لي طلب منكم يا اهل السعودية الرجاء المساعدة

السلام عليكم

كيف حالكم يا اخوان عساكم بخير


نوع السيارة : GMC Yukon 2008

الموديل : SLT او SLE

المواصفات:

جلد - مقاعد امامية مفصولة - فتحة - شاشة - بدون دبل


طبعا الطلب اللي ابيه منكم يا اخوان هو كم سعرها بجميع الوكالات سواء كانت الجميح او التوكيلات

وياليت تعطوني نصايحكم متى اشتريها ومتى الاوقات اللي تصير فيها عروض من الشركات

وسؤال اخير: افضل وكيل او موزع الجميح او التوكيلات واذا في وكالات ثانية ياليت ماتبخلون علينا

ياليت تحطون سعر SLT
وكذالك سعر SLE

انا ممكن انتظر لشهر رمضان الكريم اذا كان في عروض او ممكن انتظر الى ان تنزل موديلات 2009 وبكذا تنزل اسعار 2008 نصايحكم يا اخوان


واكون شاكر لكم

هلااااااااااااااا أخوي
أرمادا روح شوفها والله احسن من اليوكن ب1000 مرة
او انتظر لعام 2010 بتنزل بمحرك أقوى من محرك الدنالي ^_^
خذ ارمادا 2008 قوةةةةةةةة
تحياتي

افا وينكم يا اهل السعودية مو هذا العشم فيكم :blackeye:

الموضوع صارلة شهرين ولا واحد عطاني ولو سعر تقريبي لليوكون

يا شباب وينكم

ثاني عيد الفطر انا ان شاء الله بالسعودية ياليت احد يفيدني قبل ما اروح عشان اخذ احتياطاتي

ساعدوني وياللي يعافيكم

اقتباس:

---

سعر يوكون بدون دبل 123 نوع sle
يوكون دبل 133 الف sle

---

هذا الكلام من منتدى ثاني و يتكلم عن اسعار الجميح في تاريخ 11-6


اما عن وكالات ثانية عندك العيسى و بالبيد


و الله يحييك اخوي و المعذره عالتقصير

هلا حياك الله اخوي ...
بالنسبة للسيارة فأنا اكثر الناس اشوفوهم ماخذينها من وكالة الجميح وفي بعضهم من بالبيد...
بس الجميح بالنسبة لتاريخه بالسيارات الامريكية هو اكثر واكبر بالسعودية.
وحاليا منزلين عروض ومثل ماقال الاخ word life تبدأ من سعر 123 الف وهذه الفئة الدنيا وحط ببالك ان اعلى فئة اللي هي الدينالي حول 178 الف وشوي... فالسعر ماتوقع يكون اكثر من كذا وبالنسبة للمواصفات اللي طلبتها انشالله تلقاها وانا متأكد...
واعذرنا اخوي على التقصير بس مثل مانت شايف منتدى السيارات ميت واتوقع لو حطيته بمنتدى متخصص كان لقيت الجواب بسرعة تقبل تحياتي ..

مشكور اخوي وورد لايف على الرد والله يعطيك العافية

لكن هالسعر لنفس المواصفات اللي قلتها ؟

يعني داخلية جلد + مقاعد امامية مفصولة + شاشة + فتحة ؟؟؟؟

_______________

اخ ليفل زيرو

مشكور والله يعطيك الف عافية للنصيحة

سعر الدينالي 178

يعني شي اكيد موديل SLT سعره اقل من الدينالي


عموما انا بصراحة معاي 10 الاف دينار كويتي وزيادة بسيطة يعني تقريبا يطلع المبلغ بالريال السعودي 150 الف

طبعا هالمبلغ اللي معاي غير مصاريف الجمارك

هالمبلغ اقدر اشتري فيه يوكون 2008 موديل SLT كامل مواصفات ؟

او احاول ازيد المبلغ