فيكي إيه
كل كلمه حلوة أقولها في عينيكي
مش كلام
كل نبضه ف قلبي تنطق اسمك انت
بانتظام
كل نظره حب تهمس بيها عيني
في الغرام
كل لمسه من إيديكي تهز قلبي
باحترام
* * *
" عيني لما تشوف عينيكي يحس قلبي
بالحنين "
ينسى آلامه وأحزانه اللي زادت
من سنين
ينسى حتى الروح وينسى كل يوم آسي
وحزين
وف جمال الروح حكاية بس أحكيها
لمين
* * *
بافتكر شكلك ولكن بانسى اسمك
تاني ليه
أصل فيكي م الملايكه كل حاجة
فيكي إيه
فيكي رقتهم وقلبي رقتك دي كتير
عليه
تسلمي يا غاليه من شر الحسود ومن
عينيه
* * *
يا حبيبتي وانت عايشة ف قلبي جوايا
هنا
نبض قلبي انت سرّه بيكي بيحس
الهنا
وانت حبّي نور حياتي نبع إحساسي
أنا
لما يجمعنا الهوى والحبّ يسعد
قلبنا
* * *
تسمعــيني قـبل ما أتكـلم ولا
تتكلمي
واحنا شايفين بعضنا تتكسفي منّي
وتكتمي
وانت دايما حاسّة بيّا تسمعي
وتتألمي
لمّا أقولك تحلمي بيّا على طول
تحلمي
* * *
هو في أجمل وأحسن في الحياة
من حبنا
ولا في اتنين يقدروا يحسوا اللي بينهم
زيّنا
كل ما نحـسّ الحنان والحب مرّة
يهـزّنـا
يعلا ف سمانا ينتشر يفرد قلوعه
في بحرنا
