##سلسلة حكاياتي تقدم: برسلي الغفله##
سلالالالالالالالالالام عليكم
اهلين مصرقعين .. ومصرقعات .. كيفكم وش اخباركم
بمناسبة رجوعي للمنتدى و افتتاح منتدى الصرقعه <-- قديييييييم
حبيت ان اكتبلكم اقصوصه صارتلي :D بسم الله نبدأ:
اتذكر يوم كان عمري في تمام العشر سنين واحد عشر شهرا وعشرين يوما وثلاث ساعات (( صارت ساعه ذي مب عمر )) هع هع , كنت راجع من المدرسه ، وكنت العاده ارجع بباص المدرسه وكنا وحنا راجعين بعد الدوام وما صدقنا نطلع من الحصه الاخيره واللي كانت دايم ممله ومافي امل(( ولاحصه ولا بدريه)) اني افهم او استوعب فيها أي شي ، وكنا نطلع حرتنا وقهرنا وظلمنا في المدرسه(( سجن ذا مب مدرسه)) في المارة المساكين والهنود اللي نشوفهم وحنا راكبين باص المدرسه العام (( عام ولا سنه)) هع هع
وراجعين لبيوتنا ، خبركم مبزرة ، ودايم كنت ما اشرب عصيري بالفسحه عشان يكون مصيره في محل واحد من الضحايا المنكوبين من تصرفاتنا الطفوليه والهمجيه انذاك ((ايه رايكوا في شويتين الكلام دول))
< ======= قلب مصري
وفي مرة من المراريت وبينما كنا راجعين وراكبين باص الاجرام اقصد باص المدرسه جاني خويي ابو راشد
للي ساكن بحارتنا وقعد جنبي بالباص ،وقالي ان فيه مدرب خطير ياباني وصل لحارتنا عشان يدربهم اصول وفنون الكراتيه وان التسجيل جاري (( جاري ولا توفير)) هع
< ==== ابد ما كان يشتغل ببنك
طبعا قالي خويي انه بيسجل وطلب مني اني اسجل معه وقعد يشرحلي احلامه وطموحاته وانه بيصير بطل كاراتيه بالمملكة وبعدين بالخليج ليين ما يصير بطل العالم وقاعد يقولي انه بيصير قوي ومشهور مرررة وبيطلبونه بالافلام ويصير يقدر يضرب كل واحد قدامه وينفخ على عيال المدرسه كلهم ويواعدهم بالطلعه ولا يهمه احد (( يا حليل طموح البزران))
طبعا الفكرة دخلت مخي .. وقامت تدور في مخيخي وفي جميع انحاء دماغي لين ما اقتنعت وحنا واصلين البيت واتفقت مع ابو راشد عشان نروح نسجل بدورة الكاراتيه بعد صلاة العصر عند البقاله ((،السوبرماركت))
ودخلت البيت طبعا والاحلام تدور براسي وشلون بصير بطل الكراتيه الجاي بالعالم .. واقعد انا ظر أي مرايه اشوفها قدامي واطالع نفسي فيها واقعد اسوي كل حركات ابطال الكراتيه واصارخ نيااا هجمي كاااااااااااع
ولقيت قدامي صحن بالمطبخ ، وقلت يا ولد (في نفسي طبعا) وش رايك تتدرب عليه ؟؟؟
واحط الصحن على الطاوله واضربه بقووووة بايدي علشان اكسره طراااااااااااااااااااااخ
ترن طرن ترن طرن ترن طرن < ========== صوت الصحن وهو ينكسر ويتناثر بالمطبخ
وااااويئ هيءهيءهيءهيءهيء< ========== صوت صياحي (( وشدعوى ديك)) بعد ما كسر الصحن
وتجي الوالده الله يطول بعمرها وتصيح وتقول وش فيك ضايق خاطرك اشوف بعيونك كلام
===== تحمس مع عبادي
اقصد تقول وش فيك يا وليدي ؟؟ وتصيح وتصارخ .. لين ما لفت الجرح بالشاش وحطت منظف ومعقم .
طبعا رجعت الغرفه ونا زعلان وكل شوي ابكي واصيح واقول وشلون بصير بطل كراتيه مثل فاندام وجاكي شان وبروس لي وانا بكيت من صحن صغير وطلع لي دم منه
افففف تصدقون تعبت شرايكم اكملكم الحلقه الجايه :D :D
