الرجا المساعدة في شراء كاميرا جديدة

السلام عليكم

كيف حالكم يا اخوان

بصراحة انا انسان بديت اعشق التصوير وبأذن الله في الايام القليلة القادمة راح اخذ كاميرا احترافية جديدة

ولكني احترت اي كاميرا اخذ

بالبداية احب اوضح الكاميرات اللي احترت فيها وارجوا منكم مساعدتي في اختيار احداهم او تنصحوني في كاميرا اخرى

الكاميرات اللي احترت فيهم اهم من شركة واحدة الا وهي Nikon لكن الموديلات تختلف

عموما الموديلا هي

Nikon D700
Nikon D300
Nikon D90


مع العلم ان موديل D90 هو الاحدث بينهم

واللي يبي مواصفات كل كاميرا يضغط على اسم الكاميرا وراح تنتقل الى صفحتها


واذا في اي نصيحة بكاميرا اخرى افضل منهم ياليت ماتبخلون علينا

وشكرا

سلامي للجميع

اولا ارحب فيك معنا هنا

ثانيا الكاميرات الي وضعتهم مو من فئة وحدة

مثلا D90 للمبتدئين

والـ D300 للمحترفين

والـ D700 للمحترفين الي مررة وصلوا درجة عالية وغالية

اذا كنت مبتدأ انصحك بالـ D 90 او D80

وشكرا

شكرا على الترحيب اولا

ثانيا يا اخي الغالي اي نعم انا مبتدأ ولا عندي الاحترافية الكاملة + الكاميرا اللي راح اخذها ان شاء الله

تقدر تقول اني راح اتدرب عليها لووول

ويا اخي الغالي ياليت تعطيني معلومات اكثر

وانت حيرتني اكثر بين D90 و D80 مع العلم ان فرق السعر بينهم كبير

الفرق بين الـ D90 و الـ D80

مواصفات معينة .. وللعلم ان جودة الصور نفس الشي اللهم البكسل فرق

والـ D90 ..اغلى بكثير من الـ D80

يعني خذلك الـ D80 احسن من ناحية السعر

الـ D90 مواصفاتها لا تقاوم لكن السعر...وتوها ما نزلت في الخليج العربي

اذا خلاص نويت على الكامير قولي ادلك على محل ممتاز في الرياض

اسعاره حلوة.. .ويوصل للكويت

اي سؤال إضافي؟

واذا تبي تغيير شرايك تجي للكانون ؟ خخخــ لا امزح خذ الي يعجبك والشركة الي تمييل لها

ههههههه والله ودي مع العلم انه تم عرض علي كاميرا كانون 350D من صديق ومتردد اخذها او لا

شرايك انت استخير واخذها واهي مستعملة لكن نظيفة ومافيها الا العافية وماويها شي غير ملحقات الشركة الاصلية لا عدسات ولا غيرها

وللعلم انا بصراحة باخذ الكاميرا للتدريب والتعلم ولا ودي احط فلوس اكثر من اللازم

لم اصير محترف ان شاء الله باخذ الكاميرا اللي تستاهل

شرايك فيها ؟

http://www.dpreview.com/reviews/Cano...ndview-001.jpg

الـ350D.. الإصدرا القديم من كاميرتي الحالية الي هي 450D

الـ عندي الآن موصفاتها احسمن من القديمة لكن جودة الصور متقاربة...

اولا ما انصحك فيها اذا كانت مستعملة لان الكاميرا قديمة نوعا ما...واكيد فيها خلل او عطب ما

لكن اذا لقيتلك 400D او 450D مستعمل توكل على الله

الأسعار:

350D : نادرا ما تلاقها لكن سعرها : 2000 ريال مع العدسة او 20دينار

400D : الكاميرا هذي حصلت على افضل كامييرا للهواة لعام 2006 سعرها 3000 ريال او 30 دينار

450: اختهم المطورة والجديدة تفرق عن القديمات انها شوي كبيرة وشكلها متغيير شوي بس

ونزلت كاميرا جديدة للمبتدأين وهي
canon eos 1000D

جديدة وومتازة جدا...وتعطي نتائج احترافية لكن مشكلتها ما نزلت في اكثر دول الخليج

عموما حدد رأيك اذا كانون ولا نيكون

ولعلمك الشركتين بنفس المستوى
هذا الي عندي اسف على التقصير

طيب شرايك في هذا العرض

كاميرا Nikon D80
مع عدستين الاولى
Nikon 18-55mm f/3.5-5.6G ED AF-S DX
والثانية
Nikon 70-300mm f/4-5.6G AF Zoom-Nikkor
وكذالك
Titanium .45x Wide Angle Lens

ومعاها فلاتر
UV Filter
Polarizer Filter
Filter Pouch
Lens Cap
Cap Keeper
ومعاها بعد

عدد 2 ميموري بحجم 4GB لكل ميموري ( يعني 8GB )
وكذالك معاها USB Card Reader
ومعاها ديجيتال فلاش
ومعاها شنطة المنيوم
http://www.shopsunshine.com/img/hc_mp_dsn.jpg


ومعاها بعد شنطة عادية

http://www.shopsunshine.com/images/bag.jpg


ومعاها ياطويل العمر

Deluxe Video & Photo Tripod
http://www.shopsunshine.com/images/traveler.jpg

وكذالك معاها

Table Top Tripod

http://www.shopsunshine.com/images/tr023.jpg

واخيرا معاها عدة تنظيف العدسات


وكل هذا بسعر 900 دولار تقريبا 3300 ريال سعودي او 240 كويتي


اتوكل ؟

مع العلم سعرها بروحها ( Only Body ) تقريبا 700 دولار تقريبا 2600 ريال او 180 كويتي



وهذي صورة العرض كاملة

http://www.shopsunshine.com/gallery/...b_1855_dsn.jpg

مع العلم انه هالاشياء غير الاغراض الاساسية الموجودة مع الكاميرا بالكرتون

بمعنى

الملحقات الاساسية ( اللي تجي بالكرتون ) + الملحقات الموجودة فوق

العرض مغري جدا صراحة...

لكن وشو الموقع الي راح تطلب منه؟

اهم شي يكون موقع مضمون...

لان بعضهم الحين صار يسرق بطاقات الفيزا...يعني خلك حذر

اذا تبي تطلب من المحل الي قلتلك عنه..في الرياض يعني خلال يومين

توصلك العدة كاملة

اهم شي تأكد من الموقع وأسأل احد اذا طلب منه ولا لأ

هذا الي عندي واسمحلنا على القصور

الموقع اللي موجود فيه هالعرض هو ebay

وفيه عروض ثانية كثيرة

في موقع سعودي بس اسعار شوي مرتفعة

www.cam4sell.com

وبالنسبة للمحل اللي انت تتكلم عنه ممكن تعطيني طريقة الاتصال فيه سواء كان موقع او رقم تلفون او اي شي

طيب بعطيك المحل..

اسم المحل: سليمان الحارثي لمعدات التصوير

طريقة التوصيل: عن طريق احد شركات الشحن المشهورة

تحول له المبلغ المراد وتعطيه عنوانك وبيوصلك بإذن الله ان طول 5 ايام

الأسعار:

تقريبا شبيهه بالموقع الي فوق الي حطيته انت

الأرقام:

الأخ سليمان 00966508999754
الأخ شمسان 00966566900572
رقم المحل 4128239-01

واذا تبي تستفير منهم كلم اي واحد من الارقام وان شالله بيردون عليك

والمحل مضمون وموثوق عن تجربة

طلبت فلاش قبل اسبوع ...حولت له المبلغ وعطيته العنوان والحمدلله وصل الدمام في يوم واحد

وارحت استلمته من محل الشركة واذا تبي يوصلونه لين بيتك بس انا كنت مستعجل عليه هع