الـPS2 تطلع مو واضحة في تلفزيون الـLCD .. أرجو المساعدة *-*

السلام عليكم

انا قبل اسبوع تقريبا اشتريت تلفزيون باناسونيك فييرا

ويشتغل تمام في الـPS3 بيبل الـHDMI

لكن في الاوديو فيديو العادي يطلع مو واضح ابدا

كأنه رسمة الوان مائية

ونفس الشي الـPS2

هل فيه حل لهالمشكلة ؟:02:

ساعدوني جزاكم الله خير

أخوي بالنسبة للـ PS3 فطبعآ ما أنصحك أبدآ بإستخدام غير الـ HDMI وخصوصآ لو عندك كيبل محترم من مثل Monester أو غيرهم إلي يدعمون الـ Full HD, أما بالنسبة للـ PS2 فحاول تستخدم الـ Component Cable إلي مثل حق الوي إللي فيه ثلاث وايرات للفيديو و إثنين للصوت :
http://www.circuitcity.com/IMAGE/pro....SON.98044.JPG

لأنه يعطي وضوح أكبر حتى إنه أكبر من الـ S-Video و هذا شيء طبيعي لأنه العاب الـ PS2 تدعم بس الـ 480i ومب كل الألعاب تدعم خاصية الـ Progressive Scan إلي تعطي وضوح أفضل و من هذي الألعاب إذا تبي تجرب لعبة Tekken و لعبة God Of War على حد علمي ، أما ألعاب الـ Xbox 360 و الـ Wii فهم يدعمون ألعاب الـ 720p على ما أعتقد فهذا يعطيهم وضوح أكبر بإستثناء الـ Xbox Elite فأعتقد إنه يدعم الـ1080i لأنه فيه مخرج HDMI و طبعآ ألعاب الـ PS3 تدعم ألعاب عالية الوضوح و الوضوح الكامل و إلي هو Full HD يعني 1080p.

و عشان تفرق بين هذي الأرقام فهذي الأرقام تعني بإختصار حجم الصورة إلي بتطلع لك فإذا تبي تلاحظها شوف الفرق في حجم صورة الـ PS2 , Xbox360 و الـ PS3 و إلي هو مبين في الصور التالية:
http://laracroft.jeeran.com/photos/1783629_l.jpg

وهذي مقارنة بين الحجم و الوضوح إن شاء الله تفهم عليها:
http://www.hdblog.net/wp-content/resolution_chart.jpg

بالنسبة للفرق بين العادي و الـ Progressive Scan فتقدر تشوف الصور التالية:

صورة عادية:
http://www.tech2.com/media/images/im...ed_450x360.jpg

صورة مع دعم خاصية الـ Progressive Scan :
http://www.tech2.com/media/images/im...ve_450x360.jpg

أتمنى أني أكون ما أخطأت في أي معلومة و أتمنى لو كان في خطأ إنه الأخوان يصححون لي و أتمنى إن أكون أفدتك يا أخوي و في أمان الله.

ألف ألف ألف شكر على المساعدة ^_^

والله يعطيك ألف عافيه

بس يعني انا الحين لو استخدمت الكومبونينت هل يطلع طبيعي

او بس يساعد على تخفيف التشوش ؟

الله يعافيه و ما عليك إحنا لبعض طالع عمرك بس ممكن تعطيني فكرة عن حجم شاشتك ؟ يعني كم بوصة ؟

تسلم والله ^^

أنا شاشتي 26 بوصة