انا في شي يدور ببالي بالRPG's

طبعا الRpg هي تعدد الأدوار ..
لكن في احد فيكم فكر لي ما يكون في العاب الrpg نظام co-op
معقوله مافي شركة فكرت في هالشي .. او انها مسأله معقده في وضعها بألعاب
من هذا النوع .. , يعني انا برأي اشوف اللعبة احلى تصير ..
لو نلعب مثلا FF ويكون معاك اشخاص يلعبون بدال ما تتحكم فيهم بروحك بكلهم ..
وغير فاينل فانتازي .. بشكل عام العاب الrpg الشرقي ككل ! , الغربي قامو يبدأون في
هالحركة ابتداءا بfable 2.. خلي wolrd of craft و ff11 بصوب.. لأنه pay monthly
و updates alltime .. بس الثانين الي مالهم شغل في هالنقطتين ليش ما يحطون نظام co-op

اعتقد فاينل ماينفع الى واحد يتحكم بالكل .. !

المهم انا صوت لل rpg

فكرة الـco-op ما أحسها تنفع مع ألعاب الـjRPG

لا أنا أقول أحلى الواحد يتحكم بالكل

لأنه اذا دش وياك واحد ما يفكر بس يحط أي شيأ عشان يخلص راح يخرب استراتيجيتك و يذبح ربعك و انت تعاني

و أعتقد صعبه يسونها بالكلاسيك اذا فكرت فيها

بس لو يسونها أكشن أربيجي تكون مني حلوه
----------------------

انتيرنال سوناتا تلعب 3 player

أنا اشوفه مايصلح كلش ..:أفكر:
وخصوصا للـRPG الياباني اولا نظام القتال مايساعد لان عباره عن اختيارات مب اكشن واللعبه فيها حوارات كتابيه كثيره وبعدين انا من النوع الي لما اوصل لمدينه ماخلي احد ماسولف معاه :D
واحب اقرا كثير وماخلي مكان في المدينه ماروح له, فماراح اخذ راحتي فشلون بيكون للاعب الثاني اكيد بيزهق فمادري شلون احسها ماتركب !

اما الـRPG الغربي احسه اوكيه مادري ليش يمكن لان نظام اللعبه يختلف والاكشن زايد شوي عن عن الياباني ومافيه حوارات كثيره مثل الياباني :33:

هو في اساسا العاب كلاسيك اربيجي قادمه غير بلودراغون2 ولوست اوديسي2:D


الاربيجي كلاسيك ما ينفع لان مجرد خيارات يعني السالفه ماله معنى

ااما الاربيجي الغربي تركب لان في شويه اكشن وهو موجود

والاكشن الاربيجي صراحه ينفع 100% خصوصا كنغدوم اوف هارتس حتى كنغدوم تحس انها قريبه من حرب الشوارع الي على الميغادرايف اذا في احد يذكرها:D في القتال بس مع com لو تصير co-op راح تكون بيرفكت وتضبط

على فكره فاينال فانتسي كريستال كروزنكلز على الكيوب فيها co-op لاربع اشخاص وطبعا هالطور كان offline مع توصيل gba و اللعبه اكشن اربيجي

صراحة انا اشوفها فكرة غبية ....
يعني بالله كلنا نعرف ان العاب الا ربيجي هي العاب تكتيك بالمعنى الاصح .
شوف عندك فاينال فانتاسي في زعماء بالهبل تقعد عليهم ساعات , وشي ززي كذا يبيله تكتيك وتخيل يجيك واحد مو عارف وش الطبخة بعديين يخرب السالفة وما فيها ويروح تعب خمس او سبع ساعات على الفاضي. والله شي يقهر...
بس انا اتفق مع الاخوان اللي قالوا لو كانت action-rbg كان احسن يعني ممكن تضيف حماس للعب ..
وعموما انا ماني متفق مع on -line ولا off - line لانها بصراحة تسئ للاربجي وخصوصا الكلاسيكي...

اهي الفكرة حلوة .. لكن لازم تتضبط اكثر وتصير احلى !!

يعني اذا الاثنين كانوا متفاهمين وعارفين استراتيجية .. يصير القتال احلى !!

مثلا انا وفارس .. فارس يقولي انت اهتم بالوحش نطنط وانه اهتم بالوحش صرصر ... بحكم انه فارس اقوى مني بالليفل والخبرة شوي .. !!

صدقوني اللعبة يطلع احلى جذي بس اذا غير متفاهمين تخترب الخطة باكملها !

ممكن تصير ليش لأ !

انه ماني ضد الفكرة .. بالعكس حلوة الفكرة بس يبيلها واحد يمخمخها عدل

افضل العاب rpg

تكون مثل شين مو فيها تنوع

أنا كنت في السابق أفضل الأر بي جي الكلاسيكي نظام الأدوار
لكني بديت أميل لنظام الأكشن

^^^^^^^^

لان اساسا نظام الكلاسيك انقرض فلابد ان نتكيف مع الوضع XD

الاربيجي بالجيمز شي مقدس بالنسبه لي
بختصار .. وانا العب "لحد يقرب صوبي"
ولا بيصير خراب بيوت

غير كذا انا اكبر شخص بالعالم يسحب على المواعيد XD
لأني مزاجي بدرجه كبيره .. ومرات اصير اعاند لعانه لول

هو لو كان لكل واحد فريق ويتهاجمون زعيم واحد كان الco-op حلو عشان يكون فيه تنافس عالأقل خاصة اذا كانت اللعبه مثل كرونو تريجر/كروس الشخصيات القابله للعب تصل للـ40 اعتقد وبكذا ترتب فريقك بكيفك وتتحدى صديقك من يذبح الوحش قبل او تتشاركون عليه عشان تتقاسمون الغنايم

بس اذا كنت تقصد اوفلاين لا ماتصلح بالمره