كيف احسب نسبة التراكمي ؟

السلام عليكم ورحمة الله وبركاته ..

.........................................

الموضوع واضح من عنوانه ..

ابي اعرف كيف احسب المعدل التراكمي والنسبة المئوية حق ثاني ثانوي ..؟؟

احتاجه ضروري ..

ولكم جزيل الشكر ..

.........................................

والله ياعمري ماااااااااااااا اعرف انا بس
اخذت الشهاده ولافكرت اني احسب ههههههههههههههههههه

حبيبي.. اذا كان قصدك عن ثالث وثاني وتبي تحسب نسبة التراكمي انا اقولك

نسبة ثاني + نسبة ثالث تقسيم 2 = المعدل التراكمي
يعني اجمع نسبة تاني ونسبة ثالث وقسمها على ثنين يطلعلك المعدل التراكمي

واذا كان قصدك عن الدرجة الموزونة فهي كالتالي:
عدد حصص المادة ضرب مجموع المادة
مثال: اخذت في الحاسب 50 وعدد حصص الحاسب في الاسبوع حصتين اذا
50 ضرب 2 =100
100=الدرجة الموزونة لمادة الحاسب

تحياتي

.
.


اهليييين ..
انا طول الترم وانا احسب نسبي ..
من المتوسط لين يومنا هذا .. ^_^ .. !

المهم .. اخوي
( مفرح الشمري )
قلك على المعدل التراكمي ..
و انتبهي على عدد الحصص .. معناته الرياضيات ( اللي هوا غالبا اكثر حصص بالاسبوع )
راح يغير من النسبه كثير ..

وانتي سألتي عن النسبه المئويه و هيا :
مجموع درجاتك / المجموع الكلي للدرجات × 100 = النسبة المئويه

مثال :
الماده الاولى = 90
الماده الثانيه = 95
النسبه لـ هالمادتين بس تكون
90 + 95 = 185 ( مجموع درجاتك )
ولو انك اخذتي بكل المادتين 100 كان
100 + 100 = 200 ( المجموع الكلي للدرجات )

و نطبق العملية الحسابيه اللي فوق
مجموع درجاتك / المجموع الكلي للدرجات × 100 = النسبة المئويه
185 / 200 × 100 = 92.5%


أدري شرحي بايخ .. ومو مفهوم ..
و لو ودك تنزلي درجاتك واحسبها لك .. مافيش مشكله .. !
بالتووووووفيق .. وشدي حيلك ..
الظاهر باقي لك سنه .. !
دمتم بود ..


.
.

السلام عليكم ورحمة الله وبركاته


اشكرج بطووطة على هذي الطريقة صراحه انا اختبصت عقب شهاده التراكمي
لانها مختلفه شوي .. وماعرفت وين احسب ووين اقسم ..
بس مشكورة تراج وضحتي لي وااايد ،، وشرحج كله واضح .

مفرح ..يعطيك العافية راح اجرب طريقتك السنه الجاية .

يعطيكم العافية ع المرور :D