بسم الله الرحمن الرحيم
طبعا انا عارف ان الكل يتمنى ان يحصل على جسم جميل .. فالكل يتوجه الى لعبه كمال الاجسام
ليحقق مراده ...
لكن بالمقابل يجب على اللاعب ان يفهم ان هذه الرياضه تحتاج الى صبر وتحتاج الى جهد والى وقت .. ليس هذا فقط .. بل تحتاج الى المال :) وسوف اوضح جميع هذا النقاط انشالله ..
وانا لهذا السبب حتى لا تضيع مجهودك ولتحقق مرادك سوف اوضح بعض النقاط التي ممكن ان يكون البعض قد اهملها ...
1- اولا : التغذيه السليمه هي اساس الحديد فبدون تغذيه سليمه لا يمكن الحصول على الحديد بل على العكس .. اعطيكم مثال : السياره مثلا اذا ظلت عندك فتره طويله سنه ولا سنتين وما غيرت دهن لها شنو راح يصير لها ؟ طبعا ماراح تتحمل .. وهاذي نفس الشي .. انت اساس قاعد تبني بلعبه كمال اجسام فا اذا كان اكلك مو زين .. انت جذيه راح تهدم ماراح تبني ولهذا السبب تشوف بعض الناس داشين الندي وبعد 3 شهور او اكثر يقول انا ما تغيرت او انا ضعفت او انا تقسمت بس ما ضخمت .. هذا كله بسبب الاكل الغير جيد ( بالنسبه لكيفيه للتغذيه اعتقد ان اعضاء المنتدى تكلمو عن هالموضوع بما فيه الكفايه )
2- ثانيا : انت الحين داش النادي لا تحط افبالك ان راح تشيل اوزان من اول مره .. حط افبالك انك راح تبلش من الصفر وتشيل اوزان على قدك ومو بس جذيه .. لازم تشيل الوزن الي تخليك تحرك العضله صح مثال : في تمرين الباي ( البار او التبادل ) انا الاحظ الكثير حاط وزن كبير ويتفلسف وقاعد يشيل الوزن يدزه دز يعني يستعمل قوه ظهره لرفع الدامبل ولما يخلص التمرين يحط ايده على ظهره .. طبعا العضله ما استفادت لان اهوا مو قادر يشيل الوزن اهوا الحين قاعد يهدم العضله ما بناها ! وثاني شي اذى ظهره .. يعني باختصار شيل وزن على قدك والعب صح :)
3- ثالثا : مالك شغل بالي حواليك من الناس ولا تسمع نصايحهم .. خلك واعي وانت ثقف نفسك عشا تعرف شتسوي :)
4- رابعا : بالنسبه للجدول التمرين اعتقد الكل متفق ان اذا كنت تبي ضخامه من الافضل انك تمرن كل عضله بيوم .. وراح اعطيكم مثال :
اليوم الاول : صدر ( راح يكون 6 تمارين كل تمرين 4 جولات كل جوله 10 عدات كحد اقصى )
اليوم الثاني : عضله الظهر : نفس الي فوق 4 جولات .. + عضله البطن
اليوم الثالث : اكتاف
اليوم الرابع : ارجل + سواعد
اليوم الخامس : باي + تراي
اليوم السادس راحه
الحين انت بهذا الجدول قدرت تستفيد من اقصى جهد للعضله وعطيت راحه لباقي العضلات انا بالنسبه لي هذا الافضل ...
خامسا : البروتينات والمكملات : انا بالنسبه لي لازم اول شهرين تكون مواظب على الحديد وجسمك تعود عليه .. وبعدين اذا الواحد بياخذ بروتين اعتقد ان الافضل الوي بروتين وخصوصا الاوبتيمام لانه يحتوي على احماض امينيه ويحتوي على الجلوتامين المهم الي يحافظ على العضله هذا بالنسبه للبروتين ..
سادسا : واخر شي حبيت اقولك في شغله انا دايما الاحظها .. ان بعد التمرين على طول الواحد ياكل اكل فيه بروتين .. او يشرب البروتين .. طبعا هذا من وجه نظري خطأ ! لان الجسم استهلك كل الجلوكوز بالتمرين فيحتاج انه يعوضه .. انته لما تاخذ البروتين الجسم راح يفككه وياخذ سكر وماراح تستفيد استفاده قصوى منه .. فا النصيحه الي حاب اقدمها ان بعد التمرين افضل شي صحن فواكه ( مصدر جيك للسكريات البسيطه ) الي الجسم يمتصها بسرعه وبعدها بنص ساعه اخذ البروتين مالك فا يكون افضل وجذيه العضله تقعد على راحتها وتبني عضلتك وانت مرتاح :)
هذا كل شي اسف لاني طولت عليكم بس حبيت اشاركم الاشياء الي توصلتلها واتمنى انها تفيدكم
