نجاح1

السلام عليكم ورحمة الله وبركاته

سوف أعرض عليكم سلسلة من الموضوعات سأسميها ((نجاح))

وفيها أستعرض معكم طرق النجاح في هذه اللعبة الشاقة وأرجو أن أوفق باذن الله تعالى..................

نجاح1
أنا بلعب ليه؟؟؟

سؤال وجيه ان لم تسأله لنفسك فأنت بتلعب في الوهم ولازم تحدد هدفك من اليوم

1-علشان أكتسب صحة وأحافظ عليها.
2-علشان أكتسب حجم وقوة وتناسق ومرونة وتحمل.
3-علشان أدخل مسابقات.
4-علشان أحسن مستواي في رياضة أخرى ككرة القدم.
5-علشان أنقص أو أزيد وزني.
6-علشان أحسن مظهري العام.

أختر لك هدف وأكتبه على ورقة واقراه بتركيز كل يوم قبل لما تروح الجيم.

هوفيه مفاتيح نجاح في اللعبة دي؟؟؟

أكيد........ طب وأيه هي؟؟؟؟؟

1-الاستعداد ذهنيا قبل اللعب مباشرة وترك التفكير في أي شيء اخر.
2-وأنت بتلعب على جهاز أو أي حاجة ركز جدا وكأنه اخر جهاز هتلعبه للعضلة دي.
3-الحافز ثم الحافز بمعنى أنظر لهدفك(فوق) تخيل أنك محققه وعايش لحظة الانتصار بانك حققت انجاز بالعرق والاكل والصبر والالتزام وأنت ساعاتها هتشعر بلذة وليس تعب وأنت بتلعب..

4-الارادة وهي باختصار مفيد....التصميم على بلوغ الهدف مهما عجزتني ارااء الناس حولي وأني فين والأبطال فين
أفتكر أن البطل ده كان في يوم من الأيام أخس منك ودي حقيقة وأنا للأسف لو كان عندي سكانر كنت وريتكم صور الأبطال العملاقة أمثال لو فرينو وكينج مالي وغيرهم كان حقراء بكل ماتعنيه الكلمة من معنى-والله العظيم- وأصبحوا أبطال العالم .......الزاي؟؟ الاجابة أنتم عارفينها.........
5-الحماس يعني ماأدخلش الجيم وأنا نايم او يعني داخل أرضي ضميري والسلام..
6-التجاه الايجابي..يعني أدخل على الجهاز وكأنه حبيبك أتعامل معاه بحب وتخلص من أي خوف أو تفكير سلبي.
7-الصبر وأضربه في مليون لأن أغلب المبتدئين يدخل أسبوع ويحبط ويبطل ويلعن اللعبة.ليه؟؟؟
لأنه لم يضع له هدف(فوق) ودخل يلعب علشان بس يشغل وقت فراغه وطبعا أن لو عاوز أشغل وقت فراغي أحسن أشوف حاجة بسيطة مافيهاش تعب ولاعرق وخلاص........
8-التفاؤل....وأنت بتلعب لازم تؤمن وكأنك بتذاكر يعني ربنا مطلع عليك ولن يضيع تعبك وتعبك هايجيب همه باذن الله.

9-ويجب أن لاننسى من طرق النجاح أيضا..
-تغيير البرنامج التدريبي كل شهر أو شهر ونص.
-المواظبة على أداء التمرين.
-الالتزام باداء التدريبات الأساسية.
-اياك ثم اياك والعقاقير المنشطة.
-تابع أيضا مه منتدى واحد فقط منعا لتعدد الأفكار واللخبطة من الشرق والغرب يعني المنتدى ده زي الفل وفيه خبراء وثقات خلاص خليك معاه لمصلحتك علشان تاخد معلومة واحدة بدل تعدد الأفكار وتشتيت الفكر.

أنا بش عاجبني شكل جسمي؟؟!!!!
ياحلاوة هو بمزاجنا الموضوع ده يتدخل فيه عامل الوراثة وعلى فكرة الجسم له 3 أنماط
الميزومورفي وهو النمط العضلي.
الاندو مورفي وهو النمط السمين.
الاكتومورفي وهو النمط النحيف.
للاسف لو كان عندي سكانر كنت حطيت صور...ممكن تشوفوهم على أي موقع بحث زي جوجل.

لو تركت اللعبة نهائيا هل هنضر؟؟
أكيد لأن جسمك وقلبك كبروا وأتعودوا على كمية أكسجين كبيرة بتستهلك وبناء عليه سوف تشعر بانتقال من الصحة للمرض والهزال ولازم تمارس أيروبيك لتحسين –ولاينفع لعلاج- هذا الوضع.

أنا لسه مابلغتش ألعب ولا ابه؟؟

نصيحة لاتلعب الا لما تبلغ حتى تكون مستويات التستوستيرون ارتفعت في دمك فتفيدك في البناء لكن قبل البلوغ ده بيكون من الاخر مزاح أو حلاوة روح.

هل اللعبة دي بتقصر الطول؟؟(للناس أقل من 20 سنة)
أقدر أقولك لو شلت وزن تقيل جدا بشكل خاطيء عظمك يلتهب من عند المفاصل ويؤثر على طولك بس الفكرة هنا لوشلته غلط بش الوزن التقيل علشان كده شيل ماتتحمله وبشكل صح.

وده الجزء الأول من السلسلة......لاحظوا ممكن يكون زميلي في المنتدى سبقني بالكلام بس مأقدرش أفحص كل مواضيع المنتدى.....
أكيد في ناس ملت من الكلام العام ده بس صدقوني هي دي البداية الصح لنجاحك وبش هتحس بقيمتها إلا لما توصل لهدفك..
وخلي بالكم مع التقدم في المواضيع هندخل في الشديد والمواضيع العملية بس الصبررررررررر

بش هنسيب بعض إلا لما تكونوا خبراء وعارفين الجانب العلمي للرياضة دي بس تابعوني وأدعولي......