الحق نفسك قبل ما تكون واحد منهم

طبعا أكيد بتسأل مين دول اللى ممكن تكون منهم ... صح ؟

- صح

- اقول لك ..... دول بقى يا سيدي 10 مليون مصاب بالالتهاب الكبدى الوبائى تسمع عنه ؟

-آه أسمع بس بصراحة معرفش عنه كتير ايه هو بقى ؟

- بص يا سيدي

-بصيت

- التهاب الكبد ده مرض بيصيب كبد الإنسان نتيجة الإصابة بالفيروس وانت عارف الكبد ده مهم بالنسبة لنا قد ايه

- آه طيب أنا سمعت انهم كذا فيروس

- فعلا هم 7 فيروسات A,b,c,d,e,f,g

- بس أن مسمعتش غير عن A,b,c

- ما هى الانواع دى هى اللى منتشرة

- طيب وده خطر يعنى ؟

- طبعا ده ممكن يأدى لتليف الكبد وبالتالى الكبد مش هيقوم بوظايفه ربنا يعافيك ويعافينا

- طيب وهى وظايف الكبد دى مهمة ؟

- طبعا مهمة جدا الكبد ده أكبر مصنع فى جسم الإنسان له حوالى 300 وظيفة ومن غير الكبد حياة الإنسان بتنتهى
شوف انت بقى لما جسمك يفقد 300 وظيفة كان عضو واحد بيأديهم

-طيب انا فى ايدي ايه يعنى ؟

- يا عم سهلة كل الموضوع انك تعمل احتياطك وتتوكل على الله

- طيب اعمل ايه يعنى؟

- جينا للمهم
بكل بساطة تغسل ايدك كويس قبل الاكل وتشرب مية نقية وطبعا بلاش الاكل من بره وكدة وخليك انت فى المضمون وفيروس A(الصفراااا) عمره ما هيجي لك

- طيب وباقى الفيروسات ؟

- بص B و C بيتنقلوا عن طريق الدم لكن برده سهلة

فيروس B تاخد التطعيم بتاعه وتتجنب تلامس اى دم وكمان طبعا مينفعش تستخدم الأدوات الشخصية لغيرك وأى حاجة ممكن توصل لدمك لازم تتأكد من سلامتها

- زي ايه يعنى ؟

-زي امواس الحلاقة وفرش الاسنان والحقن والدبابيس


طب الواحد ممكن يعمل ايه عشان يتاكد ان المرض مش عنده؟

سهله تعمل تحليل بسيط زى
PCR
او
وظاثف كبـــد زى
SGPT
SGOT
-طيب هو مفيش تطعيم لفيروس C ؟

- للأسف مفيش فلازم تاخد بالك وتحافظ على نفسك
ومفيش قدامك اختيار لان دى سلامة جسمك
وجسمك أمانه هتتحاسب عليها

طيب هو فيه اعراض مميزه للمرض ده؟

هو اعراض الفيروسات التلاته تقريبا واحده زى
-اعراض تشبه الانفلونزا
-اصفرار الجلد والعينين
-غمقان فى البول يشبه الشاى الداكن
-فتحان فى لون البراز
والتفرقه بينهم بتم عن طريق التحاليل الى قلتلك عليها فى الاول

يااااااه
طب هو فيه علاااااااج؟

والله هو بالنسبه لفيرس A علاجه بيبقى بالراحه التامه واخد ادويه مضاده للالتهاب ومضادات حيويه مع اكل انواع معينه من الاكل عشان منرهقش الكبد
اما بالنسبه لـــ B و C ده بيتعالج بحاجه اسمها الانترفيرون بس ده علاج مكلف جداااا
بيوصل تقريبا العلاج لحوالى 25 الف جنيه فى السنه او اكتر ومش كل الناس حتستجيب كمان للعلاج ده عشان كده لازم تاخد بالك كويس جدااااااااااا

مشكووور أخي ويعطيك العافية على الموضوع الجميل..

أسلوب الموضوع فريد من نوعه ويشدك من أول سطر،،

بتعرف تختار،، كلك ذووووق;)


الله ما يحرمنا منك ولا من جديدك المتميز...

ونرحب فيك أخاً عزيزاً في منتدى المنتدى..
ويارب تستفيد ويانا..


دمت على طاعة الرحمن..
ماجد

جزاك الله خيرااااااا اخ مااااااااااااااجد

نورت الصفحه وارجو منك انك تساعد فى نشر التوعيه البسيطه دى لكل الى تعرفهم

أشكرك أخي ماجد على المعلومات المفيدة * لا تبخل علينا بأي معلومة جديدة * لأن معلوماتك جداً فريدة * والله يكفينا شر الأمراض القريبة .. والبعيدة ؟؟..

السلام عليكم و رحمة الله و بركاته:)
ألف شكر أخي الكريم على الموضوع المفيد و طريقة العرض الأكثر من رائعة :biggthump
جزاك الله خيراً علي الطرح المميز

في رعاية الله :wave: