عالم مريضه نفسيــــــــــــا , تفكير غير معقول

بسم الله الرحمن الرحيم , اليوم حبيت اعرض لكم عينات بسيطه من طريقة تفكير فئه من الناس


الله يشافيهم يارب العالمـــــــــــــين واحب اني اعرض مشاكل اللي حصلت معي على اصدقائي ونتناقش

حول الامور اللي علي تجنبها في المستقبل و هل انا مخطيء فعلي الإعتذار او انهم يوافقوني على كلامي

, قبل لابدا احب اقولك اني ادرس الان في بريطانيا في احد المعاهد

وعندكم معرفه ان جميع الأجناس والجنسيات ستجدونها هناك

اليوم حصلت لي قضيتين كنت ساعلن الحرب فيها على 2 من اصدقائي , ولكن نرجع ونقول الله يشفيهم

القضيه الآولى :

في حصه اليوم , المدرس عمل مجموعات على شكل دائره مستديره , كل شخصان او 3 يكونان

فريق كنت مع احد الإخوان واسمه -ليس الحقيقي- خالد وبدات المسابقه

احد اعضاء الفريق يشاهد الكلمه ويحاول ان يرسمها وعلى اعضاء فريقه ان يخمن ماهي الكلمه

وقتها كان احد الفرق يحاول انه يعرف المعنى وبحث عن قاموسها في لغه الخاصه باللي عليه يرسم

الصوره الخاصه بالكلمه . طبعا كانت فتاتين يتكلمون اسباني على يميني وزميلي

على الجهة اليسرى , فسئلت الاسبانيه عن كلمه لديهم بمعنى غبي هل هي صحيحه ام لا ( بحكم ان فيه اسباني معي في المنزل ) فقالت نعم صح عليك , فقالت احداهما بان زميلي غبي واشرت عليه وضحكت و بدا زميلي يسال وش سالفه مسحت الكلمه وعصب وطريقه كلامه تغيرت


وحاول انه يشوف الكلمه المكتوبه , فقلت له خلاص راحت انا امسحها , وفتحت الورقه له ولو اني

تاخرت قليلا لكانت مشكله كبيره , فقال وش معنى الكلمه قلت غبي , تغيرت ملامح وجهه وقاله

اااااههههه ,بعدها سكت ولاتكلم ولاحاول انه يشاركنا في المسابقه , فعلمت انه زعلان من الكلمه

ولا ادري لماذا . بعد مانتهت الحصه توجهت له
سعود : خالد وش فيك سكت فجاه , عسى ماشر وش اللي مزعلك

خالد : اه يالدنيا ضحكت عالم علينا ,

سعود : كيف ضحكتهم عليك
خالد : قلت اني غبي
سعود : هذا اللي مزعلك دائما انت تقول كلمات اسبانيه ولاقلت لك شيء

خالد : البنت هذي ماطيقها ولااحب اتكلم معها ولاعمري مزحت معها , وحصلت في السابق مشكله بيني وبينها




من الكلام عرفت انه مو زعلان من الكلمه , فقط لان البنت اللي يكرهها اضحكت عليه

فقلت له يعني زعلك مو من كلمه بس سالفه ان البنت الأولى اللي ماتطيقها ضحكت عليك

وانا لم اكن اعلم انك ماتطيقها ابدا ولاعندك مشكله سابقه معها , انا انسان ولا اعلم مافي الغيب

ولانفوس البشر , ودائما اشوفك مبتسم معهم وتضحك وحتى الوقت اللي قضيته معك في الحصص

ماعمري قلت لي عن الموضوع هذا , فقال والله ماهقيتها منك , قلت وش ذنبي

وبعدها قال ياخي انا ماحب احد يمزح معي ابدا ,:bigeyes: احب امزح مع العالم ولاحب احد

يذب علي كلمه - او يقط - وحتى اعز اخوياي ماحبهم يمزحون دائما بمعنى اخر نظرته

-اضحك على اي واحد بس ماله حق انه يذب علي كلمه تضحك او يطرح الميانه معي -

فعرفت فورا ان الرجل عنده عقده نفسيها تصل الى اقصى مستوى



فقررت اني اسحب نفسي ولاامزح معه ويكون تعامل لي معه رسمي






القضيه الثانيه : اسمه فراس

توجهنا و مجموعه من الشباب لاحد المحلات لشراء الملابس , انفصلنا قبل لاندخل المحل
توجهت مجموعه للبنك والباقي لمحل الملابس على ان نتقابل بعدين امام المحل

والان نحن 3 في المحل , اخذنا نقوم بتفحص الملابس وتجربتها

وفجاه وجدنا جاكيت جميل جدا , وكان اخر واحد في المحل

واحدهما قال انه جميل جدا طالعوا فيه , فاتى الشخص الأخر - اللي كان هو السبب لدخولنا للمحل

عشان يشتري ملابس او يجربها لكي ياتي في الغــــد عشان يتقضى ملابس - واخذ الجاكيت

ولبسه وسئلني , سعود وش رايك جميل علي ولا لأ بصراحه , طبعا كان الجاكيت جميل ياناس

وحتى انا اللي مايفهم في الشغلات هذي اخذعقلي , قلت له ايه حلو حلو عليك والله جميل


فاخذه فرح ورب الكعبه كانك تقول له انت اجمل من يمشي على الكوره الأرضيه , المهم جاء رقم 2

وقال والله باحقد عليك للابد يقولها وهو مبتسم , سئلته افاااا ليه , وش عملت رد علي انت تعرف

اني كنت افكر اشتريه ليه قلت له انه حلو عليه :bigeyes::bigeyes::bigeyes: , من

الصدمه لم اعلم وش اقوله قلت له بعدها كيف تريدني ان اعلم ونحن هنا عشان زميلنا رقم 1

قال ان الجاكيت مو حلو عليه بسبب انه قصير وقال انه مناسب للطويل القائمه عشان الحزام وووووو

فقلت له يابو شباب هذا اولا زميل لنا ,ثانيا هو توجه نحوي وسئلني عن رايي واخبرته وحتى لو كل

العالم يقولون ان الجاكيت مو حلو عليه , وازيدك من الشعر بيت لو اعرف ان نفسك فيها وتبي

تشتريه وزميلنا سئلني بارد عليه بنفس الجواب (( بامكانه يقول لزميله معليش يافلان انا نفسي

فيه ممكن تسمح لي اني اخذه ))


فشعر اني عصبت وتراجع وقال والله مو متضايق انه اشتراه لكن كما اخبرتك الأسباب اللي ذكرتها لك وبعدها بدات يساعد خوينا في اختيار احسن الملابس له , مادري كي تغير الوضع وقالوا المجموعه الثانيه ان الجاكيت مو مناسب لخوينا 1 (( في بداية كانوا مقتنعين )) بس بعد تجربة

عدد من الجاكيت الأخرى غيروا ارائهم


تعليقي : بالمناسبه ترى صاحب القضيه 2 يحب انه يكون جميل في عيون الناس دائما دائما

ومستعد يشتري اي ملابس تظهره بالمظهر الشخص الحلو .

كيف تزعل ان زميلك اشترى الملابس اللي انت تفكر فيها واعجبتك ومن وين اتتك الجراءة

لتذهب لصديقك وتستفسر عن سبب قوله بان الجاكيت مناسب ولائق

بعد مانتهت القضيه شعرت ان فيه الام في راسي , من اللي حصل اليوم حتى اني رجعت للمنزل ولا اكلت وجبه العشاء من اللي حصل

اخيرا الله يشفي الجميع من كل الأمراض

تعليقاتكم واستفساراتكم عن اي شيء انا جاهزلها

ياارجال تيكت ايزي :D
والله ما تسوى ما تتعشى عشانهم :D


بتكلم عن السالفه الاولى

من المفروض بما انه حق مسوي حق ذب .. المفروض ما يقول كذا

اقتباس:

---

وبعدها قال ياخي انا ماحب احد يمزح معي ابدا ,:bigeyes: احب امزح مع العالم ولاحب احد

---

شلون يذب في العالم ... وما يبي احد يذب عليه ... ما تجي :D
بس مو معناه انك ما سويت شيء خطأ :D
المفروض بما انه صديقك المفروض ما تسكت لما اشرت عليه الاسبانيه
اقلها تقولها لو سمحتي ما ارضى تقولين على صديقي كذا
ولو سألك تقول انك قلتلها .. ومتأكد ما راح يزعل عليك .. اقلها انك دافعت عنه :D

.
اما السالفه الثانيه
صراحه انا استحقر الناس اللي زي كذا
ما احب هالنوعيه ... وليش النذاله !
ياخي كان قاله انا نفسي فيه وابيه ... وما اتوقع صديقك بيعيي ... لو عيا صديقك الثاني بيصير هو النذل والخطأ عليه :D



انا ما اعرف صديقك هذا .... بس انتبه من هالاشكال
اذا كان على جكت سوا هالسوالف البايخه اللي مالها سنع ! ... باللهي وش تنتظر منه ..!




بالتوفيق اخوي

وان شاء الله ترجع بالسلامه لأهلك ^^


تحيااااااااااتي

اقتباس:

---

شلون يذب في العالم ... وما يبي احد يذب عليه ... ما تجي
بس مو معناه انك ما سويت شيء خطأ
المفروض بما انه صديقك المفروض ما تسكت لما اشرت عليه الاسبانيه
اقلها تقولها لو سمحتي ما ارضى تقولين على صديقي كذا
ولو سألك تقول انك قلتلها .. ومتأكد ما راح يزعل عليك .. اقلها انك دافعت عنه

---

انفاس وحده من البنتين اخونا الله يهديه رايح فيها معها , والثانيه يكرههها كره ابليس ولاكنت

اعرف فالبنت اللي قالت له هو غبي ماراح يزعل منها ابدا , اللي مزعله البنت الثانيه

لانها ضحكت عليه السالفه مو قضيه كلمه او اني مادافعت عنه , بنت الثانيه تضحك عليه

فانا غلطان , سبحان الله :D

واكتشفت ان تفكيره طفولي يزعل من اي ذبه او نكته

وقضيه انه يقول انا اذب على العالم , وهم لما يحبون يذبون علي يعني يقول مو دائما

ههههههههههههههههههههههههههههه قلت شكل لازم نقدم ورقه فيها الذبه قبل لانقولها عليه امام

الجميع








- اما الثاني : فهو والله حتى لما نصور مايحب انه يطلع فيها غلط او ضحكه تدل على انه غبي


لازم يطالع الصوره اللي انت صورتها ويقول رايه فيها


تخيل مره صورته وهو يبتسم ابتسامه عريضه وطلعت اسنانه (( بيضاء ترى مو صفار بيض ))

الاخ قال خلينا اشوف الصوره , شاهدها قال سعود الغيها الله يخليك

قلت له : ليه , وش سالفه , طبعا هو عشانها كان الواحد يشوفها يقول هذا مجنون
فقلت له : الله يهديك لاتصير مريض هذي ضحكه طبيعيه اقصد انها على طبيعته

وتعتبر ذكريات لنا

وارسل لي صوره ثانيه قال شاهد الصوره هذي : والله ياانفاس تقول ان الاخ عارض ازياء

مغلق فمه ويطالع في الصوره على اني Coool :D

فقلت له الحمدلله



انا ماتعشيت من الصداع اللي حصل لي منهم , وابشرك قمت واكلت احلى سندوتش على كيف كيفك

مع كاس شاهي ^^ يحبه قلبك

-والله لو اقولك العينات اللي عندنا , ماراح انتهي

وشكلي باكتبها في المدونات

السلام عليكم

اي و الله صدقت فيهم حاله نفسيه خلهم الله يعينهم على نفسهم


و شوف لك ناس معاملتهم احسن


و مشكور على طرح موضوعك