امتحان من نماذج الوزاره اللى ما بيطلعش منها الامتحانات
بسم الله الرحمن الرحيم
السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر
حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ـــــــــــــــــــــــــــــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة
فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟
دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر
ـــــــــــــــــــــــــــــــــــــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج
هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..ورجعه مكانه
أكمل الأبيات إلى آخر كحكة فى الكليب
قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ـــــــــــــــــــــــــــــــــ
من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــ
السؤال الخامس النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
رد: امتحان من نماذج الوزاره اللى ما بيطلعش منها الامتحانات
امااا امتحان اعجازي اكثر من امتحان الرياضيات :bigeyes:
اقتباس:
دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر
اضن الجواب هو 100% معزوم :09:
و والله موضوع حلو و نقلة مميزة :silly: و نشوفك على خير يا بنت الحورية .. :biggthump
رد: امتحان من نماذج الوزاره اللى ما بيطلعش منها الامتحانات
اقتباس:
المشاركة الأصلية كتبت بواسطة AEA King
امااا امتحان اعجازي اكثر من امتحان الرياضيات :bigeyes:
اضن الجواب هو 100% معزوم :09:
و والله موضوع حلو و نقلة مميزة :silly: و نشوفك على خير يا بنت الحورية .. :biggthump
شكرا على المرور العطر
تحياتى
ابنة الحريه..............:biggthump
رد: امتحان من نماذج الوزاره اللى ما بيطلعش منها الامتحانات
خخخخخخخخخخخخخخخخخخخخخخخخخخخخخخخخ قوي هالإمتحان
ذكرتيني بنهفة عن اسئلة امتحاناتنا في الاردن، خبايص وعجايب، واهم شي انه الامتحان مفهوم جدا
شي تحشيش ولله مشكورة
سلام
رد: امتحان من نماذج الوزاره اللى ما بيطلعش منها الامتحانات
رد: امتحان من نماذج الوزاره اللى ما بيطلعش منها الامتحانات
خخخخخخخخخخ
موضووع رووعه , رائع جدا :09:
شكرا على الاسئلة النموذجية , التي نستفيد منها في مجالات عدة :silly:
موفق :D
رد: امتحان من نماذج الوزاره اللى ما بيطلعش منها الامتحانات
السؤال الأول: التعبير
اكتب ما لايقل عن 650 سطر فى أحد الموضوعات التالية
----
ما لا يقل !!!!!!!!!!!!!!!!
أسئلة تعجيزية ههههههه !!
لو كذا الامتحانات كان خلاص مابيبقى لي مكان بالحياة ههههههه
شووووووكرن سيدي ..
رد: امتحان من نماذج الوزاره اللى ما بيطلعش منها الامتحانات
شكرا ليكم يا جماعه على مروركم وردودكم
نورتم الموضوع
و
الحمد لله انه عجبكم
تحياتى
ابنة الحريه
رد: امتحان من نماذج الوزاره اللى ما بيطلعش منها الامتحانات
اقتباس:
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟
هههههههه صحيح هذا سؤال محير ههههههههه:biggthump
وصراحة اسئلة مضحكة ومبينة الحال المصرية الشقيقة...والله يعينا أجمعينا..^^
ومشكورة اوي على الموضوع ولا تحرمينا من ابداعاتك:D
رد: امتحان من نماذج الوزاره اللى ما بيطلعش منها الامتحانات
اقتباس:
المشاركة الأصلية كتبت بواسطة fly_batman
هههههههه صحيح هذا سؤال محير ههههههههه:biggthump
وصراحة اسئلة مضحكة ومبينة الحال المصرية الشقيقة...والله يعينا أجمعينا..^^
ومشكورة اوي على الموضوع ولا تحرمينا من ابداعاتك:D
شكرا لك على مرورك العطر
تحياتى
ابنة الحريه...............:biggthump
