برنامج ( فرنسى ) مميز فى عرض الخطوط الرسومية

برنامج ( فرنسى ) مميز فى عرض الخطوط الأثرية

بعد اطيب التحيات
=======

الاخوة الاعزاء اتمنى ان تكونوا دايما بخير وفى احسن حال
==============

برنامج اليوم : (( على وزن .. طبق اليوم )) :p

اسم البرنامج : (( Qwerty v1.0 ))

حجم البرنامج مضغوط : (( 5.MB 0 ))

البرنامج Freeware مجانى (( هو بيطلب تبرع بس انا بصراحة مابعرفشى اتبرع بالفرنساوى:smailes106:

وصلة البرنامج

http://img530.imageshack.us/img530/5...5367191gx5.jpg

الشرح

1 -- (( Backgrd coloyr لون الخلفية )) و (( Text colour لون الخط )) بمجرد الضغط على اى واحدة تيجيلك لوحة الالوان تختار منها اللون اللى انت عايزه سواء لخلفية العرض او لون الخط

2 -- (( Direction )) الاتجاه : اتجاه الكتابة تقدر تحدد عايز تكتب من اليمين للشمال اوالعكس وكده فى الصورة مظبوط يكتب من الشمال لليمين لو انت عايز العكس حط النقطة فى الاختيار اللى تحته على طول

3 -- (( keyboard )) وهو ضمن تلات اختيارت للعرض وده لعرض الحروف على سطح كيبور

4 -- (( <DEL> )) للمسح ( ملحوظة لازم تحدد المطلوب مسحه نزرقو بالماوس يعنى )

5 -- (( All characters )) وهو ضمن تلات اختيارت للعرض وده لعرض الحروف على شكل اسطر متساوية العرض تحت بعضها

6 -- (( <SPACE> )) لعمل مسافة بين الحروف وينفع تعملها عادى من الكيبورد

7 -- (( BIG SIZE )) وهو ضمن تلات اختيارت للعرض وده لعرض الحروف فى اوضح و اكبر شكل ممكن وهو الاختيار المختار فى الصورة

8 -- من هنا تختار الخط اللى عايز تكتب بيه وانا هنا مختار الخط الهيروغليفى للملكة نفرتيتى والخط ده موجود هنا فى المنتدى ضمن مجموعة خطوط اثرية كنت قمت بتجميعها ووضعها فى موضوع ( وهعمل وصلة للموضوع بتاع الخطوط ده هنا فى الموضوع - اهيه وصلة موضوع الخطوط

9 -- (( <Enter> )) للنقل الى سطر جديد

10 -- (( Undo )) يرجع للخطوات اللى فاتت

11 -- (( Initialize )) مش عارف بصراحة ده بتاع ايه بس لما بدوس عليه بيمسح اللى مكتوب كله

12 -- زى مهو موضح فى الصورة الحروف معروضة فى اكبر صورة ويمكنك ان تكتب بمجرد الضغط على الحروف بالماوس مباشرة مما يوفر مجهود البحث عن المكان او الحرف الذى يكتب الحرف كذا

13 -- (( COPY )) ينسخ الحروف اللى مكتوبة وتقدر تروح تعمل كوبى فى ملف وورد مثلا (( بس قبل ما تعمل Past لازم تظبط الوورد على نفس الخط اللى كان فى البرنامج وإلا هتلاقى الوورد عمل Past لرموز غريبة

14 -- (( QUIT )) علشان تقفل البرنامج وبعد الضغط عليها تيجيلك نافذة (( بتسألك عايز تحفظ العمل ))مكتوبة بالفرنساوى وفى تلات اختييارت (( ركزو معايا اللى على اليمين .. الغاء الامر .. واللى فى الوسط .. لا .. واللى على الشمال .. ايوه ..اقصد (( نعم )) يعنى ، وفى حالة انك اخترت .. ايوه .. فى تلات خطوات :

1- (( Save in )) هنا تحدد مكان حفظ الملف فى الهارد

2- (( Filename )) هنا تكتب اسم الملف اى اسم انت عايزه

3- (( Save as type )) هنا تحدد نوع الملف وانت تقدر تحفظ بامتداد (( txt أو ini او Qwerty file )) الامتداد الاول وهو معروف وهو ملف Text والامتداد الاخير هو الامتداد المزود من قبل البرنامج

15 -- لعرض بقية الحروف او الرموز نستخدم اما الرمز هرم لفوق او هرم مقلوب للنزول

ملحوظة : الموضوع مجهود شخصى وغير منقول ومن اراد نقله فليتكرم ويراسلنى

اتمنى انى اكون شرحت البرنامج كويس

واتمنى ان يكون البرنامج جميل ومفيد ويعجبكم

تقبلوا منى احب واطيب واصدق التحيات