتايج أكثر أهم شي الاكل يكون ممتاز ونظيف وتحرق صح بالكارديو حتى لو كنت تلعب 3 أيام في الاسبوع ممكن تحصل نتايج افضل مما تلعب خمس ايام
http://www.muscleandstrength.com/wor...g-workout.html
هذي برنامج ثلاث ايام الجسم كامل
http://www.muscleandstrength.com/wor...n-routine.html
وهاي برنامج 5 ايام في الاسبوع لو تبي
وطبعاً مع لعب الحرق او الكارديو 30-45 دقيقة 4-5 مرات في الاسبوع سواء بعد التمرين او ايام الراحة وخارج وقت التمرين ما يهم
بخصوص البروتين اذا كان وي بروتين من الغلط انك تاخذ 4 سكوب !!! الا اذا كان غنر وهو اللي عادة يكون 4 سكوب وطبعاً الغنر للتضخيم ويزيد السعرات الحرارية في الجسم ويرفع الوزن وليس العكس
اما اذا كان وي مافي مانع لو اخذته مرة او مرتين او ثلاث يومياً كحد اقصى ولكن 1 سكوب في كل مرة مع 15oz من الماء فتستطيع مرة بعد التمرين ومرة قبل النوم هذلين ضروري اما المرة الاخرى لو حبيت تاخذ 3 مرات يومياً اما قبل التمرين بساعة او في الصباح لو ماكان عندك وقت تفطر كويس
والوي المرة الواحدة فيه ما يقارب 120-160 سعرة حرارية
فالمسألة حسابية كم تأكل وكم تحرق .. اذا أكلت أكثر مما تحرق سيزيد الوزن والعكس صحيح
تحياتي
رد: طلبتكم لا تردوني ؟ يعطيكم العافيه :)
اقتباس:
المشاركة الأصلية كتبت بواسطة AI_BARCA
اولاً مسألة أنك نزلت 2 كيلو طيب وانت تبي تنزل أكثر فلذلك تحتاج أنك تقلل من أكلك بما أنك نزلت هالكيلوين في هالفترة تحتاج أنك تقلل 500 سعرة حرارية من أكلك وتشاهد اسبوعياً لو نزلت 1 باوند يعني ماشي صح ووزنك في نزول
مسألة أنك تبني عضل وتخفف وزن في نفس الوقت مستحيل ثم مستحيل ثم مستحيل .. ولكن اذا أردت تقطيع جسمك وتنشيف الدهون وتنزيل الوزن من الدهون فقط وابقاء العضلات الموجودة مثلاً الحين في جسمك هذي اوكي تقدر تتبع برنامج ينزل الدهون من جسمك
ليس أنك تلعب 5 أيام يعني انك تحصل على نتايج أكثر أهم شي الاكل يكون ممتاز ونظيف وتحرق صح بالكارديو حتى لو كنت تلعب 3 أيام في الاسبوع ممكن تحصل نتايج افضل مما تلعب خمس ايام
هذي برنامج ثلاث ايام الجسم كامل
وهاي برنامج 5 ايام في الاسبوع لو تبي
وطبعاً مع لعب الحرق او الكارديو 30-45 دقيقة 4-5 مرات في الاسبوع سواء بعد التمرين او ايام الراحة وخارج وقت التمرين ما يهم
بخصوص البروتين اذا كان وي بروتين من الغلط انك تاخذ 4 سكوب !!! الا اذا كان غنر وهو اللي عادة يكون 4 سكوب وطبعاً الغنر للتضخيم ويزيد السعرات الحرارية في الجسم ويرفع الوزن وليس العكس
اما اذا كان وي مافي مانع لو اخذته مرة او مرتين او ثلاث يومياً كحد اقصى ولكن 1 سكوب في كل مرة مع 15oz من الماء فتستطيع مرة بعد التمرين ومرة قبل النوم هذلين ضروري اما المرة الاخرى لو حبيت تاخذ 3 مرات يومياً اما قبل التمرين بساعة او في الصباح لو ماكان عندك وقت تفطر كويس
والوي المرة الواحدة فيه ما يقارب 120-160 سعرة حرارية
فالمسألة حسابية كم تأكل وكم تحرق .. اذا أكلت أكثر مما تحرق سيزيد الوزن والعكس صحيح
تحياتي
يعطيك الف عافي اخوي البرسا مشكور وعساك عالقوه يارب ؟
انا قصدي ب4 سكوب وي بروتين ((بالاسبوع ))وليس باليوم الواحد ؟؟؟؟؟
ويريت تعطيني برنامج من عندك يكون خمس ايام وتشرحلي مثال اول يوم صدر الخ,,,,,,,
عسى الله يوفقك يارب
وشاكرلك اخي العزيز ؟
رد: طلبتكم لا تردوني ؟ يعطيكم العافيه :)
وآخر استفسار ادري زودتها :)
انا كل الالعاب العبها اربع جولات 10 تكرارات هل هذي الطريقه صح ام غلط ؟
وما احسن طريقه يعني كم جوله وكم تكرار ؟
يعطيك العافيه
رد: طلبتكم لا تردوني ؟ يعطيكم العافيه :)
بخصوص البروتين لاتخاف حتى لو تاخذه 3 مرات في اليوم مو مشكلة بالعكس هو ضروري على الاقل بعد التمرين مباشرة وقبل النوم مباشرة وطبعاً الحصة هي 1 سكوب من الموجود بداخله في كل مرة
بخصوص برنامج يعتمد عليك انت اذا تبي تنزل وزن وتنشف الدهون هذا يعني تنزيل للدهون وتنزيل الوزن فيكون لها برامج خاصة
اما بناء العضل وتكبير العضل وزيادة الوزن لانه لا يأتي العضل بدون زيادة في الوزن
فدائماً مقولة لعبة كمال الاجسام
املئ الجسم -- ابني العضلات -- احرق الدهون
فيعتمد على الهدف مالك ولكن بخصوص انك تبي تنزل وزنك وتخلي العضل الموجود وتنشفه من الدهون علشان يقل وزنك دهون ويبقى عضل عندك البرنامجين اللي في اللنكين فوق في واحد 3 ايام وفي واحد 5 ايام لو تبي الخمس ايام اخذه وكل لعبة مكتوب كم تكرار وكم جلسة وهناك لنك لو ضغطت على اللعبة ستظهر لك صور اللعبة وكيف تلعبها بالصور
بما يخص التكرارات دائماً للتضخيم ينصح بالتكرار من 6-10 والعكس صحيح للتقطيع ينصح من 10-20
وهناك تكنيكات اخرى ولكن هذا الاساسيات قاعد اكلمك فيها
واي شيء مو واضح او مساعدة ثانية احنا حاضرين
تحياتي
رد: طلبتكم لا تردوني ؟ يعطيكم العافيه :)
أخي البارسا والله العظيم انك انسان على قولتنا بالكويتي ((ذهبه)) يعطيك ألف عافيه ؟
آخر سؤال رديت كان بها مارديت ما قولك الا ((بيض الله وجهك وما قصرت )) انشالله انا بمشي
على الجدول بو 5 ايام ولكن ما تلاحظ ان التمارين قليله ؟
وأرجوك توضحلي كم جوله وكم تكرار وهل يجب ان يكون التكرار بنفس العدات أو اغير ؟
انا اريد ان انزلي من وزني ولا اريد ان اكون نحيف ؟ولكن اريد ان يكون وزني مثالي وجسمي بارز ((لا اريد كميه عضل كبيره ولكن اريدها واضحه )) ؟وشكرا :)
رد: طلبتكم لا تردوني ؟ يعطيكم العافيه :)
هذي قليلة !!! ^_^
اليوم الاول عضلة الباي 3 العاب والتراي 3 العاب وطبعاً بتلاقي عددد الجلسات لكل لعبة sets جنب اسم اللعبة والتكرار كذلك rep بجنبهم يعني لو كان عندك في الجدول مكتوب 4 جلسات ومكتوب جنبها جذيه 15.12.10.10 يعني اربع جلسات والتكرار 15 في اول جلسة والثانية 12 والثالثة 10 جذيه يعني
بعدين عندك الفخذ والبطات 5 للفخذ و 2 للبطات
وبعدين اليوم اللي يليه 5 ألعاب للصدر
وبعدين اليوم اللي بعده 5 ألعاب للظهر
واليوم لاخير 4 العاب للاكتاف
فبالعكس التمارين كثيرة وليست قليلة وبخصوص الوزن حاول تشيل وزن تقدر عليه وتطبق التمرين صح ولا تحط وزن ماتقدر عليه وماتكمل التكرارات او تلعب التمرين اي كلام وحاول دايماً تبدأ بخفيف وتزيد شوي شوي للي تقدر عليه في كل لعبة
والعب 3 مرات في الاسبوع تمارين بطن 4 جلسات و 3 العاب واحدة للعضلة العلوية وواحدة للسفلية وواحدة للخواصر يعني 3 العاب بتكرار 10-20 تعتبر جلسه وكررهم 3 او 4 مرات يعني 3 او4 جلسات
تمرين الحديد لازم ما ياخذ منك اكثر من ساعة ولا ساعة وربع بالكثير ولاتنسى تمارين الكارديو بعد نهاية كل تمرين مثل ما قلتلك
فعلشان تنزل وزنك من الدهون وتبقى العضل لازم تمارس الكارديو من 30-45 دقيقة 4-5 مرات اسبوعياً فلذلك افضل بعد كل تمرين تاخذلك نص ساعة مشي سريع وركيض ومشي بطئ وهرولة يعني تنوع في السرعات ماتثبت على سرعة وحدة
اضافة للأكل السليم وردودي هنا ستفيدك كثيراً ان شاء الله بخصوص الاكل
اكل 3 وجبات رئيسية وبينها وجبات صغيرة عبارة عن سلطات او فواكه او وي بروتين يعني 5-6 وجبات صغيرة يومياً
وحالياً على وزنك وطولك الحالين تحتاج إلى 3368 سعرة حرارية في اليوم فإذا تريد انزال الوزن والتقطيع في الجسم يجب عليك انزال 500 سعرة حرارية ومراقبة وزنك كل اسبوع تجيك الوزن اذا نقص واحد باوند يعني انت ماشي صح والباوند يعني مابين ربع إلى نص كيلو تقريباً لو تحرك وزنك ربع او نص كيلو بالاسبوع يعني ماشيء صح لو ما تحرك بعد قلل 250 يعني كامل 750 سعرة حرارية وأكيد بينزل ان شاء الله
http://www.montada.com/showthread.php?t=589834
تحياتي
رد: طلبتكم لا تردوني ؟ يعطيكم العافيه :)
أخوي البرسا والله العظيم الكلمات ما توفيك حقك ؟
يعطيك ألف عافيه أخي الكريم وعسى يوفقك دنيا وآخره ((قول آمين )) :)
اشهد انك زلم :)
