HEAVENLY SWORD والمزايا الكثيره التي قد لا تعرفها

السلام عليكم ورحمه الله وبركاته

اولا لعبه هافنلي سورد لعبه رائعه جدا وفي كثير قالوه عنها انها فلوب بس عشان انها قصيره مع الجوانب الاخرى متعووووب عليها وممتازه في البدايه راح اتكلم عن عمر اللعبه الي يعتبر اكبر سلبيه عند الكثيرين وراح يكون كلامي دفاع عنها وتوضيح مزاياها اكثر من انطباع او مراجعه ادري ان اللعبه قديمه شوي لكن ظلمت بشكل قوي لذا قررت كتابه هالموضوع وكنت ابي اكتبها في الموضوع الرسمي للتقاييم لكن حسيت ان هافنلي سورد تستاهل

عمر اللعبه

اللعبه تاخذ منك 6 ساعات طيب قصيره مو مشكله فيه مزايا تعوض

الاولى
هافنلي سورد طريقه لعبها ممتعه جدا والقتال خرافي (وانا ما ابالغ فعلا) هافنلي سورد نفسه سيف ممتع وفيه حركات حلوه كثير الخيوط الي تدور بسرعه مكونه رياح وتطير الاعداء وكذلك اسلوب القوه البرتقالي الي يحطم الدروع واهم شي الحركات التفاعليه (كنها حركات مصاعه) الي تسويها ناريكو على الاعداء ويوجد الكثير منها

طيب انت حاليا وانت تقرا تقول شنو دخل طريقه القتال في عمر اللعبه

انا اقولك طريقه القتال تصير ايجابيه بطريقتين
1-تساعدك على اعاده اللعبه على الاقل مره وحده
2- اللعبه في ميزه انك تختار المرحله وقت ما تبي حتى قبل لا تختم اللعبه وممكن تعيد اي مرحله تبيها من اللعبه وتستمع بطريقه القتال الي اشوفها انا افضل من نينجا غايدن2 وديفل ماي كراي4

الثانيه
الاكسترا الموجوده باللعبه
1-تستطيع مشاهده كل المشاهد الي مرت عليك باللعبه في اي وقت

2-فيه 129 دائره ذهبيه مطلوبه عليك انا انهيت اللعبه وعدت كذا مرحله وللحين موصل 73 دائره فقط
فوائد الدوائر
1- تطلعلك ارت وورك رهيب
2- تطلعلك making of حوالي 6 مقاطع تقريبا
3- تطلعك الانمي
الثالثه
في انمي موجود باللعبه قصتها تدور قبل احداث القصه ويقولك اشياء عن قصه السيف واشلون ظهر وشنو قوته
مقطعين موجودين باللعبه تطلعهم بالدوائر الذهبيه وثلاث مقاطع بالستور الامريكي(طلعهم تدخل اول على view all by tititle بعدين تدش على h بعدين على هافنلي سورد وتلقاه المقاطع كلهم)

هذا تقريبا كل الي فيه بالي عن عمر اللعبه نقاط سريعه اخرى
الجرافكس
حلو وممتاز والالوان حلوه وتقدر تقول اول لعبه nexgen على البلاي3 (اذا ماني غلطان) وتفاصيل الوجوه قويه على الاقل في الشخصيات الرئيسيه والبيئات جميله من مناطق الثلج والمباني التراثيه الشرق اسيويه الرائعه

القصه
رائعه وتحكي عن حرب قائمه للاستيلاء على قوه السيف والشخصيات ممتازه وقوى غامضه تحرك الصراعات

الاصوات
الحان شرقيه رائعه وعربيه و دقه ياليل وكل موسيقى اللعبه بصوب و اللحن الي في اول مرحله بصوب هذا لحاله فن وابداع وعود ورعه وانا حاليا مدمن على هالنغمه

الغيم بلاي
متنوع ورعه والقتال ممتاز وفيه تنويع مرات ترمي بالمدافع ومرات تقتل الاعداء بالسهام ومرات يطلبون منك ان تحمي شخص من الاعداء وهكذا

التقييم النهائي
9.3

بالنسبه لي تصميم شخصيه ناريكوو الكاريزما القويه الي فيها ونغمه اول مرحله يكفي
عندي صراحه:biggthump

الصور
http://news.filefront.com/wp-content...heswp30701.jpg

http://www.become.com/pocketchange/v...word4large.jpg

http://www.armchairempire.com/images...ly-sword-2.jpg

اللعبه حبيتها اكثر من god of war

^^^^^^^^^^^

طالعت الانمي ؟؟؟

اللعبه فعلا حلوه خاصة الجرافيكس انا ختمتها في 4 ايام طبعا كنت اقدر انهيها مثل ماقلت ب 6 ساعات

بس الي خرب عليها عمر اللعبه قصير بس القصه حلوه و اسلوب اللعب مثل god of war

اقتباس:

---

^^^^^^^^^^^

طالعت الانمي ؟؟؟

---

ماكملته .. اكره الرسم الي طالع كأنه كومكس -__-"

اولا ...... مشكور على الموضوع الجميل ومنذ فتره لم اقرأ مراجعات لذيذة مثل هذه ^^


اللعبة فعلا اتظلمت بمعنى الكلمة سواء من مواقع التقييم او من بعض اللاعبين
يعنى مثلا بجانب ماذكرته بموضوعك
الاداء التمثيلى بها كان عالى جدا

بس انا مستغرب ... كيف شركة Sony لم تضم هذا الاستوديو الى ستوديوهاتها ؟؟
يعنى افتكر ان Sony دفعت مش فاكر (كم مليون دولار) لتضم ستوديو evolution صاحب Motor Storm
وبعدها كان فيه اشاعات ان Ninja Theory بتبدى بتطوير لعبة جديدة ولكن مالتى

فهل شركة Sony ايضا كانت شايفة اللعبة (فلوب) والفريق مش قوى
انا النقطة هذه الصراحة متداخلة عندى ومش فاهمها

هلا اخوي
PRO~GaMeR

هافنلي سورد جابت مليون وشوي تقريبا يعني مبيعاتها طيبه وبصراحه مادري اذا كانت سوني تبي تفرط فيها لكن فعلا لو كان نينجا ثروي عنده لعبه ملتي (واعتقد ان اسم هافنلي سورد مملوك لسوني) هل معناته ان ماراح نشوف جزء اخر لها راح اكون محبط جدا
وعندي استفسار عن عقد سوني مع نينجا ثروي شنو تفاصليه

صراحه متحسف على الفلوس الي دفعتها فيه T_T
ماعجبني جدا .. اسلوبة فيه تكرار كل حلقة نفس الي قبلها ..
الميزة الحلوة فيه الرسوم + التحكم في قذائق القنابل
وصلت الجولة الاخيرة ووقفت .. اتمنا اذا نزل اصدار جديد لها يكون اكثر حماس
اعطيها 7/10
شكرا على الموضوع ^^

اقتباس:

---

القصه
رائعه وتحكي عن حرب قائمه للاستيلاء على قوه السيف والشخصيات ممتازه وقوى غامضه تحرك الصراعات


الاصوات
الحان شرقيه رائعه وعربيه و دقه ياليل وكل موسيقى اللعبه بصوب و اللحن الي في اول مرحله بصوب هذا لحاله فن وابداع وعود ورعه وانا حاليا مدمن على هالنغمه

---

^^^^^^^
فعلا اللعبه قمه في الابداع ..قصه وموسيقى وكل شي احسن من العله dog of war الي فيها بلاوي الدهر كلها ..
بصراحه اسلوب اللعبه وقصتها شي مب طبيعي والي زاد روعتها الموسيقى تدخلني جو وانا مدمن على اغنيه البدايه :D عجيبه ..
و في النهايه هذي اللعبه يمكن تخليني اشتري الجهاز بكبره وفوقها العاب ثانيه ..

اقتباس:

---

المشاركة الأصلية كتبت بواسطة Al-RaQmi

صراحه متحسف على الفلوس الي دفعتها فيه T_T

ماعجبني جدا .. اسلوبة فيه تكرار كل حلقة نفس الي قبلها ..
الميزة الحلوة فيه الرسوم + التحكم في قذائق القنابل
وصلت الجولة الاخيرة ووقفت .. اتمنا اذا نزل اصدار جديد لها يكون اكثر حماس
اعطيها 7/10

شكرا على الموضوع ^^

---

هافنلي سورد مافيها تنويع:wow:
اخوي الراكمي اول كيف حالك وعساك بخير
لما تبي تقارن هافنلي سورد قارنها بالعاب نفس نوعها مثل نينجا غايدن وديفل هي الاكثر بينهم في التنويع
اول شي كاي
1-اسهم تقتل الاعداء مباشره- محاوله انقاذ ابوها بين الجسر - الهرب في التل فريك:D
2-حصارها وقتل الجنود المكشوفي الراس -الهرب والاختباء
ثاني شي ناريكو
مثل ما تفضلت المدافع والقتال لو مكرر القتال قمه روعه وممكن فتح بعض الابواب باستخدام الدروع
وفي النهايه كل واحد ورأيه :D
ولو تلاحظ لا نينجا غايدن ولا ديفل ماي كراي فيهم نص عالتنويع الموجود في هافنلي سورد

ماعندي تعليق لاني مالعبت اللعبة + سمعت انتقاد حاد من ناحية الفريم ريت ، يقول لك انه مضروب عالاخر والله اعلم ... ويا شباب ، كثروا من هالمواضيع .. من جد ، كثروا منها .

اخوي
PRO~GaMeR

بالنسبه للتمثيل الصوتي وياك حق مثلا لو تشوف الي يمثل صوت bohan يشبه حيل وهذي صورته
http://i.testfreaks.com/images/produ...ord.405752.jpg

وهذا bohan
http://o.aolcdn.com/gd-media/games/h...ation-3/48.jpg

حتى لو تلاحط اجهزه الاستشعار موجوده على الوجه ايضا انا شفت ميكنق اوف انترشالد ولقيت الاجهزه مو موجوده على الوجه نفس الي سووه هافنلي سورد

+محد يعرف اتفاق سوني ويا نينجا ثروي واحتماليه صدور جزء ثاني

مشكوووووور على الموضوع الرئع :biggthump

جربت اللعبه قبل شهر وبنسبه لي افضل
من الألعاب الي ذكرته ابداع بس لو تلاحض
في التصور فيه تقطيع في الصور نفس الخطوط
تطلع اثناء اللعب وصرحه انقثيت كل دقيقه تطلع
وما قصرت ;)

اقتباس:

---

فعلا اللعبه قمه في الابداع ..قصه وموسيقى وكل شي احسن من العله dog of war الي فيها بلاوي الدهر كلها .

---

لول اخوي انت اكيد ما لعبت اللعبه بس قريت عنها واضح مره .
وياك انا موسيقى هيفنلي سورد و قصتها حلوه بس ما تقرب من god of war الاول علشان تفكر تقرب من god of war 2 .

لعبه هيفنلي سورد لعبه ممتعه صراحه بس ودك تاجره اللعبه علشان تنهيها و ترجعها لاني بصراحه لما نهيتها ما في شئ حمسني اني العبها مره ثانيه .
ما ابقى اقلب الموضوع مقارانات.

اقتباس:

---

سمعت انتقاد حاد من ناحية الفريم ريت ، يقول لك انه مضروب عالاخر والله اعلم

---

للاسف صحيح ....
وانصحك تلعبها ترى اللعبه والله تستاهل انك تلعبها .

و اتمنى صدور الجزء الثاني او نزول تيزر او اي شئ عنها .

^^^^^^^

الفريم ريت شنو هل هو المشاكل في انتقال المناطق واللودنق الطويل ؟؟

اذا هو ترا سوي ابديت عدلوه فيه هالمشاكل في اللودنق

بالنسبه للمقارنتها بgow انا ما اقدر احكم لان ما جربت ولا جزء ولا راح اجرب الاجزاء القادمه لاني عندي تحفط عليها
لكني اشوفها افضل من نينجا غايدن2 وديفل ماي كراي4